2023-04-18 11:41:48
ОАВда ишлаган пайтим президент ва парламент сайловларида фаол эдим. Жараённи севаман, лекин натижа қизиқ бўлмаган.
30 апрелда кутилаётган референдум кампаниясига аҳамият бермасликка максимал ҳаракат қилиб, барибир ёзишга мажбур бўлдим.
Ўзбекистонликлар танқидий ўйлашдан кўра, шукроналикни афзал кўради. Лекин кундан кунга аҳолида сиёсий онг ривожланиб боряпти.
Аҳмоқона шиорлардан воз кечишимиз керак. Шаҳар кўчаларида бонг уриб илинган шиорлар қуёшда сарғайиб кетишдан бошқасига ярамайди. У фақат ортиқча харажат олади.
Қарсакбозликлар ҳамманинг жонига теккан. Энг муҳими, аввалги ҳукуматни ҳозиргиси билан солиштиришни бас қилиш керак. Ҳукумат ўз ишини аъло даражада бажарса, аҳоли ўзи фарқлаб олади.
Сарвинознинг сўровномасини кўрдим. Ҳали референдум нималигини билмайдиганлар бор. Чунки уларга ҳеч қачон ишламайдиган конституция қизиқ эмас. Камбағални охирги тийнигача шилиб, амалдорга келганда ишламай қоладиган конституция қизиқ бўлмаган уларга.
Конституциядаги ўзгаришларни ўқидим. Керакли ўзгаришлар бор ва бу замон талаби. Анча олдин киритилиши керак бўлган қонунлар.
Умуман олганда, янги конституция эскисидан фарқли ўлароқ, ишлайди деган яхши гумондаман.
from @jurnalistIroda
https://t.me/Uzbeklog
21 viewsJASUR ABDUGAFFAROV, edited 08:41