2023-10-11 10:02:00
Andijon davlat universitetida
39,3 milliard so‘m miqdoridagi naqd pul talon-toroj qilingan. Bu haqda Hisob palatasining yagona "Masofaviy nazorat" markazi tahlilida keltirildi.
Bunda quyidagi holatlarda pul mablag‘lari o‘zlashtirib olingan:
Kontrakt mablag‘lari hisobidan stipendiyasiz shaklda tahsil olgan 8 ming 761 nafar talabaga 25,1 milliard so‘m ortiqcha stipendiya hisoblanib, to‘lov qaydnomalari soxtalashtirilgan;
Talabalar tomonidan to‘langan 9,3 milliard so‘m to‘lov-kontrakt summalari universitet hisob raqamiga kirim qilinmagan;
Talabalarga hisoblangan 2,7 milliard so‘m rag‘batlantirish mablag‘lari tarqatilmasdan, ularning imzolari soxtalashtirilgan;
Budjet mablag‘lari hisobidan 2 ming 226 nafar talabaga bitta davr uchun ikki martadan 1,1 milliard so‘m ortiqcha hisoblangan stipendiya o‘zlashtirilgan;
Talabalar yotoqxona ijarasidan tushgan 911,8 million so‘mlik naqd pullar universitet hisob raqamiga kirim qilinmasdan noqonuniy o‘zlashtirilgan;
Universitetga xizmat uyi xarid qilish uchun jismoniy shaxs bilan 2,5 milliard so‘mlik to‘g‘ridan-to‘g‘ri shartnoma tuzib, shundan 300 million so‘mi noto‘g‘ri o‘tkazilgan.
Tekshirish yakuni bilan rasmiylashtirilgan hujjatlar to‘plami huquqiy baho berish uchun huquqni muhofaza qiluvchi organlarga yuborilgani ma’lum qilindi.
@Uzbekiston24
12.8K views07:02