2024-01-19 05:24:28
CHET TILI VA JISMONIY TARBIYA FANI O’QITUVCHILARI UCHUN ATTESTATSIYA JARAYONI QAY TARTIBDA O’TKAZILADI? Amaldagi tartibga ko’ra umumta’lim maktablarining chet tili va jismoniy tarbiya fani o’qituvchilari uchun attestatsiya jarayoni amaliy
(chet tili o’qituvchilari uchun 4 ta ko’nikma) o’tkaziladi. Shuningdek,
attestatsiya test shaklida ham o’tkazilishi mumkin. Bu haqida nizomning 37-bandida ko’rsatilgan.
Chet tili fani o‘qituvchilari uchun o‘quv (maxsus) fani bo‘yicha malaka sinovlari quyidagi bo‘limlardan iborat bo‘ladi:
a) “tinglab tushunish” bo‘limi og‘zaki nutqni qabul qilish ko‘nikmalarini, eshitilgan matnlardagi asosiy fikr va detalni tushunish mahoratini tekshiradi — 30 daqiqa;
b) “o‘qish” bo‘limi o‘qilgan matnlardagi asosiy fikr va detalni tushunish mahoratini tekshiradi — 45 daqiqa;
v) “yozma ish” bo‘limi tegishli darajadagi grammatik tuzilishdan va talabgorning lug‘at zaxirasidan foydalangan holda, berilgan mavzular bo‘yicha bir-biri bilan bog‘langan matnlarni tuzish mahoratini tekshiradi — 30 daqiqa
g) “gapirish” bo‘limi tegishli darajadagi grammatik tuzilishdan va lug‘at zaxirasidan foydalangan holda, berilgan savollarga mos javob berish va o‘z nuqtai nazarini asoslash mahoratini tekshiradi — 10 daqiqa vaqt ajratiladi.
“tinglab tushunish”, “o‘qish” bo‘limlarining har biri 30 ta savoldan, “yozma ish” bo‘limi 120 — 150 ta so‘zdan iborat topshiriqdan, “gapirish” bo‘limi topshiriqlarning 3 ta turidan iborat bo‘ladi.
Chet tili fani o‘qituvchilari uchun o‘quv (maxsus) fanidan malaka sinovi har bir bo‘limining eng yuqori bahosi 20 ballni va barcha bo‘limlar uchun maksimal baho 80 ballni tashkil etadi.
DIQQAT! Kamida C1 darajadagi milliy yoki unga mos darajadagi xalqaro sertifikatga ega chet
(ingliz, fransuz, nemis, ispan, italyan, arab, xitoy, yapon, koreys, turk, fors, pushtu, dari, urdu, hind) tili fani o‘qituvchilariga navbatdagi majburiy attestatsiyada mutaxassislik fani va kasb standarti bo‘yicha bilim darajasini aniqlash hamda o‘quv fani bo‘yicha malaka sinovidan maksimal
80 ball beriladi hamda ular ushbu malaka sinovidan ozod etiladi. MAKTAB
Oylik bot
O‘qituvchilar uchun barcha hujjatlar shu kanalda!
https://t.me/uqituvchiga_hujjat
37.4K views02:24
O
