Mohira Nurullayeva

2020-11-17 16:48:39 #Yurtinga_kitob_yubor
“Yurtingga kitob yubor” aksiyasiga start berildi

Taʼlim — millatning ishi ekan. Yaqinda xorijda istiqomat qiluvchi yurtdoshimizdan oʻzga tillilarga oʻzbek tilini oʻrgatuvchi kitoblar yetib keldi. Ularda Ona tilimiz misolida tilni oson va tez oʻrganishning eng yangi yondashuvlari berilgan.

Taʼlim mazmunini toʻliq yangilashga imkon berilgan bu chogʻda Respublika taʼlim markazi jahondagi ilgʻor taʼlim tizimlarining yutuqlarini oʻrganishga kirishgan.

Markazda barcha fanlar mazmun-mohiyatini yangilash boʻyicha ish boshlagan jamoalarga koʻrib-oʻrganishlari uchun zamonaviy darslik va qoʻllanmalar zarur. Taʼlimdagi islohotlarda koʻngilli sifatida ishtirok etishni istagan yurtdoshlarimiz uchun “Yurtingga kitob yubor” aksiyasini eʼlon qilamiz.

Jahonning qaysi nuqtasida boʻlishlaridan qatʼiy nazar, yurtdoshlarimiz oʻsha hududda umumtaʼlim maktablariga yoki maktab oʻquvchilariga moʻljallangan darsliklardan Oʻzbekistonga yuborishlari mumkin.

Respublika taʼlim markazida bu darslik va kitoblarning ilgʻor jihatlari oʻrganiladi. Ushbu saʼy-harakatlarning natijasidan yurtimizdagi millionlab bolajonlar, xususan oʻzimizning farzandlarimiz, xalqimiz manfaatdor boʻladi.

Xorijdagi yaqinlaringizni “Yurtingga kitob yubor” harakatiga qoʻshilishga chorlang.

Shuhrat Sattorov, Respublika ta'lim markazi direktori

Murojaat uchun: @Mohira_PR Ochish/sharhlash

2020-10-21 09:59:17 Odamlarning gap-soʻzlari:
— Seryozna, konechno, da, atak, vopshe, fkusi yoʻq, uje, prosta, normalniy...

Bunday gap-soʻzlarga chidolmagan kishining hayqirigʻi:
— Tak, stop!

Oʻz tili chin himoyachisining chaqirigʻi:
— Toʻxtating! Bas,yetar!

Boshqa til soʻzlarini aralashtirib gapirish zamonaviylik belgisi emas. Oʻzbekcha soʻzlar bilan fikrini toʻliq, tushunarli ifoda etish ona tiliga boʻlgan hurmat belgisi.

Tilimizga hurmatsizlik qilmaylik! Ochish/sharhlash

2020-10-03 11:40:13
Жантелаген

Кўп давлатларда бойлик муваффақият белгиси ҳисобланади. Швецияда эса бу ҳақида гапирилмайди чунки швед жамияти Жантелаген деб аталувчи қоидага амал қилиб яшайди. Мисол учун, пул ҳақида гаплашиш шведлар учун жуда ҳам ноқулай мавзу ҳисобланади. Бойлигини кўрсатиш, хатто, ўртамиёна маош ҳақида гаплашиш жамиятда тўғри қабул қилинмайди. Бу ва бунга ўхшаш мавзулар табу ҳисобланади.

Жантелаген ўзбек тилида Жанте қонуни дейилади. Бу норвегиялик ёзувчи Аксел Сандемоснинг 1933-йилда ёзилган китобидаги қоидаларга қаттиқ амал қилиб яшовчи ҳаёлий Жанте шаҳарчасидан келиб чиққан сўз. Жантелаген кўз-кўз қилмаслик, мақтанмаслик, киши ўзини бошқалардан устунроқ, кучлироқ, ақллироқ деб билмасдан, ҳаммани тенг кўриши дегани.

Жантелаген таъсирини фақатгина Швецияда эмас, бошқа нордик давлатларда ҳам кўриш мумкин. Бу ҳақида олдинги мақолаларимда ҳам ёзганман. Юқорида санаб ўтилган ҳислатларни ислом дини ва кўплаб маданиятлар тарғиб қилишига қарамай нега баъзи мусулмон жамиятларда бундай ҳислатлар камёб бўлиб кетяпти деб ўйлаб қоламан. Сиз нима деб ўйлайсиз?

Мақолани улашинг

t.me/NodirSanakulov Ochish/sharhlash

2020-07-15 14:18:38 ​YANGI ONA TILI DARSLIGIDA NIMALAR O`ZGARDI?

Joriy yilda takomillashtirilgan oʻquv dasturi asosida 5-sinf darsligi nashrga tayyorlandi. 5-sinf ona tili darsligida nimalar o`zgardi?

Tayanch oʻquv reja asosida (fan soati haftasiga 6 soatdan 4 soatga keltirildi) boshlangʻich sinflarda ona tili fani milliy oʻquv dasturida grammatikaga asoslangan nazariy bilimlar qisqartirilib, oʻquvchida nutqiy va yozma savodxonlik koʻnikmalarini shakllantirishga qaratilgan mavzularga urgʻu berildi.

117 ta nazariy mavzular soni 64 taga qisqarib, 55 ta mavzu qoldi. Ilgari darslikda 54 ta amaliy mavzu kiritilgan boʻlsa, endilikda yana 17 ta amaliy mavzu qoʻshildi.

Oʻquvchilar yozma savodxonligini rivojlantirish uchun 5 soat punktuatsiyaga oid mavzular kiritildi. Bundan tashqari darslikda oʻquvchilarni PISA testlariga tayyorlaydigan matnlar mavjud.

Shuningdek, alohida matn va lugʻat ustida ishlash matnlari kiritildi. Bu matnlar avvalgi oʻtilgan grammatik mavzularga bogʻlanadi va ularni amalda sinash uchun xizmat qiladi. Matnlar oʻquvchining ogʻzaki nutqini rivojlantirishga qaratilgan. “Munosabat bildiring” yoki “topshiriqni bajaring” ruknlarida berilgan savollarga va topshiriqlar oʻquvchining fikrlash qobiliyatini, shaxsiy mulohaza bildirish koʻnikmalarini shakllantiradi. Shu bilan birga, matndagi soʻzlarni tahlil qilish jarayonida oʻquvchining grammatik mavzuni qay darajada oʻzlashtirgani namoyon boʻladi va yozma nutqi rivojlanadi.

Darslikning yana bir ahamiyatli tomoni shundaki, eʼlon, xat, tabriknoma, taklifnoma kabi ish qogʻozlari boʻlimi yangidan kiritildi. Ushbu mavzular ham bugungi zamon oʻquvchisini SMS-xabarnomalar, messenjerlar orqali xat yozayotganda fikrni toʻliq va toʻgʻri bayon qilishi, soʻzlarni oʻrinli qoʻllashi kabi koʻnikmalarni shakllantirishga yoʻnaltirilgan.

Shuningdek, avvalgi darslikda, leksikologiya boʻlimiga 31 soat ajratilgan boʻsa, yangi darslikda 43 soat ajratildi. Bu oʻz navbatida oʻquvchida soʻz va uning maʼnolari ustida ishlash koʻnikmasini shakllantiradi.

Darslikka kiritilgan matnlar bilan birga yangi soʻzlarning izohli lugʻati kiritildi. Lugʻat bilan ishlash koʻnikmasini shakllantirish, axborot texnologiyalari sohasidagi terminlarni tushunish va sohalarga oid terminlar bilan ishlashda juda ham muhim jihatdir.

5-sinf darsligi juda murakkab tuzilgan edi. Ushbu kamchilik murakkab mavzularni dasturdan chiqarish hamda ayrimlarini yuqori sinf darsligiga koʻchirish orqali bartaraf etildi.

Jumladan, 43 soat sintaksis, 35 soat morfologiya qismlari olinib, yuqori sinflar darsligiga koʻchirildi.

Sinflar oʻrtasidagi takrorlanish va nomutanosibliklar bartaraf etilib darslik takomillashtirildi. Avvalgi darslikda 204 soatning 30 soati takrorlash edi. Endigi darslikda jami takrorlashga 8 soat qoldirildi.

Telegram|Facebook|Instagram Ochish/sharhlash

2020-07-12 18:45:04 #Ўзимга_насихат

Сенга муҳтож бўлмаган кишининг ҳаётига кириб олма.
Сени рад қиладиган кишига оғирлигинг тушмасин.
Сени истаган киши сени топиш учун ҳар қандай қийин ишларни қила олади!

Яҳё афанди.

@QalbimdagiNur Ochish/sharhlash

2020-07-07 14:21:23 YANGI "INFORMATIKA" DARSLIGI AXBOROT TEXNOLOGIYALARI BOZORINING ISH BERUVCHILARI BILAN MUHOKAMA QILINDI

Bugungi axborot texnologiyalari bozoriga tayyor kadrlarni tayyorlash uchun maktab darsliklaridan boshlab yoshlarda maʼlum koʻnikmalarni shakllantira olish kerak. Bunda esa Oʻzbekiston axborot texnologiyalari bozorining ish beruvchilari fikrlarini inobatga olish juda muhim.

IT sohasining innovatorlari yangi "Informatika” darsligi muhokamasida oʻz fikrlarini bildirishdi. Endi zamonaviy darslikni yaratishda ularni takliflari inobatga olinadi.

Respublika ta`lim markazi kanallariga obuna bo`lish:

Telegram| Facebook|Instagram Ochish/sharhlash

2020-06-18 14:56:14 ENDI XORIJDA TURIB HAM O`ZBEKISTONGA PUL O`TKAZMALARINI AMALGA OSHIRISH MUMKIN

Oʼzbekistondа ilk bor elektron pul tizimi operаtori vа mаhаlliy elektron pul tizimini joriy etildi. "BRIO GROUP" toʼlov tashkiloti “OSON” elektron hamyoni bilan Oʼzbekistonda birinchi boʼlib elektron pul tizimi operatorlari reestriga kiritildi.

Endilikda Qiwi, WebMoney ва Яндекс. Деньги, Payeer, Perfect Money, Intellekt Money kabi elektron hamyonlar orqali "OSON" elektron hamyonini to`ldirish va xorijda turib O`zbekiston bo`ylab 200 dan ortiq xizmatlar bo`yicha xarid va pul o`tkazmalarini amalga oshirish mumkin.

“OSON” elektron xamyoni foydalanuvchilarga toʼlovlar va oʼtkazmalarni amalga oshirish geografiyasini osonlik bilan kengaytirish, shu bilan birga oʼz pullarini “OSON” elektron pullar tizimining eng past komissiyalarida tejab qolish imkonini beradi.

Hozirda PayPal xalqaro to`lov tashkiloti bilan toʼlov integratsiyasi boʼyicha faol hamkorlik yoʼlga qoʼyilmoqda. Ochish/sharhlash

2020-06-10 16:20:30 TUKIYADAGI O`ZBEKISTONLIK TALABALARNING MUAMMOLARIGA QANDAY YECHIM TOPILMOQDA?

Joriy yilning 28-may kuni O'zbekiston yoshlari umumjahon assotsiatsiyasi Turkiya vakilligi tomonidan O'zbekistonning Turkiyadagi Favqulodda va muxtor elchisi Alisher Agzamkhodjayev bilan pandemiya chog`ida O'zbekistonning Anqaradagi elchixonasi faoliyatiga bag`ishlangan vebinar o'tkazilgan edi. Suhbat chog`ida Turkiyadagi o`zbekistonlik talabalar o`rtasidagi muammmolar ma`lum qilindi.
O'zbekiston yoshlari umumjahon assotsiatsiyasi Turkiya vakillining ma`lum qilishicha, ushbu muammolarning quyidagi uchtasiga elchixona tomonidan yechim berildi:

Turkiyadagi barcha talabalarning har biriga 100 TL qiymatiga ega savdo talonlari bilan ta'minlash bo`yicha murojaat ijobiy qabul qilindi. Natijada Turkiyaning 22 viloyatdagi jami 327 nafar vatandoshga birlamchi oziq-ovqat mahsulotlarini olish uchun BIM doʻkonlarining oziq-ovqat kartalari tarqatildi.

Turkiyada tahsil olgan talabalarni O'zbekiston bilan hamkorlik qiladigan tashkilotlarga taklif qilish bo`yicha yo`llangan murojaati asosida IT yo`nalishida ta`lim olgan 20 nafar talabani 1 oy o'qitish sharti bilan hamda sog'liqni saqlash yo`nalishida mutaxassiligi bo`lgan 4 nafar talabani xususiy firmalar tomonidan ishga qabul qilinishiga erishildi.

Vatanga qaytuvchi charter reyslar uchun talabalarga alohida kvota ajratish bo`yicha so`ralgan yordam yuzasidan bugunga qadar 32 ta talabaning ro`yxati shakllantirildi. Endilikda tashkil etiladigan har bir charter reyslarga Assotsiatsiya va Turkiyadagi o`zbek talabalari jamiyati tomonidan beriladigan talabalardan iborat ro`yxat kiritiladigan bo`ldi. Ochish/sharhlash

2020-05-13 13:57:22 Rossiyada ogʻir vaziyatga tushib qolgan oʻzbekistonliklarga bir martalik moddiy yordam toʻlab beriladi

Oʻzbekistonning Rossiyadagi elchixonasi “Mehr” loyihasini ishga tushirdi.

2020-yil 14-maydan Oʻzbekistonning Moskva shahridagi elchixonasi va Rossiya hududlaridagi bosh konsulxonalari Rossiyada ogʻir vaziyatga tushib qolgan quyidagi toifa dagi Oʻzbekiston Respublikasi fuqarolarining bir marta beriladigan moddiy yordam toʻlab berishni boshlaydi:

Nogironlar – tegishli tasdiqlovchi hujjat (maʼlumotnoma) taqdim etilgan taqdirda;

Qaramogʻida 2 yoshgacha farzandi boʻlgan hamda homilasi 7 oylikdan oshgan ayollar – zarur tasdiqlovchi hujjatlar (bolaning tugʻilganligi haqidagi guvohnoma, tibbiyot muassasasidan maʼlumotnoma) taqdim etilgan holda;

Koronavirus tasdiqlangan shaxslar – tegishli tasdiqlovchi hujjat asosida;

Rossiya oliy oʻquv yurtlari kunduzgi boʻlimlarida tahsil olayotgan talabalar – oʻqish joyidan tegishli maʼlumotnoma asnosida.

Mazkur yordam Rossiyada belgilangan mehnatga haq toʻlashning eng kam miqdoridan kelib chiqqan holda bir martalik pul mablagʻini toʻlab berish shaklida amalga oshiriladi.

Moliyaviy yordamni olish uchun elchixona tomonidan maxsus ishga tushirilgan oʻzbek va rus tillaridagi «mexr.rf» elektron portali orqali murojaat yuborish lozim.

Kanalga obuna boʻlish
https://t.me/umumjahonmatbuotkotibi Ochish/sharhlash

2020-05-13 13:43:08 XORIJDAN 1243 NAFAR VATANDOSHLAR QAYTARILDI

Oʻzbekiston Respublikasi Prezidenti Shavkat Mirziyoyevning topshirigʻiga binoan, 2020-yil 8 — 12-may kunlari Dubay, Minsk, Seul, Dehli, Frankfurt va Moskva shaharlaridan 1243 nafar vatandoshlarimiz charter reyslari bilan Vatanga qaytarildi, deya xabar bermoqda Tashqi ishlar vazirligi.

Tashqi ishlar vazirligi tezkor shtab-kvartirasi maʼlumotlariga koʻra, 13-may kuni, taxminan soat 19.00. Charter layneri Istanbuldan kelishi kutilmoqda.

Kanalga obuna boʻlish
https://t.me/umumjahonmatbuotkotibi Ochish/sharhlash