Тил - миллатнинг жони! Тил учун курашиш - жон учун курашиш! | Майда гап

Тил - миллатнинг жони!
Тил учун курашиш - жон учун курашиш!
Тилсизлик – ўлим!

Рус тилини расмий тил сифатида эълон қилиш тарафдорлари бўлган олимлар мендан кўра анча тажрибали, билимли, юқорироқ инсонлар.

Улар ҳам ўзбек тилини йўқотайлик дейишмаган, шунчаки рус тилига расмий тил мақомини бериш тарафдори бўлишган. Лекин...

Олдин ҳам ёзганман, каратеда «набивка» - этни ўлдириш услуби бор. Одам танасининг маълум қисмини калтак еганда оғримайдиган қилиш услуби. Бунда ўша жойга секин-секин зарба бераверишади, бора-бора қотиб, зарба таъсир қилмайдиган бўлиб қолади.

Бу ташаббус ҳам ўзига хос «набивка».

Этни ўлдириб, рози қиволишгандан кейин, бошқа бир гуруҳ олимлар томонидан рус тилини давлат тили деб эълон қилиш ташаббуси кўтариб чиқилса, ажабланмасак ҳам бўлади.

Бу ташаббус алаҳсирашдан бошқа нарса эмас, менингча!

Алаҳлаш – одатда касалликнинг аломати. Уни олдини олиш, беморни даволаш керак!
Дарҳол.