Майда гап

2022-06-10 15:13:12 Айланиб-айланиб охири барибир мусулмонлар ютади деган гапни ўйлаб қолдим. Бу дунёда ҳам, у дунёда ҳам.

II Жаҳон урушидан сўнг Европада уруш бўлмаганди. Бошлаворишди.

Бир жинсли никоҳни қонунийлаштирамиз деб югуриб юришибди. Насли қирилиб кетиш ёқасида.

Марихуаннани қонунийлаштираяпти. Хакслининг «Ажиб янги дунёси»даги соманинг чакиладиган варианти...

Мусулмон бўлмасанг икки дунёинг куйгани шу эмасмикан, деб ўйлаб қолдим Ochish/sharhlash

2019-08-19 17:11:56 Тошкентга келганимдан бери 2 та гап доим асабимни бузади:

Биринчиси таксистларнинг «ҳовли қатта укаааам» деган саволи бўлса, иккинчиси милиция ходимининг «Ҳужжатларизди кўриб қўяйлик.... Праписка йўғууу, аа? Бяққа ўўт, Қани учаскавой хонага юрчи... эээээ...», деган гапи.

Мен бу прописка тўғрисидаги дискриминацон қонунга қаршиман!

Бу Конституцион ҳуқуқимизнинг тўғридан тўғри поймол қилиниши.

Туғиладиган жойни танлаб бўлмайди-ку. Айби Қашқадарёни Қамашисида туғилганими?

Ватанда эркин яшашга ҳамма ҳақли. Ochish/sharhlash

2019-08-08 18:02:31 ​​Охирги хабарлардан тушунишим бўйича Фарғона, Қашқадарё, Хоразм вилоятлари ҳокимлари ишида қоладиган бўпти.

Яхши! Қилғиликни қилиб қўйишган, энди ишдан бўшаса буларни чаласини бошқа биров битиришига тўғри келарди. Ажратилган пулларни қаерга гум қилганини фақат ўзлари билишади. Еб кетишмагандур ҳар ҳолда.

Хоҳлагандим! Шунча гапдан кейин 4 та Вазирлар Маҳкамасидан одам келиб, буларни ҳар бирини ўртага олиб теппииииб-тепиб, ҳокимият биносидан ҳайдаворишса роса томошабоп воқеа бўларди-да. Битта узр сўраган видео қўйворардик, олам гулистон!

Кутамиз! Ҳокимлар эрталаб ўрнидан туради ва бўлди хотин, бугундан бошлаб ҳаммаси бошқача бўлади, дейди (орқа фонда илхомлантирувчи ҳинд мусиқаси жаранглайди) ва ишга пиёда югуриб кетади...

31 декабр соат 23:59 да марказдан келган комиссиялар «ха ха хааааа... энди уни ҳолига маймунлар йиғлайдииии», деб Яккабоғ поселкага кириб боришсаааа...

Ҳаммммма тараф обод, фонтанлар отилган, одамлар рақсга тушган, уйларни дарвозаси номерланган, деворлар верблюжий 19-рақамли рангга бўялган, светлар ёнган, газ вообще ҳудда қилиб бўлмайдиган даражада баланд, заправка тўла бензин, одамлар карта, нарда ўйнаган..... хуллас дахшааат.

Шу пайт сариқ нексия миниб ўтаётган отахондан бу қаер, деб сўрашса бу Яккабоғ сити, болам, деб 35 тезлик билан йўлида давом этади. Шу жойида парда тушади. Ochish/sharhlash

2019-08-07 16:20:14 ​​Одам ўзини бахтли ҳис қилиши учун Ролс Ройсни арендага олиб, 55 та Галенвагенни эргаштирволиш, Яккасарой тўйхонасига киришингни Фаррух Зокиров «Ёр уйига келин пошшааа ибоооо билан келиииибдиии...», деб кутиб олиши шартмас... Ochish/sharhlash

2019-08-06 12:30:00 15 августдан бошлаб электр, ёқилғи ва энергетика маҳсулотлари нархи ўртача 18% га ошади.

Бу нима дегани?

Бу ҳамма нарсани нархи ошади дегани. Чунки энергетика ресурслари сарфланадиган барча маҳсулот ва хизматларга ушбу оширилган нарх қўшилади. Шунинг учун фақат бензин ошаркан, буни менга алоқаси йўқ, мен великда юраман, дейдиганларга алангали саломлар! Ochish/sharhlash

2019-08-05 17:20:00 ​​Кирил Альтман яхши интервью олади. Аммо саволлари жуда ҳам чуқур эмас. Лекин, чидаса бўлади. Сабаби суҳбатдошни савияси шуни талаб қилса керак.

Комил Алламжонов - оммавий ахборот воситалари билан ишлашни чин маънода янги даражага олиб чиққан раҳбарлардан.

Умуман олганда менга ёқди (Буни бировга 1 тийинлик қизиғи ҳам бўлмаса керак).

Энг қизиқ жойи Алламжонов мени каналимни ўқиркан. Ўзи айтди. Ва бошқаларни ҳам ўқийман деди... Ochish/sharhlash

2019-08-05 17:03:25 Абдулла Орипов

УЗР

Ҳангома кўп учрар ҳаётга доир,
Кекса бир қаламкаш одам бор эди.
Сизга кўп ёмонлик қилганман, шоир,
Кечиринг, узримни сўрайман, деди.

Балки раҳмат дейсан шунисига ҳам,
Гуноҳин бўйнига олмиш-ку инсон.
Сен гугурт чаққанда ёнсаю олам,
Узрингдан не фойда, эй сўқир, нодон.

Аттангки, қайдадир ношуд шифокор
Кимнингдир дилбандин айлади нобуд.
Унга узрларнинг не кераги бор,
Қўлма-қўл кетмоқда кичкинтой тобут.

Сиз менинг умримни қилдингиз адо,
Турфа пучмоқлардан бўлган ҳужумлар.
У темир панжалар юракни борҳо
Анорни сиққандек, эзиб ғижимлар.

Кун-бакун тараққий этмоқда дунё,
Ногоҳ одамкушни топмоқ ҳам қийин.
Ҳозирги маданий жаллодлар ҳатто
Аввал узр сўраб, сўйишар кейин.

2015 йил 31 июль. АҚШ, Хьюстон.

Абдулла Орипов Ochish/sharhlash

2019-08-05 12:02:36 Мақол: «Қочган ҳам, қувган ҳам Худо дейди»
Янги мақол: «Танқид қилган ҳам, танқид қилинган ҳам «Муҳтарам Президентимиз айтганларидек», дейди» Ochish/sharhlash

2019-07-27 11:27:36 ​​Обод маҳалла....

У кимга керак? Ўша ерда яшаётган аҳолигами?

Унда маҳаллани нима қилиб обод қилишни аввал маҳаллий аҳоли билан маслаҳатлашиш керакдур?

Маҳаллани обод қилиш ўзи нима дегани?

Кўчани бир хил рангга бўяб, столбага чироқ қўйишми?

Газ йўқ, ичимлик суви йўқ, куз келиши билан қишки уйқуга кетадиган светни гапирмаса ҳам бўлади...

Қорнинг оч, устинг юпун, совуқда дийдираб турсанг чиройли кўчада яшашдан маъни борми?

Ёки эгнингда печкани ҳиди анқиб турган чопон билан, аравада бидонда рўзғорга ишлатишга сув ташиганда шу кўчалардан юриш мазами?

Чет элда 4 та дарахтни кесиш учун ҳам референдум ўтказилади-ю.
Сиз эса ичида одам бор уйга булдозер ҳайдаяпсиз...

Ўртоқ бузғувчилар! Сизни ёқиб юборишларини оқламайман, лекин мен ўз уйларини бузилишига қаршилик қилаётганлар тарафидаман.

Чунки сиз эртага мени маҳалламни «обод» қилгингиз келиб қолмайди деб ким кафолат беради?! Ochish/sharhlash

2019-07-20 09:21:06 ​​Биз қанчалар содда халқмиз-а...

Одамларнинг фикри қанчалар тез ўзгариши мумкин... Умуман кераксиз масаласини ҳал қиберса, (ҳали бўладиган гапми, бўлмайдиганми униси Худога аён) кечагина ер билан битта қилган одамни кўкларга кўтарворамиз.

Одамларни ҳаётини бир грамм ҳам енгиллаштирмайдиган майда нарсалар билан оворамиз...

Одам бўлмай қирилиб кетмасак бўлгани... Ochish/sharhlash