ЗАМОНАВИЙ ЎҚИТУВЧИ (ҳазил шеър) Янгиликка ташна бўла | To‘y Bob She'rlar ✔️

ЗАМОНАВИЙ ЎҚИТУВЧИ

(ҳазил шеър)

Янгиликка ташна бўлар,
Замонавий ўқитувчилар,
Кампютрга ошна бўлар,
Замонавий ўқитувчилар.

Ўз уситида ишлар тинмай,
Заҳмат чекар тиним билмай,
Таълим учун ҳар нега шай,
Замонавий ўқитувчилар.

Бефарқ,беқунт бўлмас улар,
Ҳақ деб кўзи ёниб турар,
Келажакка кўприк қурар,
Замонавий ўқитувчилар.

Илм излаб бедор юрак,
Равнақ учун жони ҳалак,
Мана қандай бўлиш керак,
Замонавий ўқитувчилар.

Айланади тўхтамай Ер,
Таълим учун керакман дер,
Пахтазорда ёзмайди шеър,
Замонавий ўқитувчилар.

Дарсига кеч кирмайди ҳеч,
Бир жойда, тек турмайди ҳеч,
Ўқувчини урмайди ҳеч,
Замонавий ўқитувчилар.

Донёрлари аталмиш Дон,
Жавоҳири Жони,ё,Жон,
Конспект ҳам электрон,
Замонавий ўқитувчилар.

Ҳамма жойда бир ҳил маош,
Ким кўз бўлар,кимлардир қош,
Асло сизга отмадим тош,
Замонавий ўқитувчилар.

Қаддингизни уринг,омон,
Торга тордир ҳамон,замон,
Ҳазил шеърим бўлди тамом,
Замонавий ўқитувчилар.

Хуршид Карим

➢ 𝙏𝙖𝙧𝙦𝙖𝙩𝙞𝙣𝙜𝙡𝙖𝙧 ➢

➥DÒSTLARGA YUBORING


@Toy_bob_sherlar

@Bayramlar_Uchun_Tabriklar