Tez yordam 103

2022-12-24 13:43:46 #Диққат

Яқинларингизни огоҳлантиринг: Бугундан бошлаб ерни энг кучли магнит бўронлари қоплайди.

24 декабрдан 28 декабргача бўлган даврда кузатилади. Юқори даражадаги 5 к-индекси бу энг кучли геомагнит фаолликдир.

Бу одамларнинг соғлиғига жиддий таъсир кўрсатиши мумкин. Ёғли ва Fast-food' таомлардан воз кечиш тавсия этилади.

@Uzb1000xilbozor Ochish/sharhlash

2022-12-24 13:23:35 Буқоқ йигитларда хам учрайдими?

Бу касаллик ёш болаларда бир хилда ривожланади. Ҳатто бир ёшли болаларда ҳам бу касалликни кузатиш мумкин.

Аммо қизларнинг ёши катталашгани сари касаллик аломатлари тобора сезила боради. Сабаби аёлларнинг гормонал ҳолати мураккаб бўлади.

Ўғил болалар масаласига келадиган бўлсак, касаллик уларда ҳам учрайди. Кўпинча буқоқ уларнинг бўйи ўсмай қолишига олиб келади.

@Dorihona_Uz обуна бўлинг ! Ochish/sharhlash

2022-12-24 13:13:59 ​ ССВ: "Тез ёрдам"да бир кеча-кундузда 2 755 та тиббиёт бригадаси фаолият кўрсатди

Жорий йил 23 декабрь эрталабки соат 08:00 дан 24 декабрь 08:00 гача Соғлиқни сақлаш вазирлигида ташкил этилган Штабга қуйидаги маълумотлар келиб тушди.

Сутка давомида туғуруқлар сони:

жами 2 627 нафар чақалоқ дунёга келди. Улардан:
1 380 нафари ўғил;
1 247 нафари қиз;
30 нафари эгизак.

Энг кўп туғуруқ қайд этилган ҳудудлар:

Самарқанд вилояти — 296 нафар
Фарғона вилояти — 288 нафар
Қашқадарё вилояти — 254 нафар
Андижон вилояти — 220 нафар
Сурхондарё вилояти — 219 нафар.

“103” хизмати:

2 755 та тиббиёт бригадаси фаолият кўрсатди.
“Тез ёрдам”га 42 231 та чақириқ келиб тушди.

Энг кўп чақириқлар:

Фарғона вилояти — 5 138 та
Андижон вилояти — 4 713 та
Наманган вилояти — 4 286 та
Тошкент шаҳри — 4 064 та

Юртимиз бўйича “103” хизмати орқали шифохонага ётқизилган беморлар сони:

катталар — 2 360 нафар
болалар — 950 нафар

Шу вақт давомида Республика шошилинч тиббий ёрдам илмий маркази ва филиалларига 2 727 та мурожат келиб тушди.

Госпитализация қилинган беморлар — 891 нафар

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2022-12-24 13:13:45 ​ ССВ: “103” хизматига бир кеча-кундузда 41 800 дан зиёд чақириқ келиб тушди

Жорий йил 22 декабрь эрталабки соат 08:00 дан 23 декабрь 08:00 гача Соғлиқни сақлаш вазирлигида ташкил этилган Штабга қуйидаги маълумотлар келиб тушди.

Сутка давомида туғуруқлар сони:

жами 2 665 нафар чақалоқ дунёга келди. Улардан:
1 380 нафари ўғил;
1 285 нафари қиз;
33 нафари эгизак.

Энг кўп туғуруқ қайд этилган ҳудудлар:

Самарқанд вилояти — 315 нафар
Фарғона вилояти — 294 нафар
Қашқадарё вилояти — 264 нафар
Андижон вилояти — 253 нафар
Сурхондарё вилояти — 208 нафар.

“103” хизмати:

2 755 та тиббиёт бригадаси фаолият кўрсатди.
“Тез ёрдам”га 41 831 та чақириқ келиб тушди.

Энг кўп чақириқлар:

Фарғона вилояти — 5 023 та
Андижон вилояти — 4 770 та
Наманган вилояти — 4 410 та
Тошкент шаҳри — 3 970 та

Юртимиз бўйича “103” хизмати орқали шифохонага ётқизилган беморлар сони:

катталар — 2 370 нафар
болалар — 911 нафар

Шу вақт давомида Республика шошилинч тиббий ёрдам илмий маркази ва филиалларига 2 688 та мурожат келиб тушди.

Госпитализация қилинган беморлар — 944 нафар

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2022-12-24 13:13:27 ​ ЖССТ одам папиллома вирусига қарши эмланиш бўйича янги тавсияларни эълон қилди

Одам папиллома вирусининг 200 дан ортиқ тури мавжуд бўлиб, шундан 13 таси онкологик касалликларга сабаб бўлади. Хусусан, вирусга қарши ўз вақтида вакцина олинмаса, 16 ва 18-типлари бачадон бўйни саратонини келтириб чиқариши исботланган.

Бироқ мутахассислар дунё бўйича мазкур хавфли касалликка қарши эмлаш қамрови пасайиб кетганидан хавотирда. Хусусан, 2019-2021 йилларда вакцина олганлар сони 15-25 фоизга камайган. Яъни 3,5 миллион нафар қиз эмлаш жараёнидан четда қолган.

Шу боис Жаҳон соғлиқни сақлаш ташкилоти одам папиллома вирусига қарши эмлаш бўйича тавсияларини янгилади. Ундан қуйидаги кўрсатмалар ўрин олган:

9-14 ёшли қизлар вакцинанинг биринчи ёки иккинчи дозасини қабул қилиши лозим;

15-20 ёшли хотин-қизлар бир ёки икки босқичда эмланиши керак;

21 ёшдан ошган аёллар 6 ойлик оралиқ билан икки дозада вакцина олиши зарур.

Шунингдек, ЖССТ экспертлари иммунитети заиф, ОИВ инфекциясидан азият чекадиган опа-сингилларимиз биринчи навбатда эмланиши шарт, деган хулосада. Улар хасталикка қарши вакцинанинг камида икки, имкони бўлса, уч дозасини қабул қилишлари лозим.

Соғлиқни сақлаш ташкилоти
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2022-12-24 13:13:17 ​Сифатсиз консерва маҳсулотлари нега хавфли?

Қиш фаслида кўпчилик уй шароитида тайёрланган консерваланган маҳсулотларни истеъмол қилишни маъқул кўради. Бироқ бундай озиқ-овқатлардан заҳарланиш эҳтимоли юқори.

ССВ Матбуот хизмати Санитария-эпидемиологик осойишталик ва жамоат саломатлиги хизмати бошқарма бошлиғи Анвар Шукуровнинг шу мавзудаги тавсияларини ёзиб олди.

— Қайд этилган ҳолатларнинг 40-45 фоизи уй шароитида тайёрланган консерва ва маринадларга тўғри келиб, бунда ҳатто ўлимга олиб келувчи энг оғир турдаги заҳарланиш — ботулизм касаллиги ривожланади.

Чунки хонадон шаротида консерва маҳсулотларини тайёрлаш учун зарур бўлган технологик жараёнларга риоя қилиш имконсиз. Ваҳоланки, ботулизм қўзғатувчиси ташқи муҳитга ўта чидамли бўлиб, 100 С даражада 6 соат, 120 С ҳароратда эса 10 дақиқагача тирик қолади.

Бу ҳолатда:

нафас олиш қийинлашиши, қорин соҳасида оғриқ, жисмлар кўзга иккита бўлиб кўриниши (диплопия), кўз қовоқлари осилиб қолиши (птоз), ютиниш қийинлашиши ва гапириш қобилияти пасайиши;

кўнгил айниши ва қусиш (кўпинча такрорланади);

умумий ҳолсизлик ва заифлик каби белгилар намоён бўлади.

Бундай вазиятларда шифокорга дарҳол мурожаат қилиш лозим. Ўз вақтида тиббий ёрдам кўрсатилмаслиги беморнинг нафақат соғлиғи, балки ҳаётига ҳам хавф солиши мумкин.

Бунинг олдини олишда энг оддий, аммо самарали қоидаларга амал қилиш етарли. Яъни:

озиқ-овқат маҳсулотларини фақат белгиланган жойлардан, уларнинг яроқлилик муддатларига эътибор қилган ҳолда харид қилиш;

сифати кафолатланмаган, уй шароитида тайёрланган озиқ-овқатларни сотиб олмаслик;

озиқ-овқатларни ортиқча харид қилмаслик, уларнинг сақлаш шароитларига эътибор бериш;

таом тайёрлашдан аввал ёки овқат пишириш чоғида шахсий гигиена қоидаларига тўлиқ риоя этиш;

таомларни меъёр даражасида тайёрлаш ва уларни истеъмол қилиш қоидалари ҳамда маданиятига амал қилиш лозим.

Cоғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2022-12-24 13:13:16 Уткир захарланишлар

1-Ис газидан захарланиш
2-Сиркадан захарланиш
3-Огир мэтал тузлардан
захарланиш.
4 -Фосфорганик брикмалардан
захарланиш.
5 - Транквлизаторлардан
уткир захарланиш.
6 - Биологик захарланиш.
7 - Алкаголдан захарланиш.
8 - Кузикориндан захарланиш.
9 -Ботулизм.
10 - Алкалоидлардан
захарланиш.
11 - Кислата ва ишкорлардан
захарланиш.
12 - Салицилатлардан
захарланиш.
13 - Барбитуратлардан
захарланиш.
14 - Озик-овкатдан
захарланиш.
15 - Усимлик захарлари (банги
дэвона, итузим) дан
захарланиш.
16 - Юрак гликозидлардан
захарланишлар
хакида киска ва аник 103 да бэриладигон ёрдамлардоирасида маьлумот бэрамиз. Ochish/sharhlash

2022-12-24 13:13:16 Самарқанд шаҳрида “Док-1 Макс” таблетка ва сироп дори воситалари оқибатида ножўя таъсирлар кузатилгани гумон қилинган беморлар ҳолати юзасидан Соғлиқни сақлаш вазирлиги махсус ишчи гуруҳи вилоятда ўрганиш олиб бормоқда.

Унинг таркибига вазирлик, Республика суд-тиббий экспертиза илмий-амалий маркази ходимлари, болалар нефрологи, педиатр каби малакали мутахассислар киритилди. Улар ҳар бир гумон қилинган бемор бола анамнези бўйича чуқур таҳлил ўтказмоқда. Хулоса натижалари ҳақида қўшимча маълумот берилади.

Cоғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2022-12-24 13:13:16 “Док-1 Макс” таблетка ва сироп дори воситалари билан боғлиқ вазият ўрганилмоқда

Ижтимоий тармоқларда Самарқанд шаҳридаги дорихоналардан харид қилинган “Док-1 Макс” таблетка ва сироп дори воситаларини қабул қилгандан сўнг беморларда турли ножўя таъсирлар кузатилгани ҳақида хабарлар тарқалди.

Фармацевтика тармоғини ривожлантириш агентлиги ушбу вазиятни дарҳол назоратга олди. Беморлар аҳволини ўрганиш ва ҳолат сабабларини аниқлаш мақсадида тезкор мутахассислар гуруҳи тузилди.

Унинг таркибига агентлик ҳамда Дори воситалари, тиббий буюмлар ва тиббий техника экспертизаси ва стандартлаштириш Давлат марказининг малакали мутахассислари киритилди.

Самарқанддаги дорихоналардан харид қилинган Ҳиндистонинг Marion Biotech Pvt. Ltd компаниясига тегишли “Док-1 Макс” таблетка ва лимон ва асал таъмли сироп дори воситалари ўрнатилган тартибда экспертизадан ўтказилмоқда. Лаборатория таҳлиллари якунлангач, унинг натижалари ҳақида эълон қилинади.

Ушбу дори воситаларининг юртимиздаги савдоси 2022 йил 22 декабрдан вақтинча тўхтатилди ва бу ҳақда “Quramax Medical” МЧЖ томонидан реализация қилинган ташкилотларга хабар юборилди.

Фармацевтика тармоғини ривожлантириш агентлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2022-12-24 13:13:16 #Соғлом_турмуш

​Соғлом бўлишнинг 6 та олтин қоидаси

Жаҳон соғлиқни сақлаш ташкилоти маълумотларига кўра, бугун дунё аҳолисининг 60 фоизга яқини етарли даражада жисмоний фаолият билан шуғулланмайди. Оқибатда юрак-қон томир тизими хасталиклари ва қандли диабет касаллигига чалинган беморлар сони йилдан йилга ортиб боряпти.

Қуйида соғлом турмуш тарзининг 6 та энг оддий ва самарали қоидалари ҳақида тўхталиб ўтамиз.

1. Жисмоний фаол бўлиш.
Жисмоний машқлар соғлом турмуш тарзининг асоси. Шу сабабли инсон ўзининг ёши, жисмоний ҳолатига кўра, пиёда юриш, югуриш, велосипед ҳайдаш ва ҳоказолардан бири билан доимий шуғулланиши лозим. Уларга ҳар куни камида 30 дақиқа сарфлаш тавсия этилади.

2. Рационал овқатланиш.
Саломатлик кўп жиҳатдан тўғри овқатланишга боғлиқ. Шу боис витаминларга бой таомлар истеъмол қилиш лозим. Мева-сабзавотлар кунлик рационнинг 60 фоизгача қисмини ташкил этиши керак. Тўйинган ёғ ва шакар семизликка сабаб бўлади.

3. Дам олиш ва ухлаш.
Самарали меҳнат билан бирга, оқилона дам олиш саломатлик учун жуда муҳим. Инсон ўзини жисмоний ва руҳий жиҳатдан ортиқча зўриқтирмаслиги зарур. Соат 23:00 дан кечикмай ухлаш, бир суткада камида 7-8 соат дам олиш керак. Доимий уйқусизлик соғлик учун хавф туғдиради.

4. Тоза сув ичиш.
Маълумки, танамизнинг тахминан 2/3 қисми суюқликдан иборат. Барча ҳужайра ва тўқималар, қон, лимфа ва бошқаларнинг асосини сув ташкил этади. Тана эса кунига тахминан 2,4 литр сув йўқотади. Шунинг боис унинг нормал ишлаши учун кун давомида камида 1,5-2 литр сув ичиш лозим.

5. Стрессни бошқариш.
Бу — соғлом турмуш тарзининг муҳим қисми. Стрессни бошқара олмаслик жиддий касалликларга олиб келади. Энг ёмони, бу ҳолат эътиборсиз қолдирилса, кашандалик ва спиртли ичимликларга қарамликка сабаб бўлиши мумкин.

6. Ёмон одатлардан воз кечиш (чекиш, алкоголизм).
Ёмон одатлардан халос бўлиш саломатликнинг яна бир олтин қоидаси. Ҳар бир чекилмаган сигарета соғлом ҳаёт сари ташлаган муҳим қадам.

Энг асосийси, юқоридаги қоидаларни алоҳида-алоҳида эмас, балки комплекс тарзда амалга ошириш касалликларнинг олдини олиш ҳамда саломатликни мустаҳкамлашга ёрдам беради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash