ОСИШ ХКТ-10.X 70 Таърифи. Осиш – бўйиннинг ўз | 🚨Tez tibbiy yordam_103🚨

ОСИШ
ХКТ-10.X 70

Таърифи. Осиш – бўйиннинг ўзининг оғирлиги остида механик асфиксия
ва одатда ўлимга олиб келадиган сиртмоқ билан бўғилиши.
Патогенез. Странгуляцион асфиксия – трахея, томир ва бўйин нерв чо-
кларининг тўғридан-тўғри сиқилишида юзага келадиган нафас йўллари
ўтказувчанлиги ўткир бузилишининг турларидан бири.Гипоксемия ва гипер-
капниятипига кўрагаз алмашинувининг тез юзага келадиган бузилишлари,
мия томирларининг қисқа муддатли спазми, кейин эса мия қон айланиши-
нинг чуқур бузилиши билан уларнинг турғун кенгайиши, мия ичига диффуз
қон қуйилиши ва гипоксемик энцефалопатия ривожланиши билан характер-
ланади.
Осишда ўлимнинг бевосита сабаби асфиксия, бўйинтуруқ веналар ва уйқу
артериясининг сиқилиши ҳисобига мияда қон айланишининг бузилиши, сай-
ёр ва юқори ҳиқилдоқ нервларининг сиқилиши туфайли уларнинг қўзғалиши
натижасида юрак тўхташи, II бўйин умуртқасининг тишсимон ўсимтаси
чиққанида узунчоқ миянинг зарарланиши.
Белгилари. Бўйинда странгуляцион ариқ мавжудлиги. Беҳушлик, кескин
нафас қўзғалиши, барча кўндаланг йўл-йўл мушакларнинг таранглашиши.
Баъзан деярли узлуксиз талваса. Тери қопламлари цианотик, склера ва
конъюнктивага петехиал қон қуйилиш. Нафас тез, аритмик.
Артериал босим кўтарилган, тахикардия. ЭКГда миокарднинг постги-
поксик ўзгаришлари, ритм бузилиши, атриовентрикуляр ва қоринча ичи
ўтказувчанлигининг бузилиши.
Текширув баённомаси. Умумий клиник текширувлар: сўроқ қилиш, бир-
га келган шахсдан анамнез йиғиш, физикал текшириш, неврологик белгилар,
бош ва умуртқанинг бўйин соҳаси R-графияси, ЭКГ, ЭЭГ – агар жабрланувчи
беҳуш бўлса.
Қон ва пешобнинг умумий таҳлили.
Биокимёвий таҳлил: билирубин, ферментлар, мочевина, креатинин, коа-
гулограмма, КАҲ, электролитлар.
Диагноз мезонлари. Диагноз анамнез, клиник белгилар: бўйинда стран-
гуляцион ариқ мавжудлигига асосланган ҳолда қўйилади. Беҳушлик, кескин
нафас қўзғалиши, барча кўндаланг йўл-йўл мушакларнинг таранглиги.
Даволаш. Шошилинч ёрдам. Асосий тамойиллар:
– жабрланувчи бўйнини сиқиб турувчи сиртмоқдан озод этиш;
– шошилинч нафас ёки зарурат бўлганида таянч юрак-ўпка реанимацияси
(биологик ўлим белгилари бўлмаганида);
– 100% кислород билан ўпканинг сунъий вентиляцияси;
– антиоксидант, талвасага қарши ва антикоагулянт терапия.
Сақланган қониқарли юрак фаолияти (АБ критикдан паст)да талвасада:
– седуксен, реланиум (диазепам, дормикум) – 0,2 мг/кг тана оғирлиги вена
ичига, натрий оксибутрат 20% эритмаси – 80-100 мг/кг тана оғирлиги вена
ичига;
– миорелаксантларсиз ёки миорелаксантлар билан спонтан нафасда шо-
шилинч эндотрахеал интубация;
– ўпканинг сунъий вентиляцияси (ёки 100 % кислород билан ёрдамчи вен-
тиляция);
– рефортан 400 мл вена ичига;
– гепарин 5000 ТБвена ичига, преднизолон 60-90 мг вена ичига.
Қон айланиши тўхтаганида:
– АБ даражаси критикдан паст ёки аниқланмайди, таянч юрак-ўпка реа-
нимацияси.
Юрак фаолияти тикланганидан сўнг:
– 100 % кислород билан ЎСВни давом эттириш;
Талваса пайдо бўлганида:
– натрий оксибутират (натрий оксибат) барбитуратлар билан биргаликда;
– преднизолон (метилпреднизолон) – 60-90 мг вена ичига;
– гепарин – 5000-10000 ТБ плазма ўрнини босувчи эритмаларнинг бирида;
–ЭБВва КАҲ бузилишларини коррекциялаш.
Шифохонадан чиқишда тавсиялар. Яшаш жойи бўйича кардиолог, те-
рапевт назорати.

Сиз кутган тиббий блог:
━━━━━━━━━━━━━━━  @Tez_tibbiyyordam_103