TentakMinds

2021-12-30 08:17:10 Ўлаётган одамларнинг армонлари.

Австралиялик ҳамшира Бронние Варне сўнгги беш йил давомида шифохонада ишлаб ўлаётган беморларнинг армонларини ёзиб борибди.

У яқинда бир конференцияда ўлаётган одамларнинг энг кўп айтилган бешта армонини ҳақида гапирибди.

1. Мен йиллар давомида бошқалар мендан кутган ҳаётни эмас, балки ўзим яхши кўрган ҳаётни яшашни истар эдим. Мен эса одамлар мендан кутган ҳаётни яшадим, ўзим бўла олмадим.

2. Бунчалик қаттиқ ишга берилмасам бўлар экан, деярли ҳар бир аёл ишга берилиб фарзандларининг болалиги ва ёшлигини ўтказиб юборганидан армонда.

3. Ўз ҳис-туйғуларимни очиқ айта олишга жасоратим бўлганда эди.

4. Дўстларим, яқинларим билан кўпроқ вақтимни ўтказишим керак эди.

5. Бахтли бўлиш менинг танловим эди, ўзимни янада бахтиёр ҳис қилишим, бахтли яшашим учун барчаси бор эди, лекин мен бошқача йўлни танладим.

P.S. Армонсиз яшанг.

@tentakminds Ochish/sharhlash

2021-12-29 17:24:36 ​​Ҳамма ўлади.

Ўзбекистон йўлларида ҳаракатланиш камикадзега ўхшаб бормоқда, ҳар куни авария, ўлим, ногирон бўлиб қолиш. Бу ўзбекистонликлар учун жуда катта хавфга айланиб бормоқда.

Лекин ҳукумат бу масалага жиддий киришган кўринади. Президентнинг қарорига (ПҚ–4913-сон, 07.12.2020 й.) мувофиқ, “права”га имтиҳон назарий ва амалий имтиҳонлар тадбиркорлик субъектлари томонидан инсон омили чекланган, автоматлаштирилган автодромда ва имтиҳон олиш хоналарида ўтказилиши йўлга қўйилмоқда.

Бошқача қилиб айтганда отангнинг пулига “права”ни сотиб ололмайсан. Ҳамма нарсада инсон омили чекланмоқда. Қайта имтиҳон топшириш эса деярли ўқиш пулига тенг бўлиб қолиши мумкин.

Айтишларича, мободо ҳайдовчилик гувоҳномасидан маҳрум қилинганда ёки автомобил бошқариш ҳуқуқидан маълум муддат маҳрум қилинганда олдингидек имтиҳон топширмайсиз, балки тўлиқ яна қайтадан ўқийсиз.

Бу эса спиртли ичимлик ичиб рулга ўтиришни анча қисқартиради. Умуман олганда ҳукуматнинг бу қарори айни муддао бўлган. Агар бу ишлар амалга ошса, икки қўлимни кўтараман.

Вой-дод яна пул шилишар экан деб айтаётганлар йўлларда ўлиб кетишдан кўра, ҳайдовчиларни ўқитган яхши эмасми? Бундан ташқари ҳозир ҳам имтиҳон топшириш 500-600 атрофида бўлмоқда.

Биламан, ҳамма ўлади, лекин камикадзега ўхшаб ўлиш кимга керак?

@tentakminds Ochish/sharhlash

2021-12-29 16:32:49 ​​Ҳаёт мени шу жойларга олиб келди, ҳа, барибир юртимдан узоқда ватан соғинчи бор, лекин мен илм олиш учун буерларга келдим, янада билимларимни мустаҳкамлашим кераклигини сезиб боряпман.

Янада кўпроқ ўқишим кераклигини биламан, кўпроқ меҳнат қилишим кераклигини биламан, сиздан олисда бўлсам ҳам юртим тақдирига, муаммоларига бефарқ эмасман.

Океан соҳилларидан барчангизга алангали салом.

@tentakminds Ochish/sharhlash

2021-12-29 10:38:32 Ҳар ишда бир Ҳикмат бор, ёхуд​​ очко номусдан устун(ми)?

Пальма деган кино томоша қилдим. Руслар ишлаган. Унда справкаси йўқлиги учун самолётга чиқарилмаган овчарка аэропортда қолади ва ҳар гал ўша самолёт қўнганида трап олдига келиб эгасини кутади. Катталардан бири самолётдан тушади ва чет элликлар олдида шарманда қилдинглар, деб аэропорт раҳбариятига итни йўқотишни буюради. Лекин ит уларга чап бериб ҳар гал трап олдида пайдо бўлиб қолаверади. Йиллаб эгасининг қайтишини кутади.

Хуллас, Пальма лақабли ўша овчарка вақт ўтиб содиқлик рамзига айланади. У ҳақидаги хабарлар матбуотни босади. Юртга айнан уни кўриш учун сайёҳ оқади. Аэропорт маъмурияти қўнғироқлар ва мактублар ёмғири остида қолади. Ўшанда ҳалиги амалдор, итнинг эгасини узоқ хизмат сафаридан юртга қайтариб Пальмани унга бериб юбориш тараддудига тушади.

...Маросимда итга ғамхўрлик қилганлар панада қолиб, бир пайтлар уни йўқотишни буюрган амалдор камералар қаршисига чиқади...

...Ҳали замон келади. Тентакни изига тушганлар, уни қўллаган жамоатчиликка ёқиш учун уни биз ҳимоя қилдик, фондимиз сўз эркинлигини таъминлайди, деб жар солади. Тентак эса бу хавойи гапларга қараб туриб чирт этиб тупуради ва ўзини қўллаётган халқнинг дардини ёзишда давом этаверади...

@tentakminds Ochish/sharhlash

2021-12-28 23:37:14 ​​Айтувдим-а Муҳримни ўрни бўлак деб ёки айтмовдимми? Лекин дарё нашри Муҳримни қўлдан чиқариб бекор қилди, энди мана аҳвол, Нодирбек бир айланиб боксчига айланди.

@tentakminds Ochish/sharhlash

2021-12-28 23:23:06 ​​Чемпион муборак, азизлар! Тўғрироғи дунёдаги рапид, яъни тезкор шахмат бўйича чемпион билан табриклайман. Ҳа, дўстлар, у ўзбекистонлик Нодирбек Абдусатторов.

Мана шундай лаҳзалар ҳар қандай вазиятдан тотли ва лаззатли. Айниқса четда, сенга бегона миллат вакиллари билан ўйинни берилиб томоша қилганингда бунинг лаззати икки карра ошиб кетади.

Табриклайман, азизлар. Бу миллатнинг мана шундай ёшлари кўпаяверсин.

@tentakminds Ochish/sharhlash

2021-12-28 18:27:13 Ураааааа, Нодирбек ютдиии!!!

17 ёшли ҳамюртимиз жаҳон тожининг мутлоқ соҳиби Магнус Карлсен устидан жуда чиройли ғалабага эришди!

Баракалла, Нодирбек! Ота-онангга минг раҳмат!

Бутун дунё энди бу ҳақда бонг урмоқда, ўзбек ўспиринининг ақлига қойил қоляпти!


@xushnudbek Ochish/sharhlash

2021-12-28 12:19:49 ​​Робин Гуд Алламжонов.

Комил Алламжонов Саида Мирзиёева ҳимоясига отланган кўринади. Унинг фикрига кўра, пединститутдаги қиз ёмон эмас ўта ёмон. Лекин таълим ва тарбия учун жавобгар бўлган деканат бундай ҳолатларни бартараф этиш ўрнига иштирокчи, бевосита ижрочи бўлгани учун ҳам айбдор. Қиз ёшлик қилгандир, лекин декан ўринбосари ёш эмас. Домла домладек юриши керак. Илм масканида шу ишларни қилдими, едими? Тўласин!

Бу Алламжоновнинг фикрлари, яна бир бор ўз фикримни айтаман, бировни айбдор ёки айбсиз эканлигини фақат суд ҳал қилади. Ҳали замдеканнинг айбли ёки айбсиз эканлиги номаълум. Унинг еганлигини Алламжонов қаердан билиб қолди? Шағам ушлаб турганмиди? Мободо юртимизда Алламжонов деган суд чиқмадими?

Масалан, қиз замдеканни ёқтириб қолиб унга осилиб олиб, хотининг билан ажрашасан, бўлмаса ўзимни деразадан ташлайман деб шантаж қилмоқчи бўлиб турганда замдекан уни қутқариб қолиш учун ёпишган бўлиши ҳам мумкин-ку, тўғрими?

Жамоатчилик вакили, масс медиани қўллаб-қувватлаш фонди раиси ва унинг ўринбосари журналистик этика деган нарсаларни билмайдими? Мана шундай бўлибди бунда замдекан айбдор дейишга уларга ким ҳуқуқ берди? Саида Мирзиёева ҳам, Комил Алламжонов ҳам ёш бола эмас-ку, ҳеч бўлмаса, суд қароригача нейтрал фикр билдириб туришса бўлади-ку. Ким ким, лекин бир оғиз гап билан жамоатчилик фикрини бошқа томонга буриб юбориш мумкинлигини улар билишмайдими?

Яна бир гап қиз ёшлик қилган бўлса, унга бўлаверади, замдеканга шолпиллаб қоладими? Олийгоҳ таълим маскани эмасми? У ерга таълим олиш учун келишади? 20 йил беролмаган тарбияни замдекан бериши керак деган ғоя қаердан чиқди?

Ўзини айбдор деб ҳисоблайдиган Алламжонов дуч келган одамни айблашга ўтиб кетибди шекилли. Ўзимни айбладим, бошқаларни ҳам айбласам бўлаверади, бу қўйлар ҳеч нарса демайди демоқчими?

@tentakminds Ochish/sharhlash

2021-12-28 08:39:03 ​​Атиги.

Ташқи қарзимиз атиги 38 млрд долларга етибди.

Бу йил ҳисобига атиги 11 фоизга ўсибди.

Йил давомида коррупция жиноятлари орқали давлатимизга атиги 1 триллион сўмга яқин зарар етказилган.

Фақатгина Кореядан атиги 2 млрд қарз олишни кейинги йилга режа қилинмоқда.

Бензин йил бошидан бери атиги ўртача 80 фоизга қимматлабди.

GM раҳбарлари ўзларига атиги 420 фоиз устама ҳаққи ёздириб олишибди. Қаттиқ ишлашди барака топгурлар.

Қўйлиқ бозори бузилишига атиги жуда кўпчилик одамлар норози.

Позитив, позитив, яна бир бор позитив. Ички хотиржамлик. Мусаффо sky.

@tentakminds Ochish/sharhlash

2021-12-27 17:29:57 ​​Замдекан тақдири. Арқонни калта ташлаган Саида Мирзиёева.

Олдин ҳам айтиб ўтганимдек бундай вазиятларда шошмасдан вазиятни яхшироқ таҳлил қилиш керак деган эдим, лекин замдекан воқеаси интернетга чиққач биринчилардан бўлиб президентнинг қизи Саида Мирзиёева қизнинг ҳимоясига отилиб чиқди.

Бугун ишларим билан бўлиб интернетга кира олмадим, лекин интернетда ҳалиги деразадан отилиб юборилган қизнинг “ххх” видеолари ҳаммаёққа тарқаб кетибди. Тўғриси видеони каналимга юклашни ўзимга эп кўрмадим.

Лекин масаланинг бошқа томонига қарайдиган бўлсак, бир ҳаракат билан замдекан қамоқда ўтирибди, ҳалиги ойимча ногиронлар аравачасида дардини оламга достон қилмоқда.

Саида Мирзиёева баёнотидан сўнг ҳамма замдеканга тош отиб кетди, ҳамма учун замдекан қора бўлди, лекин суд қарорисиз президентнинг қизи баёнот билан шошмай турса бўлар эди, чунки экспертиза натижалари ҳам эълон қилинмаган.

Кундуз куни чироқни ўчириш нега керак? Кейин кўрсатилган видеодаги ойнадан кимнидир отиб юбориш учун ойнанинг эни кичиклик қилади назаримда. Айтишларича гувоҳларнинг ҳам кўрсатмалари бир-бирига тўғри келмаётган экан.

Қизнинг йигити сал кам 10 километрлик масофани 15 дақиқада босиб ўтиб пайдо бўлиб қолишига Болливуддагилар ҳам ҳайрон қолар эди.

Бу билан замдекан тўғри қилган, талаба қизни тортиб юрган, зўр иш қилган демоқчи эмасман. Лекин воқеанинг тўлиқ тафсилотларини билмасдан туриб жамоатчилик фикрини тўлиқ бузиб юбориш керак эмас эди. Арқонни узун ташлаб қўядиган президентимиздан ўрнак олишса бўлар эди.

@tentakminds Ochish/sharhlash