Ta’lim yangiliklari

2022-09-23 09:10:57 Ўзбекистонда таълим ислоҳоти нега биринчи ўринга қўйилди?

“Янги Ўзбекистон” газетасининг шу йил 22 сентябрь сонида журналист Баҳодир Жовлиевнинг халқ таълими вазири Бахтиёр Саидов билан суҳбати чоп этилди. Қуйида уни ўқишингиз мумкин.

Батафсил https://bit.ly/3LzFEKo

Обуна бўлинг t.me/yuz_official Ochish/sharhlash

2022-09-23 08:54:17 Ўқишни кўчириб беришни ваъда қилган фирибгар ушланди

Департаментнинг Бекобод туман бўлими томонидан ДХХ ходимлари билан ҳамкорликда ўтказилган тезкор тадбирда фуқаро Ж.А. бошқа бир фуқаро Д.ни қўшни Тожикистон Республикаси Хўжанд давлат университетидаги ўқишини танишлари ёрдамида Тошкент Давлат иқтисодиёт университетига кўчириб бериш эвазига 3 700 АҚШ долларини олган вақтида ашёвий далиллар билан ушланган.

Ҳолат юзасидан жиноят иши қўзғатилиб, тергов ҳаракатлари ўтказилмоқда.

@talimda Ochish/sharhlash

2022-09-23 08:43:25 #yuristlar maslahati
#ўқитувчи_ҳуқуқи

Ўқитувчилардан тил сертификатини талаб қилишдан мақсад нима эди ёхуд ташкилий масала ўйланмасдан туриб қарор қабул қилиш оқибатлари

Айни кунларда хорижий тиллар ўқитувчилари лавозимларига ишга янги қабул қилинаётган талабгорлардан камида B2 даражадаги миллий ёки унга тенглаштирилган мос даражадаги халқаро сертификатга эга бўлиши талаб этилмоқда.

Масаланинг ҳуқуқий жиҳатига тўхтатилишдан олдин Халқ таълими вазирлигига айрим саволларимни келтириб ўтаман.

Биринчидан, Меҳнат кодексининг 80 моддаси ҳамда “Таълим тўғрисида”ги Қонуннинг 40 моддалари устунми ёки ВМнинг 312 сонли қарори?

Иккинчидан, баъзи ҳудудларда, ҳаттоки, инглиз тили ўқитувчилар етишмайди. Қўлида бакалавр ва магистрлик дипломи бўлган ўқитувчидан тил сертификатини талаб қилиш қанчалик асосли?

Учинчидан, агар хорижий тил ўқитувчисининг сертификати бўлмаса унда ўқувчига ким чет тилларини ўргатади? Шунақа дўппи тор келган вазиятда қандай қилиб тезкор қарор қабул қиласизлар?

Тўртинчидан, бизни директор ва унинг ўринбосарлари, айниқса, ўқитувчилар ҳолу жонимизга қўйишмаяпти. Биласизми нега? Чунки улар ҳозир танг аҳволда қолишган. Бир томондан қўлида кўшалоқ дипломлари бўла туриб ишга кира олишмаётган ўқитувчилар бўлса иккинчи томондан ўқитувчи етишмаётган бўлса ҳам сертификат талаб қилиб, мутахассиссиз қолаётган раҳбарлар.

Бешинчидан, тил сертификати олиш учун икки миллондан ошиқроқ тўлов қилинишини жуда яхши биласиз. Шу сертификатни олиш учун айрим ўқитувчилар икки ойлигини тўлашини ҳам билсангиз керак. Бу борада ўқитувчига бирор имтиёз ҳақида ўлайб кўрдингизларми?

Ҳозирча шулар...

@talimda Ochish/sharhlash

2022-09-23 07:04:54 1-Oktyabr — O‘qituvchi va murabbiylar kuniga bag‘ishlanadi!

Xabaringiz bor, Xalq ta'limi vazirligi huzuridagi Respublika "Barkamol avlod" bolalar maktabi tomonidan "1-oktabr — O'qituvchi va murabbiylar kuni” munosabati bilan #Aziz_va_jonkuyar_ustoz challengeni e’lon qilgan edi.

Mazkur challengeda barcha "Barkamol avlod" bolalar maktablari faol ishtirok etishlari so'raladi.

Fursatdan foydalanib, Respublika "Barkamol avlod" bolalar maktabi jamoasi yaqinlashib kelayotgan "O'qituvchi va murabbiylar kuni” munosabati bilan barcha ustoz, murabbiy hamda pedagoglarimizni tabriklab, o'sib kelayotgan yosh avlodga ilm-fan va kasb-hunar asoslarini o‘rgatish, borasida bor kuch-g‘ayrati, bilim va mahoratini ayamasdan astoydil xizmat qilayotganliklari uchun minnatdorlik bildiradi!

Respublika "Barkamol avlod" bolalar maktabi
Axborot xizmati

Web-site Telegram Facebook Instagram YouTUBE Ochish/sharhlash

2022-09-23 06:09:26 #Кун_видеоси

No comment

@talimda Ochish/sharhlash

2022-09-23 05:54:15 ДИРЕКТОР ШАХСИЙ АДОВАТИ ТУФАЙЛИ ТАСДИҚЛАНГАН УСТАМАНИ ТЎЛАБ БЕРМАЯПТИ. НИМА ҚИЛСА БЎЛАДИ?

#Yurist_Xizmati 3615-савол:

Ассалому алейкум. Мен мактабда 20 йилдан буён бошлангич синф укитувчиси булиб ишлайман. ВМ нинг 831-карорига асосан шу пайтгача 20% гача хар ойлик устама олиб келганман. 2022-йил июн ойида мактаб ишчи гурухи янги укув йили учун 15%устама белгилаган эди. Сентябр ойида  мактаб директори менга шахсий адовати сабабли устама туламаслигини айтяпти. Шу тугрими. Илтимос жавоб беринг

ЮРИСТ ЖАВОБИ:

Устама директорнинг чўнтагидан тўланмайди.

Директор шахсий адовати туфайли ишчи гуруҳ томонидан тайинланган ва тадсиқланган устамани тўлмасликка ҳақли эмас. Мактаб директорга отасидан қолган эмас.

Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”низомнинг 20-бандига кўра педагог ходимларининг базавий тариф ставкаларига ҳар ойлик устамалар:

•  тарбиявий жараённинг амалга оширилиш сифати ва самарадорлигига;
•  синфдан ташқари ишларга ҳамда ўқувчиларни инсонпарварлик ва меҳр-оқибат руҳида тарбиялашга;
•  тегишли синфлар ва ўқув фанлари учун тасдиқланган умумий ўрта таълимнинг давлат таълим стандартларида назарда тутилган билимлар ва кўникмалар тўлиқ ҳажмининг ўқувчилар томонидан ўзлаштириб олиниши даражасига;
•  ўқув жараёнига қўшилган аниқ ҳисса, ўқитишнинг юқори самарадорлиги ва сифати учун 40 фоизгача миқдорда белгиланади.

Шундай экан, сиз ҳам эришган натижаларингизга мутаносиб равишда устама олишга ҳақлисиз.

Энди қаранг! Меҳнат кодекси 188-моддасига кўра ходим меҳнат қилиш имкониятидан ғайриқонуний равишда маҳрум этилган барча ҳолларда ололмай қолган иш ҳақини иш берувчи унга тўлаши шарт.

Бунда директорнинг шахсий адовати сабаб сизга устама тўланмаслиги ғайриқонуний сабаб сифатида баҳоланиб, сизга устама тўлаши шартлигини келтириб чиқаради. Бу вазиятда сиз туман адлия бўлимига мурожаат қилишингиз лозим.

@talimda Ochish/sharhlash

2022-09-23 05:52:46 ДИРЕКТОР ДАРС БЕРИШ УЧУН 250 ДОЛЛАР СЎРАДИ, НИМА ҚИЛСАМ БЎЛАДИ?

#Yurist_Xizmati 3614-савол:

Ассалому алейкум..Ман олий маьлумотли 2 тоифали укитувчиман мани сизларга бераётган 2 та саволим бор.1 саволим шу бизни мактабда бошлангич 1 синфда 28 нафар укувчи кабул килинди мактаб рахбарларидан бирини кизи олий таьлимни бошлангич йуналиш буйича укишни тугатиб келди дарс узига яраша камроо эди мактаб рахбарлари келишиб тегишли идоралар билан келишиб синфни 2 та килиш учун 250 $ да синфни 2 та килдириб келди ва мактаб укитувчиларида таксимот килиб ташлади купчилик берди ман бермадим шу туфайли зиддият келиб чикди хар кадамда зиддият ман билан урта махсус укитувчини дарсини 2 соат фарки билан берди .2 саволим ташкилотда кариндош уругчиликда канака чекловлар мавжуд  ман  олий маьлумотли 2 тоифали укитувчи бусам манга умуман тегишли булмаган мутахассислигим учун 0.5штатни бериб мани дарсимни ярмини урта махсусга бериб куйиш конунда мумкинми илтимос мани аник фикрни беринг ман нима иш тутишим мумкин.

ЮРИСТ ЖАВОБИ:

Қаранг! Жиноят кодексининг 210-моддасига кўра Пора олиш, яъни давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсининг ўз хизмат мавқейидан фойдаланган ҳолда содир этиши лозим ёки мумкин бўлган муайян ҳаракатни пора бераётган шахснинг манфаатларини кўзлаб бажариши ёки бажармаслиги эвазига шахсан ўзи ёки воситачи орқали қонунга хилоф эканлигини била туриб, моддий қимматликлар олиши ёхуд мулкий манфаатдор бўлиши базавий ҳисоблаш миқдорининг эллик бараваридан юз бараваригача миқдорда жарима ёки муайян ҳуқуқдан маҳрум этилган ҳолда икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

Агар сиз директор дарс ажратиш учун 250 АҚШ доллари сўрганини ёки бошқалар унга шунча пул берганини ҳақида туман прокуратурага мурожаат қилсангиз ва бу мурожаат ўрганилиб, улар исботланса, директор юқоридаги норма билан жиноий жавобгарликка тортилиши мумкин.

Бунда сиз ўзингизда мавжуд далилларни прокуратурага топширишингиз лозим (агар мавжуд бўлса).

2-саволингизга келсак. Меҳнат кодекси 79-моддасига мувофиқ ўзаро яқин қариндош ёки қуда-анда бўлган шахсларнинг (ота-оналар, ака-укалар, опа-сингиллар, ўғил ва қизлар, эр-хотинлар, шунингдек эр-хотинларнинг ота-оналари, ака-укалари, опа-сингиллари ва болалари), башарти улардан бири иккинчисига бевосита бўйсуниб ёки унинг назорати остида хизмат қиладиган бўлса, бир давлат корхонасида бирга хизмат қилишлари тақиқланади.

Бироқ ушбу нормани истесно қиладиган ҳолатлар ҳам мавжуд.

Хусусан Вазирлар Маҳкамасининг 1997 йил 11 мартдаги 133-сонли қарори билан тасдиқланган Давлат (акционерлик) корхоналарининг Ўзбекистон Республикаси Меҳнат кодексининг 79-моддасида назарда тутилган қариндош-уруғларнинг, агар уларнинг хизматлари улардан бирининг бошқасига бевосита бўйсуниши ёки назорати остида бўлиши билан боғлиқ бўлса, бирга хизмат қилишларини чеклаш қоидаларидан истисно этилиши мумкин бўлган ходимлари Рўйхати белгиланган. Унинг 6-бандида Барча ўқув ва тарбия муассасаларидаги педагог ходимлар, ўқитувчилар, библиографлар ва кутубхоначилар келтирилган.

Демак, директорнинг қизи шу мактабда ўқитувчи бўлиши мумкин.

@talimda Ochish/sharhlash

2022-09-23 05:48:11 ЎҚИТУВЧИЛАР КУНИДА 460 МИНГ СЎМДАН МУКОФОТ БЕРИЛИШИ РОСТМИ?

ЖАВОБ: Албатта, рост. Агар раҳбарингиз ва уни тепасида турган раҳбарлар виждонини емаган бўлса бу мукофотни олишга ҳақлисиз.

Вазирлар Маҳкамасининг 2019 йил 30 сентябрдаги 823-сонли қарори билан тасдиқланган Низомнинг 29 бандига асосан умумтаълим муассасалари ходимлари, шу жумладан раҳбар ходимлари фақат «1 октябрь — Ўқитувчи ва мураббийлар куни» муносабати билан Жамғарманинг мавжуд маблағлари ҳисобидан меҳнатга ҳақ тўлашнинг энг кам миқдори (920 минг сўм)нинг 50 фоизигача миқдорида мукофотланиши мумкин.

Ҳурматли раҳбарлар, сизга ҳам сал инсоф кириб сиз-у бизни табриялаган ўқитувчиларга беринг шу мукофот пулини. Ҳа айтганча, фақат берилган пулни турли йўллар билан улардан қайтариб ҳам олманг.

Бизни кузатишда давом этинг


@talimda Ochish/sharhlash

2022-09-23 03:19:19 Raqamli avlod - qizlarni zamonaviy AKT sohasiga o’qitishdan boshlanadi!

Mamlakatimizda qizlarni raqamli texnologiyalarga o’qitish eng muhim va prioritet masala hisoblanadi.

IT sohasiga qiziqqan 120 nafar o’quvchi qizlar uchun dunyoda eng dolzarb bo’lgan Iqlim o’zgarishi muammosiga Sun’iy intellekt texnologiyalari yordamida yechimlarni topish bo’yicha amaliy o’quv seminarlar o’tkazildi.

O’quv seminar 3 kun davomida davom etgan bo’lib, Xalq ta’limi vazirligi, AKT vazirligi, IT Park hamda ITS markazi hamkorligida tashkil qilindi.

G’oliblarga noutbuk va esdalik sovg’alari topshirildi.

Siz ham IT sohasiga qiziqsangiz va turli o’quv seminar va tanlovlarda ishtirok etmoqchi bo’lsangiz kanalga a’zo bo’lib qo’ying, sizlarni qiziqarli yangiliklar kutmoqda. Ochish/sharhlash

2022-09-22 13:43:40 Taʼlim, sud, tadbirkorlik, tibbiyot va suv taʼminoti. O‘zbekiston Prezidenti Shavkat Mirziyoyev yaqin yillarda mamlakatni rivojlantirish strategiyasi etib, ana shu eng og‘riqli va asosiy yo‘nalishlarni tanladi. Ushbu sohalardagi muammolarni hal etishda Siz ham ishtirok etishingiz mumkin!

Agar Sizda ushbu sohalardagi muammolarni hal etishga qaratilgan yoki boshqa masalalarga oid takliflar bo‘lsa – biz bilan bog‘laning!

Takliflaringizni taklif2023.uz sayti hamda @taklif2023_bot manzili orqali yuboring.

Prezident Administratsiyasi takliflaringizni qabul qilishga tayyor! Yuborilgan takliflarning barchasi maxsus ishchi guruh tomonidan o‘rganib chiqiladi.

Unutmang Sizning taklifingiz – O‘zbekiston uchun muhim! Ochish/sharhlash