2022-10-09 15:24:56
ЎҚИТУВЧИГА УСТАМА УНИНГ ТАРИФ СТАВКАСИ БЎЙИЧА ТЎЛАНАДИМИ?#Yurist_Xizmati 3646-савол:
Assalom alaykum. Men Axmedov Sh. Olmaliq sh. ingliz tili o'qituvchisiman. Savolim shundan iboratki, Menda 30 soat dars bo'lsa-da, ustama pullarim (50+15%) bir stavka - 20 soatdan kelib chiqib hisoblashyapti, 30 soatdan kelib chiqib emas. Holbuki o'tgan yili ishlagan dars soatim bo'yicha (23 soat) ustamalar hisoblangandi. Buxgalter endi bir oklad (20 soat) bo'yicha hisoblanadi demoqda. Shu to'g'rimi? Boshqa viloyat uztozlari bilan bog'langanimda noto'g'ri deyishmoqda, dars soati bo'yicha hisoblanishi kerak deb. Shunda 1 oklad bo'yicha ustamani hisoblash to'g'rimi, agar dars soati bo'yicha ustama hisoblanishi kerak bo'lsa, qanday xujjatni qonuniy asos qilib muammoni amaliy yechilishiga erishsa bo'ladi, javob uchun oldindan rahmat.ЮРИСТ ЖАВОБИ:Ўзбекистон Республикаси Президентининг 11.05.2022 йилдаги ПФ-134-сон Фармони 9-бандига кўра халқаро тан олинган сертификатга эга бўлган педагог кадрларга — уларнинг тариф ставкасига нисбатан
50 фоиз миқдорида ҳар ойлик қўшимча устама тўланиши белгиланган.
Ушбу фармон ижросини таъминлаш мақсадида Ўзбекистон Республикаси Молия вазирлиги ҳамда Халқ таълими вазирлигининг 2022 йил 29 июлда 34 қ/к, 15-хх сонли қўшма қарори қабул қилинди. Ушбу қарорга мувофиқ ўқитувчи бир нечта сертификатга эга бўлган тақдирда,
унга устама юқорироқ устама олиш ҳуқуқини берувчи сертификат бўйича тўланади. Шундай экан
сизга устама фақат 50 фоизлик серитифат бўйича тўланади.Энди устамани ҳисоблаш масаласига келсак. “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом 1-бандига кўра:
базавий тариф ставкаси ― бир ставка дарс соати учун ўқитувчининг маълумоти ва малака тоифасига кўра белгиланган базавий ҳақ миқдори эканлиги белгиланмоқда.
ўқитувчининг тариф ставкаси эса ― ўқитувчига бириктирилган дарс соатлари асосида бир ставка учун белгиланган базавий тариф ставкадан келиб чиқиб аниқланадиган миқдор ҳисобланади.
Юқоридаги фармонда “уларнинг тариф ставкаси” жумласи қўлланилган. Бу ерда уларнинг олмоши ўқитувчиларни назарда тутмоқда. Шундай экан
устама ўқитувчининг тариф ставкасидан келиб чиқиб тўланади. Бундан кўриниб турибдики,
сизга устама дарс соатларингиз миқдоридан келиб чиқиб тўланиши керак. Бу масалада сизга
туман адлия бўлимига мурожаат қилишни тавсия қиламиз.
@talimda
1.5K views12:24