2022-12-10 15:37:20
Судьялар олий кенгаши ҳузуридаги Судьялар олий мактабида Одам савдосига ва мажбурий меҳнатга қарши курашиш Миллий комиссияси йиғилишининг 2022 йил 12 августдаги 14-сонли баённомаси билан Ўзбекистон Республикаси Олий суди билан келишилган ҳолда ишлаб чиқилиб тасдиқланган чора-тадбирлар режасидаги вазифалар ижросини таъминлаш мақсадида жиноят ишлари бўйича судлар судьялари учун “Одам савдосига ва мажбурий меҳнатга қарши курашиш” мавзусида қисқа муддатли курслар цикли ташкил этилди.
Жумладан, тасдиқланган ўқув дастурига мувофиқ жорий йилнинг 10 декабрь куни Сурхондарё, Наманган, Андижон ва Фарғона вилоятлари жиноят ишлари бўйича судлар судьялари учун соат 10:00 дан 12:30 га қадар ZOOM платформаси орқали қисқа муддатли ўқув курсида эксперт сифатида:
1. Ўзбекистон Республикаси Бош прокуратура Академияси кафедра катта ўқитувчиси З.Неъматходжаев;
2. Тошкент шаҳар маъмурий суди судьяси. ю.ф.ф.д. Б.Мўминов;
3. Ўзбекистон Республикаси Олий судининг судьяси Абабакиров Муроджон Абдуқохоровичлар қатнашдилар.
Қисқа муддатли ўқув курсининг модератор сифатида Жиноят ҳуқуқи кафедраси ўқитувчиси М.Ниязов томонидан олиб борилиб, қуйидаги мавзулар доирасида долзарб масалалар муҳокама қилинди:
1) “Одам савдоси ва мажбурий мехнатга қарши курашишнинг ҳалқаро стандартлари ва миллий механизмлар”;
2) “Одам савдоси ва мажбурий мехнатга қарши курашиш тўғрисидаги қонун ҳужжатлари ва давлат сиёсатининг устувор йўналишлари”;
3) “Одам савдоси ва мажбурий мехнат билан боғлиқ жиноятларни судларда кўриб чиқишнинг ўзига хос жиҳатлари”.
Экспертлар ва судья томонидан ҳалқаро ва ҳорижий тажриба билан биргаликда миллий суд амалиётида Одам савдоси ва мажбурий мехнатга дучор бўлганларга оид суд ишларининг ўзига хос хусусиятлари борасида фаол фикр алмашилди, муаммолар амалий жиҳатдан танқидий муҳокама қилинди.
Мазкур курсларни келгусида ҳам қайта ишлаб тўлдириш мақсадида экспертлар томонидан кўрсатилган мавзулар юзасидан тарқатма материаллар тақдим этилди (
тақдимот, тарқатма материал, кўргазмали тарғибот воситалари).
Бизни ижтимоий тармоқларда кузатинг!
Facebook | Instagram | Web-sayt
Каналга уланиш:
https://t.me/sjcosom
1.6K views12:37