Talabalar uchun

2022-01-28 05:31:22 The account of the user that owns this channel has been inactive for the last 5 months. If it remains inactive in the next 18 days, that account will self-destruct and this channel may no longer have an owner. Ochish/sharhlash

2020-12-14 09:02:06 #Эслатма

Ҳафта давомида (7 – 12 декабрь) қабул қилинган муҳим қонун ҳужжатлари:

Президент Фармони (ПФ-6126, 07.12.2020 й.) кўра, Кўп хонали уйлардан айрим турдаги хонадонларни сотиб олиш учун бериладиган ипотека кредитларининг чекланган миқдори белгиланди БАТАФСИЛ

Президент Фармони (ПФ-6127-сон, 07.12.2020 й.) билан Судья фаолиятининг самарадорлиги электрон рейтинг орқали очиқ ва шаффоф баҳоланади БАТАФСИЛ

Президент қарори (ПҚ–4913-сон, 07.12.2020 й.)га мувофиқ, Давлат бошқаруви соҳасига хусусий сектор жалб қилинади БАТАФСИЛ

Президент қарори билан (ПҚ–4916-сон, 07.12.2020 й.) билан Оҳангаронда 13 мингдан зиёд янги иш ўринлари яратилади БАТАФСИЛ

Ҳукумат қарори (770-сон, 07.12.2020 й.) билан Каннабис ўсимлигини саноат мақсадларида етиштириш бўйича тегишли чора-тадбирлар белгиланди БАТАФСИЛ

Президент қарори (ПҚ–4919-сон, 11.12.2020 й.)га кўра, 430 минг гектар майдонда сувни тежайдиган технологиялар жорий қилинади БАТАФСИЛ

Ҳукумат қарори (776-сон, 11.12.2020 й.) билан “Маҳаллий давлат ҳокимияти органлари томонидан солиқ тўловчиларнинг солиқ тўлаш муддатларини ўзгартириш тартиби тўғрисида”ги низом тасдиқланди БАТАФСИЛ

Каналга уланиш
https://t.me/huquqiyaxborot Ochish/sharhlash

2020-12-14 09:02:06 #Ақл_чархи

Бугун каналимизда эълон қилинган жумбоқнинг жавоби қуйидагича:

Бир инсон бошқа инсоннинг тушида нима кўрганини то ўзи айтиб бермагунча билиши мумкин эмас. Аёл ҳам эри уйғонмай туриб жон берган бўлса, унинг тушига нима кирганини билиши мумкин эмасди.

Жумбоқни топишда фаол иштирок этганларга миннатдорлик билдирамиз ва тўғри жавоб топган барчани қутлаб қоламиз!

Эслатиб ўтамиз, “Ақл чархи” рукнида ҳафтада бир марта янги жумбоқлар эътиборингизга ҳавола қилиб борилади. Биз билан ўз билимингиз ва иқтидорингизни синовдан ўтказиб боринг.

Каналга уланиш
https://t.me/huquqiyaxborot Ochish/sharhlash

2020-12-14 09:02:06 #Биласизми

Ходимга интизомий жазо қўллаш тартибини биласизми?

Иш берувчи ходимга меҳнат интизомини бузганлиги учун Меҳнат кодексида белгиланган интизомий жазо чораларини қўллашга ҳақли.

Интизомий жазо қўлланилишидан аввал ходимдан ёзма равишда тушунтириш хати талаб қилиниши лозим.

Интизомий жазони қўлланишда содир этилган ножўя хатти-ҳаракатнинг қай даражада оғир эканлиги, шу хатти-ҳаракат содир этилган вазият, ходимнинг олдинги иши ва хулқ-атвори ҳисобга олинади.

Ходим қўлланилган интизомий жазодан норози бўлган тақдирда 3 ой муддат ичида судга ёки меҳнат низолари комиссиясига мурожаат этишга ҳақли.

Эслатиб ўтамиз, иш берувчи ходимлар меҳнатини ташкил қилиши, қонунлар ва бошқа норматив ҳужжатларда, меҳнат шартномасида назарда тутилган меҳнат шароитларини яратиб бериши, ходимларнинг эҳтиёж ва талабларига эътибор билан қараши, уларнинг меҳнат ва турмуш шароитларини яхшилаб бориши шарт.

Каналга уланиш
https://t.me/huquqiyaxborot Ochish/sharhlash

2020-12-14 09:02:06 #Биласизми

Қонунчиликка кўра, Ўзбекистон ОТМ талабаларига академик таътил қуйидаги ҳолларда берилиши мумкин:

ҳарбий хизматни ўташ учун;
саломатлигини тиклаш учун;
ҳомиладорлик ва туғиш учун;
болаларни парвариш қилиш учун.

Академик таътил ўқув йилининг ҳар қандай қисмида, қуйидаги муддатларга берилади:

ҳарбий хизматни ўташ учун – ҳарбий хизматни ўташ муддатига;
саломатлигини тиклаш учун – 12 ой муддатга;
ҳомиладорлик ва туғиш, шунингдек болаларни парвариш қилиш учун – ҳомиладорлик ва туғиш, шунингдек болаларни парвариш қилиш таътиллари муддатига.

Талабаларга ўқиш давомида 2 марта, (тиббиёт таълим муассасалари талабаларига 3 мартагача) академик таътил берилиши мумкин.

1-курс талабаларига академик таътил фақат уларнинг касаллиги туфайли берилади.

Академик таътил даврида стипендиялар тўланмайди.

Каналга уланиш
https://t.me/huquqiyaxborot Ochish/sharhlash

2020-12-14 09:02:01 #Ақл_чархи

“Ақл чархи” рукнидаги навбатдаги жумбоқ билан танишинг ҳамда ўз билимингиз ва иқтидорингизни синовдан ўтказинг.

ДАҲШАТЛИ ТУШ АСОРАТИ

Воқеа XIX асрнинг ўрталарида Лондонда юз берганди. Англиялик офицер Жеймс Лоуренсни уйидан ўлик ҳолда топишди. Бу ҳақда биринчи бўлиб офицернинг беваси полицияга хабар қилди.

Скотленд-Ярд полицияси шу ондаёқ оёққа турди. Марҳум эндигина 30 ёшга тўлган, яқинда махсус топшириқ бўйича Хитой сафарига бориб қайтган экан. Тиббий экспертиза унинг қаттиқ қўрқув натижасида юраги ёрилиб ўлганини аниқлади. Беванинг кўрсатмалари ҳам экспертиза хулосаларига мос тушарди.

Унинг айтишича, офицер сафардан қайтгач, бироз ғалати бўлиб қолган. Уйқуси бузилиб, алаҳсираб уйғониб кетадиган одат чиқарган. Фожеа юз берган оқшом ҳам офицер тинчгина уйқуга кетган.

Ўша оқшом офицернинг тушига Хитой императорининг саройи кирган. Махсус топшириқ билан Хитойга борган офицерни император айғоқчилари тутиб саройга олиб киришганди. Уни Хитойга қарши жосусликда айблашган. Император ортиқча сўроқ қилиб ўтирмай, офицерни ўлимга буюрган. Шу заҳоти жаллодлар офицернинг қўлини орқага қайириб, қатл майдонига олиб чиқишган. Ҳукм ўқилгач, офицер бошини кунда устига қўйган. Жаллод ўткир қиличини унинг боши устида даст кўтарган.

Худди шу аснода хотин эри унга Хитойдан совға сифатида олиб келган елпиғични эрининг бўйнига оҳиста теккизиб уйғотмоқчи бўлган. Офицер эса қилич бўйнини кесяпти деб ўйлаган ва ҳали уйқусидан уйғонмай туриб, қўрқувдан жон таслим қилган.

Скотленд-Ярд терговчиси ҳужжатлар, гувоҳлар кўрсатмалари билан пухта танишиб чиқиб, кейин офицернинг бевасини чақирди. Бева аёл олдинги кўрсатмаларини яна такрорлади. Терговчи аёлга мийиғида кулимсиради.

– Сизнинг гапларингиз бошдан-оёқ уйдирма. Аслида, нима бўлганини яширмасдан айтиб бермасангиз, ўзингизга муаммо орттирасиз, миледи.

Шундагина аёл барчасини тан олишдан бошқа чораси йўқлигини тушунди ва асл ҳақиқатни баён этиб берди.

Савол: Айтинг-чи, терговчи бева аёлнинг алдаганини қаердан билган бўлиши мумкин?

Жавобларингизни изоҳларда қолдиришингиз мумкин. Жумбоқнинг жавоби бугун соат 18:00 да эълон қилинади.

Каналга уланиш
https://t.me/huquqiyaxborot Ochish/sharhlash

2020-12-14 09:01:48 #Адлия_хабари

Сенатнинг навбатдаги ялпи мажлиси 18 декабрь кунига белгиланди

Олий Мажлис Сенатининг ўнинчи ялпи мажлисини жорий йил 18 декабрь куни чақириш тўғрисида қарор қабул қилинди.

Видеоконференцалоқа шаклида ўтказиладиган ялпи мажлисда бир қатор долзарб масалалар кўриб чиқилиши режалаштирилган.

Ялпи мажлисда, жумладан, қуйидаги қонунлар кўриб чиқилади:

● “Ўзбекистон Республикасининг Конституциясига ўзгартишлар киритиш тўғрисида”ги;
● “Маъмурий ҳуқуқбузарликлар тўғрисидаги ишларга доир суд қарорларини қайта кўришнинг процессуал тартиби такомиллаштирилиши муносабати билан Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги;
● “Жиноят ишлари бўйича суд қарорларини қайта кўриш институти такомиллаштирилиши муносабати билан Ўзбекистон Республикасининг Жиноят-процессуал кодексига ўзгартиш ва қўшимчалар киритиш тўғрисида”ги.

Бундан ташқари, сенаторлар томонидан “2021 йил учун Ўзбекистон Республикасининг Давлат бюджети тўғрисида”ги, “Ўзбекистон Республикасининг Шаҳарсозлик кодексини тасдиқлаш ҳақида”ги, “Божхона тартиб-таомилларини соддалаштириш ва уйғунлаштириш тўғрисидаги халқаро конвенцияга (Киото, 1973 йил 18 май, 1999 йил 26 июндаги ўзгартиришлар билан) Ўзбекистон Республикасининг қўшилиши тўғрисида”ги қонунлар кўриб чиқилади.

Шу билан бирга, Ўзбекистон Республикаси Давлат бюджетининг 2020 йил тўққиз ойидаги ижроси, адлия вазирининг давлат органлари ва ташкилотларининг норма ижодкорлиги фаолияти ва ҳуқуқни қўллаш амалиётининг ҳолати тўғрисидаги ахбороти эшитилиши ва бошқа бир қатор масалалар муҳокама қилиниши назарда тутилган.

Каналга уланиш
https://t.me/huquqiyaxborot Ochish/sharhlash

2020-12-14 09:01:26 #Қонунчиликдаги_янгиликлар

430 минг гектар майдонда сувни тежайдиган технологиялар жорий қилинади

“Қишлоқ хўжалигида сувни тежайдиган технологияларни жорий этишни янада жадал ташкил этиш чора-тадбирлари тўғрисида”ги Президент қарори (ПҚ–4919-сон, 11.12.2020 й.) қабул қилинди.

Қарорга кўра, қишлоқ хўжалиги экинларини етиштиришда томчилатиб ва ёмғирлатиб суғориш тизимларини ҳамда ерни лазерли ускуна ёрдамида текисланган ҳолда дискретли суғориш усулини жорий қилиш суръати беш баробарга оширилади.

Шунга кўра, 2021 йилда республика бўйича жами 430 минг гектар майдонда сувни тежайдиган технологиялар жорий қилинади.

Шундан суғориладиган 200 минг гектар майдонни лазерли ускуна ёрдамида текислаш орқали сувдан фойдаланиш самарадорлиги оширилади.

2021 йилдан қишлоқ хўжалиги маҳсулотларини етиштиришда давлат томонидан қишлоқ хўжалиги ишлаб чиқарувчиларига сувни тежайдиган технологияларни жорий этиш бўйича харажатларнинг бир қисмини қоплаш учун субсидиялар берилади.

Маҳаллий ишлаб чиқарувчилар томонидан ишлаб чиқарилган лазерли қурилмага эга автоматлаштирилган ер текислагич агрегатларини сотиб олган қишлоқ хўжалиги ишлаб чиқарувчиларига сотиб олинган ер текислагич агрегатлари қийматининг 30 фоизи давлат бюджетидан қоплаб берилади.

Субсидия маблағлари жорий қилинган сувни тежайдиган технологиялар камида 5 йил ишлатилиши шарти билан ажратилади ҳамда бундай технологиялар жорий қилинган ер майдонлари камида 5 йил мобайнида мақбуллаштирилмайди.

2021 йил 1 декабрга қадар Сув хўжалиги вазирлигининг мавжуд 1 688 та насос станциясида электр энергиясининг сарфи ҳамда чиқарилган сув ҳажми ҳисобини юритувчи республика бўйича ягона электрон ахборот тизими ишга туширилади.

Шунингдек, профессионал таълим муассасаларида 2021/2022 ўқув йилидан бошлаб сувни тежайдиган технологияларни жорий қилиш ва фойдаланиш бўйича мутахассислар (консультант) тайёрлаш, қайта тайёрлаш ҳамда малакасини ошириш тизими жорий этилади.

Каналга уланиш
https://t.me/huquqiyaxborot Ochish/sharhlash

2020-12-14 09:01:12 #Халқаро_кун

12 декабрь – Соғлиқни сақлаш хизматлари қамровини кенгайтириш Халқаро куни

2012 йил 12 декабрда Бирлашган Миллатлар Ташкилоти Бош Ассамблесининг 67-сессиясида қабул қилинган резолюцияда барча мамлакатларда соғлиқни сақлаш хизматлари қамровини кенгайтириш, ҳар бир инсон дунёнинг қайси минтақасида яшашидан қатъи назар, малакали тиббий хизматдан фойдаланиш учун зарур шарт-шароитларни яратишга чақирилган.

2017 йил 12 декабрь куни Бош Ассамблеянинг 72-сессиясидаги қарорга асосан, ушбу кун Соғлиқни сақлаш хизматлари қамровини кенгайтириш Халқаро куни деб эълон қилинган ва бу санани БМТга аъзо барча мамлакатлар ҳудудида давлат ва нодавлат ташкилотлар томонидан кенг миқёсда нишонлаш тавсия этилган.

Ҳар йили 12 декабрь куни дунё бўйлаб Соғлиқни сақлаш хизматлари қамровини кенгайтириш тарафдорлари ночор ҳудудларда яшаётган аҳолининг яшаш шароитини, уларнинг муаммоларини кенг жамоатчиликка етказиш, тиббий хизмат сифати ва малакасини ошириш, бу борада ҳамкор ташкилотлар ва ҳомийларни кўпроқ жалб этиш мақсадида тарғибот ишларини олиб борадилар.

Бутун дунёда коронавирус пандемияси ҳукм сураётган жорий йилда ушбу халқаро кун “Ҳар бир инсонни ҳимоя қиламиз!” шиори остида ўтмоқда.

Каналга уланиш
https://t.me/huquqiyaxborot Ochish/sharhlash

2020-12-05 16:27:33 #Биласизми

Вазирликлар, идоралар, хўжалик бирлашмалари, корхона ва ташкилотлар раҳбарлари ходимларга иш ҳақи ўз вақтида ва тўлиқ тўланиши учун шахсан жавобгардир.

Хўжалик бирлашмалари, хўжалик ҳисобидаги корхона ва ташкилотлар раҳбарлари ҳар бир ходимни тегишли даврда унга тўланадиган иш ҳақининг таркибий қисмлари, ушлаб қолинган пул миқдорлари ва унинг асослари, шунингдек тўланадиган умумий пул суммаси тўғрисида мажбурий тартибда ёзма шаклда хабардор қилади.

Каналга уланиш
https://t.me/huquqiyaxborot Ochish/sharhlash