SOF TA'LIMOTLAR

2022-09-01 13:20:17 Bu ish aqidada bo‘lsin, so‘z yoki amalda bo‘lsin, baribir. Bu borada Alloh taolo Baqara surasida shunday marhamat qiladi:
          “Ushbular Allohning chegaralaridir. Bas, ulardan tajovuz qilmang. Va kim Allohning chegaralaridan tajovuz qilsa, bas, o‘shalar, ana o‘shalar, zolimlardir”.
            Payg‘ambar (s.a.v) esa: “Dinda haddan oshishdan ehtiyot bo‘linglar. Chunki, sizlardan oldin o‘tganlarni dinda haddan oshishlik halok qilgandir” deb uqtirganlar. deganlar.
           Dinda haddan oshmay mustaqim turish vasatiylikdir. Alloma Yusuf Abdulloh Qarazoviy o‘zining «al-Xasoisul Omma lil-Islom» nomli kitobida vasatiyani quyidagi ta’rifini keltiradi: «Vasatiyaning o‘rniga «muvozanat» iborasini ishlatish holatlari ham bor. Bu bilan ikki bir-biriga qarshi taraflar orasida o‘rtamiyonalik va adolatni iroda qilinadi. Toki ulardan biri o‘z tasirini o‘tkazib boshqasini yo‘qqa chiqarmasin. Taraflardan biri o‘ziga tegishli haqdan ko‘pni olib qarshi tarafga ustinlik qilmasin va uni yo‘q etmasin. Qarama-qarshi taraflar deyilganda ruhoniylik va moddiylik, yakka shaxs va jamoat, voqe’iylik va xomxayol, sobitlik va turg‘insizlik kabi narsalar ko‘zda tutilgan bo‘ladi. Mazkur qarama-qarshi narsalar orasida vasatiylikning joriy qilish ularning har biriga o‘ziga yarasha va kerakli imkon berish hamda bunda zarar yetkazish va chegaradan chiqish, haddan tashqari qattiq tutish va haddan tashqari bo‘sh qo‘yib yuborish holatlariga yo‘l qo‘ymaslik ila bo‘ladi».
           Shunday ekan, bugungi kundagi ko‘plab muammolarning ildizi mutaassiblik va haddan oshish ekanligini hammamiz chuqur anglashimiz lozim. Xulosa o‘rnida bu kabi muammolarning yechimi sifatida Faqih doktor Vahba Mustafo Zuhayliy janoblarining ushbu so‘zlarini keltirish bilan yakunlaymiz: «Islom mo‘’tadil din bo‘lib haqiqatlardan birortasida chetga chiqishga yoki haddan oshishga yo‘l qo‘ymasligini anglatadi. Islomda va boshqa dinlarda dinda haddan oshish ham, e’tiqodda bir taraflama va g‘ayritabiiy bo‘lish ham, haddan tashqari qattiq olish ham, juda bo‘sh qo‘yib yuborish ham yo‘q…».
 
"Muhammad Siddiq" Jome masjidi imom-noibi
Mamadaliyev Elyorbek

КАНАЛИМИЗ: @SOFTALIMOTLAR
ГУРУҲИМИЗ: @SOF_TALIMOTLAR Ochish/sharhlash

2022-09-01 13:20:17 #Maqola
#Ixtilof

Mutaassiblik – jamiyat uchun eng xatarli illat
 
        Islom dini biror shaxs, guruh, mol-dunyoga nisbatan va obro‘-e’tibor topish uchun qilinadigan har qanday mutaassiblik va firqalarga bo‘linishni qoralaydi, tarafkashlikni johiliyat holatiga o‘xshatadi.
        Mutaassiblik lug‘atda bir narsaga qattiq bog‘lanib, ko‘r-ko‘rona ergashish, ashaddiy tarafkashlik, bir fikrda qattiq turib olish kabi ma’nolarni anglatadi. “Kashshofu istilohotil funun” kitobida “mutaassiblik, garchi dalil ko‘rinib turgan bo‘lsa ham, bir tomonga moyillik tufayli haqni rad etishdir” deb ta’riflangan.
        Mutaassiblikning turli ko‘rinishlari bor bo‘lib, ular kishining o‘zi, mol-dunyosi, farzandlari, millatini boshqalardan afzal bilib, bu yo‘lda ashaddiy ravishda kurashishi demakdir. Mo‘’tabar manbalarimizda ota-bobolari va o‘zining nasabi bilan faxrlanish tuyg‘usi kishini do‘zaxga tortadi deb ta’kidlangan.
         Ubay ibn Ka’b roziyallohu anhudan rivoyat qilinadi: “Rasululloh sollallohu alayhi vasallam zamonlarida bir kishi sherigiga qarab: “Men falonchini o‘g‘liman. Sen kimsan, onasini yo‘qotgan (onasi betayin)”, dedi. Shunda Rasululloh sollallohu alayhi vasallam: “Muso alayhissalom davrlarida ikki kishi bir-biriga nasabini bayon qildi. Ulardan biri: “Men falonchini o‘g‘liman. Otamning otasi falonchi”, deb to‘qqiz avlodini sanab: “Sen kimsan, onasi betayin”, dedi. Narigi kishi: “Men falonchini o‘g‘liman. Otamning otasi falonchi. Uning otasi bir musulmonning o‘g‘li”, dedi. Shunda Alloh taolo Muso alayhissalomga vahiy qilib dedi: “Ey sen, o‘zini to‘qqizta ajdodiga nisbat bergan, ularning hammasi do‘zaxdadir, sen o‘ninchisisan. Ey sen, o‘zini ikki ajdodiga nisbat bergan, ular jannatda, sen uchinchisisan”.
         Bu tuyg‘u insonlar o‘rtasida muhabbatni so‘ndiradi, inoqlikni ketkazadi, do‘stlar orasida adovatni paydo qiladi, yaqinlar o‘rtasini ajratadi, qarindosh-urug‘lar orasida urushni qo‘zg‘aydi, mustahkam bino kabi ko‘ringan do‘stlikka barham beradi.
         Mutaassiblik turlaridan yana biri diniy mutaassiblikdir. Diniy mutaassiblik deganda ma’lum bir dinda asos bo‘lgan, ushbu din vakillari amal qiladigan ta’limot va qoidalarga qarshi chiqish, diniy tushunchalarni shariat ko‘rsatmalariga zid ravishda o‘zicha talqin qilib, boshqalarni unga ergashishga chorlash nazarda tutiladi. Diniy mutaassiblikning eng katta xatarlaridan biri dinlararo muloqotga rahna solishdir. Ushbu illat aksar hollarda islom dini bilan bog‘liq hodisa sifatida ko‘zga tashlanadi. Ammo bu harakat muayyan ma’noda barcha din va konfessiyalarga e’tiqod qiluvchilar orasida uchraydi.
           Diniy mutaassiblik ikki ko‘rinishda namoyon bo‘ladi. Birinchisi, boshqa dinlarga nisbatan mutaassiblik. Ikkinchisi, dinda mutaassibona harakat qilishdir.
          Alloh taolo Qur’oni karimda shunday marhamat qiladi: “Dinga zo‘rlab kiritish yo‘q. Zero, to‘g‘ri yo‘l zalolatdan ajrab bo‘ldi” (Baqara surasi: 256-oyat). Ulamolar bu oyatni diniy mutaassiblikdan qaytaruvchi dalil sifatida keltiradilar.
         “Mutaassiblikning xavfli tomoni shundaki, taassubga moyil odamlar jamiyatda beqarorlik to‘liqinini keltirib chiqarishga qodirlar. Ommaviylik unsuri esa muayyan bir xatti-harakatlar uchun shaxsiy javobgarlik hissini yo‘qotib yuboradi, harakatga ommaviy tus beradi. O‘zining shubhasiz haqligiga, haqiqatni faqat o‘zi bilishiga ishonch hissi zo‘ravonlik harakatlariga moyilligi bilan ajralib turadigan diniy ekstremizmning paydo bo‘lishiga olib keladi”[1]. Payg‘ambarimiz sollallohu alayhi vasallam musulmonlarni boshqa din vakillariga nisbatan bag‘rikeng bo‘lish, ularning e’tiqodini hurmat qilish, haqlariga rioya etishga buyurganlar. Rasululloh sollallohu alayhi vasallam: «Kim ahli zimmaga biror zahmat yetkazsa, qiyomat kuni meni o‘zining dushmani sifatida ko‘radi», deganlar.
           Dinda mutaassibona harakat, dinda chuqur ketish, haddan oshish, Qur’on va Sunnatda kelgan ta’limotlarga zid ravishda o‘z fikriga ergashishni qattiq qoralaydi. Dinda haddan oshish deganda shariat belgilab qo‘ygan chegaradan chiqib ketishlik tushuniladi. Ochish/sharhlash

2022-09-01 13:02:21 Экстремизм жамият хавфсизлигига тахдид

Ҳеч шубҳасиз, юртимизда турли соҳаларда эришилаётган барча улкан ютуқларимизнинг замирида жамиятимизда ҳукм сураётган тинчлик ва осойишталик ҳисобланади.
Маълумки, бугун мусулмон оламида мураккаб ижтимоий-сиёсий жараёнлар кечмоқда. Яқин Шарқ ва бошқа ҳудудлардаги қатор мамлакатлар чуқур сиёсий танглик, ижтимоий ва иқтисодий беқарорлик ва қуролли тўқнашувларни бошидан кечирмоқда. Мазкур ҳудудларда гўёки ҳақиқий “исломий давлат” қуриш шиори остида очиқдан-очиқ зўравонлик, инсонийликка зид ваҳшийликларга асосланган амалларга қўл ураётган турли гуруҳ ва жамоалар урчиб кетди. Ушбу ҳолат давлатнинг катта ёки кичиклиги, дини ва миллатидан қатъий назар, тинчлик ва барқарорлик нақадар азиз неъмат эканини яна бир бор исботлаб бермоқда.
Сўнгги йилларда ақидапараст оқимлар ёшлар ичидаги фаолиятини меҳнат мигрантларини таъсир доирасига олиш, “ҳужралар” ташкил этиш, диний экстремистик мазмундаги материалларни электрон кўринишда тарқатиш, интернет орқали тарғибот ўтказиш каби усулларда амалга оширмоқда. Айниқса, интернет тармоғида ўзини “Ислом давлати” (ИШИД), “Жабҳат ал-Нусра” деб атаб олган террористик ташкилотлар гўёки ислом равнақи йўлида курашаётган “мужоҳид биродарлар гуруҳи” экани ҳақидаги тарғибот-ташвиқот кенг кўламда олиб борилаётгани, бунинг оқибатида дунёнинг кўплаб мамлакатларидан мусулмон ёшлар “ҳижрат” қилиш ва “жиҳод”да иштирок этиб даъвосида Сурия ва Ироқ ҳудудига бориб, ушбу гуруҳ сафига бориб қўшилаётганининг гувоҳи бўлмоқдамиз.
Афсуски, ёшлар муайян қисми ИШИДни ҳақиқатда ҳам ислом динини бутун дунёга тарқатиш, исломий давлат барпо этган ҳолда дунёда адолат ўрнатишни мақсад қилган ташкилот деб ҳисоблайди. Бундай ёшлар юқорида қайд этилган ҳудудларда инсонларга қарши содир этилаётган жиноятларни гўёки халифалик қуриш учун жоиз амал ҳисоблаб қаттиқ адашмоқдалар, ақидапарастлар ёшларни авраб, ислом диёри бўлган, азон айтиладиган, жума ва ҳайит намозлари ўқиладиган, умуман, исломнинг беш арконлари эмин-эркин адо этилиб, мусулмончилик амалда бўлган ва фуқаролар тинчлик-хотиржамликда ҳаёт кечираётган Ватанини тарк этишга тарғиб қилмоқда. Ваҳоланки, ўз юртини ташлаб, ўзга юртларда сарсон-саргардон юриш, манқурт шахслар билан бирлашиб, киндик қони тўкилган юртига қарши қурол кўтариш айни ислом таълимотига зид ишдир. Замонавий терроризмнинг иккита алоҳида хатарли белгисини ажратиб кўрсатиш мумкин; бир томондан, у тобора шафқатсизроқ ғайриинсоний моҳият, иккинчи томондан, ақлга сиғдириш қийин жуғрофлй кўламлар касб этиб бормоқда. Америка Қӯшма Штатлари Давлат департаментининг маълумотларига кўра, ҳозирда дунёда ҳар йили 650 дан ортиқ бундай ҳодисалар содир этилмоқда. Бу дегани - ҳар куни дунёнинг у ёки бу бурчагида кимларнидир қўрқувга солиш орқали муайян мақсадларга эришишни кўзлаган, камида иккита қўпорувчилик амалга оширилмоқда. Хатарли жиҳати шундаки, уларнинг сони мунтазам ошиб бормоқда.


АКРАМОВ КОЗИМХОН
Наманган тумани Мирзабой ва Холтўрабой масжиди имом хатиби

КАНАЛИМИЗ: @SOFTALIMOTLAR
ГУРУҲИМИЗ: @SOF_TALIMOTLAR Ochish/sharhlash

2022-09-01 12:02:08 #Мақола
#Ихтилоф

Жиҳод тушинчасини соҳталаштираётганлардан огох бўлайлик
 
         Бузғунчи террорчилар ўзларига эргашмаган, уларнинг алдов ғояларига қарши чиққан мусулмонларни ''такфир''да айблайдилар, ҳамда, шу билан уларнинг қонлари, жонлари, молларини ўзларига ''ҳалол'' санаб, тўдабошиларининг ''фатво''лари билан мусулмон жамиятларда тинч аҳолига нисбатан талончилик, қароқчилик, зулму зўравонлик амалиётларини олиб борадилар. Улар ўзларининг бу босқинчилик қилмишларини ''жиҳод'' деб атайдилар.
          Ваҳоланки, Аллоҳ таоло Қуръони каримда ғаразли мақсадда дунё матоҳига эгалик қилиш мақсадида мусулмон кишини асоссиз кофирга чиқаришдан қайтаради. Жумладан, Аллоҳ таоло ''Нисо'' сурасининг 94-оятида:''Эй имон келтирганлар! Аллоҳ йўлида сафарга чиққанингизда, аниқ иш тутингиз! Сизларга салом берган (ёки таслим бўлган) кишига бу дунё матоҳини (ўлжани) кўзлаб: ''Мўмин эмассан'',-демангиз!...'' деб огоҳлантиради.
           Абу Зарр Ғифорий розияллоҳу анҳудан ривоят қилинган ҳадисда Пайғамбаримиз Муҳаммад соллаллоҳу алайҳи васаллам шундай деганлар: ''Ҳеч бир киши бошқа кишини фосиқ, кофир деб айбламасин. Агар у киши бундай бўлмаса, айтган гапи ўзига қайтиб келади''. Шундай экан, айрим сохта ''жиҳод'' ғояларига алданиб,бугунги кунда дунёнинг нотинч нуқталарига бориб олиб, муқаддас динимиз таълимотига зид равишда зулму зўравонлик қилиб юрганлар вақти борида эсини йиғиб олишлари керак бўлади. Динимиз таълимотида бировга жабр, зулм қилишлик қанчалик оғир гуноҳ эканлиги ояти карима ва ҳадиси шарифлар асосида баён қилиниб, огоҳлантирилади. Айнан террорчи бузғунчилар ўзларининг ер юзида олиб бораётган фисқу фасодларини Аллоҳ таолонинг каломи Қуръони карим оятларини бузиб, нотўғри талқин қилиш орқали хаспўшлашга, шу орқали диний илми етарли бўлмаган кишиларни чалғитиб, тўғри йўлдан оғдиришга ҳаракат қиладилар. ''Ҳуд'' сурасининг 18-оятида Аллоҳ таоло: ''Аллоҳга нисбатан ёлғон тўқиган кимсадан ҳам золимроқ одам борми? Ана ўшалар Роббиларига рўбарў қилинурлар ва гувоҳлар: ''Анавилар Роббилари шаънига ёлғон гапирганлардир. Огоҳ бўлингким, Аллоҳнинг лаънати золимларгадир'', дерлар'', деб дунё матоҳини кўзлаб Аллоҳ таолога ёлғон тўқиб, ер юзида бузғунчилик, фасод ишларни қилган кимсаларни золимлар деб атаб, улар учун қиёмат кунида аламли азоб борлигидан огоҳлантиради.
          Абу Ҳурайра розияллоҳу анҳудан ривоят қилинган ҳадиси шарифда Пайғамбаримиз Муҳаммад соллаллоҳу алайҳи васаллам: ''Муфлис кимлигини биласизларми?''-деб сўрадилар. Саҳобийлар: ''Муфлис - бирор дирҳами, динори, матоҳи йўқ кишидир'',-деб жавоб бердилар. Пайғамбаримиз Муҳаммад соллаллоҳу алайҳи васаллам: ''Менинг умматимдан бўлган муфлис қиёмат куни намози, закоти, рўзаси билан келади, шу билан бирга бировни сўккан, бировни зинода айблаган, бировни молини ноҳақ ўзлаштирган, бировни ноҳақ қонини тўккан, бировни урган бўлади. Унинг ҳасанот-яхшиликларидан мазлумларга олиб берилади. Агар ҳасанот-яхшиликлари қолмаса мазлумларнинг гуноҳлари унга юкланади. Сўнгра дўзахга улоқтирилади'', дея бу дунёда зулму зўравонлик қилиб юрганларнинг қиёмат кунидаги аҳволларини баён қилиб бердилар.
            Шуни доим ёдда тутмоқ керакким, Ислом дини жангу жадал дини эмас, балки тинчлик динидир. Ислом сўзининг туб мазмун моҳияти тинчлик, саломатлик, хотиржамлик, офият, сулҳ каби маъноларни англатади. Мўмин мусулмон киши  Ватани озодлиги йўлида курашса, оиласи, мол-мулки, дин-диёнати, ор-номуси ҳимояси йўлида курашса ҳақиқий маънода жиҳод саналади. Юрт равнақи, халқ фаровонлиги, тинчликни асраш, ота-она хизмати, оила нафақаси, фарзандлар тарбияси, шунингдек, ёшлар онгини турли хил бузғунчи ёт ғоялардан, мафкуравий хуружлардан асраб авайлашга қаратилган ҳатти-ҳаракатлар ҳам жиҳод саналади.
          Аллоҳ таоло жондан азиз Юртимизни тинч, осмонимизни мусаффо айлаб, турли балолардан Ўз паноҳида асрасин!
 
Наманган тумани Мирзабой ва Холтўрабой масжиди имом хатиби АКРАМОВ КОЗИМХОН

КАНАЛИМИЗ: @SOFTALIMOTLAR
ГУРУҲИМИЗ: @SOF_TALIMOTLAR Ochish/sharhlash

2022-09-01 11:30:25 #Мақола
#Ихтилоф

            Фитнадан омонда бўлайлик
 
           Хозирги даврда диний эктремизм ва халкаро терроризм хавфи бутун жахон ахлини ташвишга солаётган  жиддий муаммога айланди. Маълумки, экстремистик хатти-харакатлар бузгунчи ғояларга таянади. Улардан  озиқланади. Шу боис  унга қарши  самарали курашиш учун  уни келтириб чиқараётган  тафаккур шакли, мазмун-мохиятини ўрганиш мухим ахамият  касб этади. Хуш, экстремистик тафаккур кандай шаклланади.
           Уни  жирканч илдизлари қаерда ривожланади, Экстремизм  турли қиёфада намоён бўлади. Булар “хизбут тахрир”,”Ал -коида”, “акромийлар”,”шохидийлар” вахоказо  номлар қолиб янги- янги номлар билан  ўзларининг бузғунчи ғояларини  дунёга ёймокда. Яқин шарқдаги ислом мамлакатларида содир бўлаётган хунрезликларга сабаб ИШИД ноқонуний диний экстремистик ташкилот. Ха, экстремизм ўлим,офат, вайроналик демакдир. Унинг энг оддий оммавий шакли ижтимоий экстремизм булса, энг хавфлиси сиёсий экстремизмдир. Диний экстремизм эса хам  ижтимоий, хам  сиёсий вайроналикка асосланган  ғояларга  таянишини дунёдаги қатор минтақаларда  рўй бераётган воқеа ва ходисалар исботлаб турибди.
           Экстремизм қайси шаклда бўлмасин у муайян тафаккур  усулига асосланади. Бундай услуб инсон феъл атворидаги шахсиятпарастлик, худбинлик, ижтимоий бегоналашув  холатларининг таъсирида вужудга келади. У  жамиятдаги вокеаларни нотўғри  идрок этиш, англаш ва бахолаш оқибатида шаклланади. Жамиятда ижтимоий адолат  тамойилларининг бузилиши қонун-қоида  ва ижтиомий ахлоқ  меъёрларига риоя қилмаслик, махаллийчилик, қариндош-уруғчилик, таниш-билишчилик , коррупциянинг авж олиши хам сийёсий экстремизм, хокиямият асосларини емириб, мавжуд сиёсий тузумга қарши  вайронкор  ғоя ва қарашларнинг пайдо бўлишига шароит  яратади, охир-оқибат экстремистик  хатти-харакатларни келтириб чиқаради.
           Шу маънода  экстремизм  қандай шакл ва кўринишда бўлмасин ижтимоий  носоғлом мухит  ва муносабатлар махсулидир.Биргина ИШИД ташкилоти хаққида гапирадиган бўлсак тузулганидан бери номи бир неча бор ўзгарган.Йўлбошчиси Абу Бакр Бағдодий халифа деб элон қилингач “Ислом давлати” деб атала бошлади. Асл мақсади Ислом динига, пок этиқодга қарши курашиш бўлган бу каби ташкилотларнинг харакати туфайли “жиход”, “хижрат”, “халифа” каби тушунчалар янглиш маъно касб этмоқда. Бу сохта салафийлик ғояларини шиор қилиб олган гурсўхталар хатто яқин келажакда Макка шахри, хусусан, Каъбани вайрон қилиш режасини ошкор қилмоқда. Биз ислом учун жанг қиламиз деб хар куни минглаб бегунох одамларни ёстиғини қуритяпти, болалар, аёллар, қарияларни ўлдиряпти. Интернет орқали асир олинганларни намоишкорона қатл этаётгани ва бошларини тепаётганини намоиш қилмоқда.  Бутун  ислом олами уламоларининг хеч бири бу давлатни тан олмади.Аслида бу ташкилот ислом динига мутлақо алоқаси йўқ . Демак, диний экстримизм ва мутаассиблик даъволари  мукаддас динимиз акидалари, халкимиз қадриятларига  ёт, бегона  ғоялардир. Колаверса жангарилик, нохақ қон тўкиш, Аллох азиз қилган инсон зотига азият етказиш гунохи аъзим хисобланади. Пайғамбаримиз Мухаммад алайхиссалом хадиси шарифларида фитна ер юзида ухлаб ётган нарсадир, ким уни уйготса унга Аллохнинг лаънати булсин, деб мархамат килганлар:.
            Шу боис, ўзини “ИШИД”,“шахид”,”хизбут”, ”асл мусулмон” деб юрганлар нодон кимсалардир. Экстремистик  ғоялар  мақсадида фуқаролар хамжихатлигига рахна солиш, гурухлар ва табақалар ўртасида қарама қаршиликлар келтириб чиқариш, мамлакат  тараққиётига тўсқинлик қилиш, Конституцион тузумга  тахдид солишдир. Диний ва дунёвий илмлардан бехабар, иродаси заиф, аламзада кишиларни ўз домига тортади.   Юртимизнинг хар бир фуқароси,  Ватан озодлиги ва ободлигига  бефарк булмаслиги. Айни чоғда  бу иш хаёт  мазмунига айланмоғи даркор. Илохим бутун дунё ахли турли фитналардан омон бўлсин. Маърифий ислом, диний бағрикенглик, соф этиқодимиздан адашмай хаёт гузаронлик қилишга яратганнинг ўзи етказсин.
 
Наманган тумани “Мулла Гузар Халифа”  жоме масжиди имом хатиби Олимов Алихон

КАНАЛИМИЗ: @SOFTALIMOTLAR
ГУРУҲИМИЗ: @SOF_TALIMOTLAR Ochish/sharhlash

2022-09-01 11:02:10 Марупов Мансурхон - Оминни айтишлик

КАНАЛИМИЗ: @SOFTALIMOTLAR
ГУРУҲИМИЗ: @SOF_TALIMOTLAR Ochish/sharhlash

2022-09-01 10:00:45 #Мақола

Исломда рахбарга муносабат

Ватанимиз ўз эркига эга бўлиб тараққиёт сари одимлаб борар экан, афсуски, атрофда ҳалқимиз тинчлиги ва равнақига чидай олмайдиган "ёвуз" кучларнинг ҳам ҳаловати йўқолиб бораяпти.
Натижада эса турли туман иғво тарқатишиб аҳолимиз орасида фитна қилишмоқда.
Батафсил ўқиш...
http://ravza.uz/story/Islomda_raxbarga_munosabat

www.Ravza.uz | Telegram
Instagram | Facebook | Youtube Ochish/sharhlash

2022-09-01 10:00:43 Марупов Мансурхон - Оминни айтишлик

КАНАЛИМИЗ: @SOFTALIMOTLAR
ГУРУҲИМИЗ: @SOF_TALIMOTLAR Ochish/sharhlash

2022-09-01 09:48:38 #Мақола

Мустақиллик – бебаҳо неъмат!

Мустақиллик, хурлик, бировларга қарам бўлмаслик Аллох таолонинг бизга ато этган энг улуғ неъматидир. Неъмат бўлганда ҳам ҳар куни, ҳар соат фикр юритиладиган, ҳар дам шукр қилинадиган қадри-шарафи, бардавомлиги кўз қорачиғидай авайлаб асраладиган бебаҳо неъматдир.

Батафсил ўқиш....
http://ravza.uz/story/MMustaqillik_bebaho_nematt

www.Ravza.uz | Telegram
Instagram | Facebook | Youtube Ochish/sharhlash

2022-09-01 09:31:10 Go‘zal hulq inson ziynati

Nazirjon domla

Namangan tumani "Umarboy xoji" masjidi imom hatibi

КАНАЛИМИЗ: @SOFTALIMOTLAR
ГУРУҲИМИЗ: @SOF_TALIMOTLAR Ochish/sharhlash