СИЗ РЎЗАДОРМИСИЗ? Бир неча йигит Рамазон ойида бир мўйсафид о | Сиддиқ хожи жомеъ масжиди & Siddiq Hoji masjidi

СИЗ РЎЗАДОРМИСИЗ?

Бир неча йигит Рамазон ойида бир мўйсафид отахоннинг одамлар кўзидан пана жойда таом еяётганини кўриб қолишибди:
- Ие, Отахон! Сиз рўзадормасмидингиз?
Отахон:
- Нега? Албатта рўзадорман. Фақат сув ичиб, таом еяпман, холос.
Йигитлар қаҳ-қаҳ кулиб юборишибди:
- Ростданми Отахон?
Отахон деди:
- Кимсага ёмон назар ташламайман, бировни мазах қилмайман,  инсонларни ғийбат қилмайман,  ҳеч кимнинг кўнглига озор етказмайман.
Одамлар билан қўпол муомала қилмайман, бировнинг молига кўз олайтирмайман.
Лекин... аммо... бир касалим бор... Ошқозоним касал. Шунга афсуски меъдамни рўзадор қилолмаяпман.
Сўнгра отахон йигитлардан сўради:
- Сизлар ҳам рўзадормисизлар болаларим?
Йигитлардан бири ҳижолатдан бошини эгиб оҳиста овозда жавоб қайтарди:
- Йўқ! Биз фақат овқат емаяпмиз, холос.

Якинларизга хам улашинг
@siddiq_hoji_masjidi