She'r sehri

2022-08-27 12:35:14 #Улар_Олмонияда_ўқиган_эдилар

ҚУРБОНҚУШЛАР ҚЎШИҒИ

Жавлон Жовлиевга ҳамда Олмонияда ўқигани учун мустабид ҳукумат томонидан қириб ташланган етмиш талабага бағишланади.

Туркистон осмони, Турон осмони,
Не кезар гаҳе хуш, гоҳ эса нохуш?
Улуғ Абдуррауф Фитрат армони –
Туркистон кўкида етмиш қурбонқуш.

Бу қандай ҳайқириқ, бу қандай товуш,
Бу юртнинг кўкида не бор, қалдирар?
Қалдирар, кўзимга тикилар хомуш,
Қурбонқушнинг кўзларими, ялтирар.

Қурбонқушим, жонон қушим, жон қушим,
Чўлпонқушим, султонқушим, хонқушим!
Етмиш қушнинг уволлари тутмасми,
Мен ҳам энди берайинми жон, қушим?!

Қурбонқушлар қай манзилни кўзлайди?
Учиб-қўниб, учиб-қўниб бўзлайди.
Она юртнинг тупроғига қўнолмай,
Қурбонқушлар осмондан жой излайди.

Осмонларда учиб юрган армондир,
Ерга боқиб мунчоқ кўзи ҳайрондир.
Фалаклардан ерга боқиб не излар?
Қурбонқушнинг боласи ҳам сарсондир.

Қурбонқушнинг болалари, кел энди,
Тўплан энди, туғил энди, тин энди!
Тангрим, ёлғиз ўтинчим бор: элимга
Ўлмайдиган болаларни бер энди!..

Туркистон осмони, Турон осмони,
Не кезар гаҳе хуш, гоҳ эса нохуш?
Улуғ Абдуррауф Фитрат армони –
Туркистон кўкида етмиш қурбонқуш...

2022

Насрулло ЭРГАШ
@nasrullo_ergash Ochish/sharhlash

2022-08-27 07:01:00 https://t.me/karvonliuz Ochish/sharhlash

2022-08-25 13:47:46 #yangi_kitob


Asar nomi: Kreyser sonatasi
Muallif: Lev Tolstoy
Janri: qissalar
Sahifasi: 272 bet
Muqova: yumshoq (karton)
Narxi: 32 000

Ushbu kitobga ulugʻ adib Lev Tolstoyning mashhur uch qissasi kiritilgan. Mazkur asarlar oʻzining mavzu koʻlami, ifoda yoʻsini hamda uslubi bilan ajralib turadi, shu boisdan ushbu qissalar Lev Tolstoy ijodida alohida mavqega ega. Kitobni oʻqir ekansiz, donishmand adibning olam va odam haqidagi qarashlari, hayot, eʼtiqod va umr mazmuni xususidagi mulohazalariga duch kelasiz. Mutolaa davomida kitobxondan biroz ziyrakroq boʻlish ham talab etiladi, sababki, ulugʻ adib oʻz falsafiy mushohadalarini bir-da soʻzlovchi tilidan, bir-da qahramonlar nutqi orqali berishga harakat qilgan.

Aziz kitobxon, kutubxonangiz yangi kitob bilan boyigani muborak boʻlsin! Sizga maroqli mutolaa tilaymiz!


Buyurtma qilish uchun: @anorbooksbuyurtma_bot

Nashriyot manzili


Telegram | Instagram | Facebook Ochish/sharhlash

2022-08-25 11:16:22 ЯХШИЯМ

Яхшиям орада масофалар бор,
Яхшиям дийдорга етказмас Раҳмон.
Ҳаммаси бокира, бари беғубор,
Қадрли ҳар лаҳза ва ширин калом.

Яхшиям, иккита қафасда бир жон,
Душман воқиф эмас сирларимиздан.
Йўқса хабар топиб, у аллақачон
Айириб қўярди бир-биримиздан.

Яхшиям...

Нурхон Элмирзаева

@sherSehri Ochish/sharhlash

2022-08-24 16:37:36 Мен тентиб, довдираб дайдиган тунда
Мени деб йиғлади қайдадир кимдир...

Дадахон Муҳаммадиев Ochish/sharhlash

2022-08-24 16:30:49 * * *

Мен кетдим,
Бошимда тумонат савол.
Сен қолдинг
Эшигинг қия очилиб.
Энди бу ерларнинг борлиги хаёл,
Энди бу кўнгилнинг эшиги қулф.

Остона қолади юраги синиқ,
Автолар кезади шаҳарни шаддод.
Ёмғирга айланиб кетар хўрсиниқ,
Ойнага урилар саволлар бот-бот.

Тамаки тутуни тутади танни,
Таъқиқ чироғини ёқар светофор.
Мунғайиб шарпалар кезар туманни,
Гуё бу айрилиқ ҳар кеча такрор.

Метрода шивирлар дастаклар секин,
Поезд жим қўзғалар, кўпчийди миш-миш.
“Аслида севармиш, кўнмасмиш лекин”
“Қайсидир ҳамкасбнинг кимидир эмиш...”

Йўлак,
Гавжум кўча,
Бетартиб дунё,
Нигоҳларда чарчоқ, мудроқ, совуқлик.
Зинадан отилиб чиқасан, гўё
Юрагингни ҳамма кўриб тургандек.

Руҳсиз бир учрашув,
Қайтиш, кутиш, жим,
Бахтиқаро хона кузатар зимдан.
Билмайман, кимдандир шеър ўқиб бердим,
Рауф Парфиданми, Усмон Азимдан.

Сўнг умид узилар, изҳорлар тиниб,
Минг йил ўтган каби эврилар олам.
Мағрурликнинг оддий, сўнгсиз ўйини –
Кутавериб қайтиб кетётган одам.

Ташлаб кетдим сени, ўзимни шундай,
Таъналар, маъзурлар, ҳукмлар тинди.
Мен тентиб, довдираб дайдиган тунда
Мени деб йиғлади қайдадир кимдир...

Дадахон Муҳаммадиев

@sherSehri Ochish/sharhlash

2022-08-24 16:28:03 ҚАЙДАСАН?

Ҳасратлар чиқарди мени сирадан,
Кўз ёшларим кўздан кетар, ҳайдасам.
Эй, сен муҳаббатим ҳижронсираган,
Қайдасан?

Қара, қуёш куяр куппа-кундузи,
Ой ақлдан озар ҳажрингда сузиб,
Сени ахтараман оламни бузиб,
Қайдасан?

Эй меҳрибонроғим меҳрибонлардан,
Эй жону йўқ туриб юрган жонларда,
Эй овози келган устихонлардан,
Қайдасан?

Хос қилди кўнглимни ҳажринг, ҳасратинг,
Ҳилватларга чекдинг, кўпдан асрадинг,
Кўрмасам, кўрсамда ўлдирса қадинг,
Қайдасан?

Йиғлайвердим отинг айтсам, эшитсам,
На ой-кунга тенг, на гулга эшитсан,
Садо бер, садо бер оҳим эшитсанг,
Қайдасан!?

Ҳайрон юзларимда ойни кўрганлар,
Асли нуринг тушган жойни кўрганлар,
Сени кўрмаганлар қайни кўрганлар,
Қайдасан?

Дилором Эргашева

@sherSehri Ochish/sharhlash

2022-08-24 06:16:51 * * *

Ой йиғлади аста хўрсиниб,
Оқ теракка суяниб беҳол…..
Номозшомгул юмди кўзини…
Кетаяпман…
Тўйиб қараб қол.

Ёнингдаги ким?
У - шамолми?
Энди ишқ ҳам бўлолмас расан.
Кезинасан..
Пушаймонинг кеч.
Ахир қасам…
Ўртада қасам!

…Номозшомгул юмди кўзини,
Кўзларини юлдуз ёптими?
Кутганинга ҳеч ўхшатмадинг…
Айт, кетишим ўхшаяптими?

Зебо Мирзо

@sherSehri Ochish/sharhlash

2022-08-23 18:24:43 Ассалому алайкум, қадрдонлар!
@shomuz телеграм каналимиз бугун
4 ёшга тўлди.
Тўрт йилки, биз шу робита орқали сизлар билан диллашамиз, дардлашамиз.
Ишонинг, дардимиз яқин.
Йўлимиз бир!
Илоҳим, Яратганнинг ўзи амалларимизни хайрли қилсин!
Кўнгилдан кўнгилларга ғойибона сафаримиз бардавом бўлсин!

Сиз - азиз ва қадрдонларимдан чексиз миннатдорман.
Бугунги митти сана барчамизга муборак!

Эҳтиром ва муҳаббат билан,
Шуҳрат Ориф

@shomuz - Yo‘limiz bir! Ochish/sharhlash

2022-08-23 11:52:03 * * *
Гуноҳим кўп бўлди, тавбам оз бўлди,
Бир хато соз бўлди, кейин боз бўлди.
Раббим, олдингда мен уётлиғдирман:
Тавбам аввалгидан иқтибос бўлди.

Хуршид Абдурашид

@sherSehri Ochish/sharhlash