She'r sehri

2022-09-01 07:56:49   Куз

Шерзод Комил Халил

Нурхон Элмирзаева

t.me/nurxonelmirzayeva Ochish/sharhlash

2022-08-31 22:13:18 Мустақиллик байрамида "Гўзал Туркистон" қўшиғи янгради.

Истиқлолимиз абадий бўлсин!

@xurshidabdurashid Ochish/sharhlash

2022-08-31 09:31:51 ЭРК УЧУН КУРАШГАН САТРЛАР

Бундан 31 йил аввал 31 август куни юртимиз мустақиллиги эълон қилинган эди. Унга етиб келгунча бўлган курашлар, таъқиблар, зуғумлар бугун тарих саҳифаларидан жой олди. Уларни унутишга бизнинг ҳам, кейинги авлодларнинг ҳам асло ҳаққи йўқ.

Устоз Мирзо Кенжабек қаламига мансуб қуйидаги шеърлар эрк учун ўзбек зиёлилари қандай курашларни бошдан кечирганини яна бир бор ёдга солади.

Мустақиллигимиз абадий бўлсин!

Батафсил

•┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash

2022-08-30 22:04:22 * * *

Сенинг кўзларингда умидим пинҳон
Сенинг хаёлингда бордир эрталар.
Негадир қалбингни кўргандан буён
Тушимда кафтимни кафтинг эркалар...

Бу ишқни сўрадим Ҳақдан ўртаниб
Сен ёққан оловда топгумдур фано
Сен – ўша, илк кўргач, ўзимдан тониб
Нақшни деб Наққошга айтганим сано!

Менинг бу озурда, эзгин бошимга
Кифтинг узра бўлиш - олий мукофот.
Чорлагин, ишонма чўнг бардошимга
Қучоғинг - дардбошим, қучоғинг - нажот...

Ситорабону Шомуродова

@sherSehri Ochish/sharhlash

2022-08-30 05:55:59 ЧИН ОШИҚҚА ҚИЁМАТ ЙЎҚ

Йўл кўринмоқда болам,
Заҳматинг кўпга ўхшайди.
Сўл кўринмоқда болам,
Меҳнатинг кўпга ўхшайди,
Ниятинг тўққа ўхшайди.

Тўрт томонинг тўртта йўлдир,
Ҳар биридан чопар келди.
Тўрт манзилни бунга келтир,
Шиддатинг кўпга ўхшайди,
Сийратинг ўққа ўхшайди.

Кўрдим кўзда камларингни,
Бош ирғаган шамларингни.
Шам ёритган ғамларингни,
Ҳасратинг кўпга ўхшайди,
Фурсатинг йўққа ўхшайди.

Чиқдингми кўнгил ғоридан,
Биносан кимнинг оридан.
Кимнинг бошдаги қоридан
Кўзлардаги ғуборидан,
Иззатинг кўпга ўхшайди,
Нигоҳинг кўкка ўхшайди.

Қош-у қабоқ адошида,
Гул туйғулар талошида.
Шоир тушларнинг ёшида,
Кулфатинг кўпга ўхшайди,
Кулганинг йўққа ўхшайди.

Умр отли ривоят бор,
Тингловчида шикоят бор.
Сабр деган ибодат бор,
Узлатинг кўпга ўхшайди,
Давлатинг кўпга ўхшайди.

Бобо Машраб дуо этган,
Отқумурсқа талаб кетган.
Ҳижрон ели ялаб ўтган
Сувратинг чўпга ўхшайди,
Суҳбатинг чўққа ўхшайди.

Дунёсида фаросат йўқ,
Кўнгил тўяр зиёфат йўқ.
Чин ошиққа қиёмат йўқ,
Рағбатинг кўпга ўхшайди,
Миннатинг йўққа ўхшайди.

Ҳар кўнгил бир минорлигин.
Чин сўз улуғ меъморлигин,
Чин подшонинг бедорлигин.
Чин давлатманднинг зорлигин,
Одам мангу беморлигин.
Кўнглинг дунёдай торлигин,
Дунё кўнглингда борлигин.
Ҳаммасининг бекорлигин,
Билганинг йўққа ўхшайди,
Билганинг ЙЎҚқа ўхшайди.

Shodmonqul SALOM

@Shodmonqul_SALOM Ochish/sharhlash

2022-08-29 21:54:23 * * *

Қорлар ёғди.
Қиздирди офтоб.
“Недир бахт?” деб сўрадим.
Бироқ – ўзи билан ўзи овора
Бахтиёрлар бермади жавоб.
Қорлар босди.
Куйдирди офтоб.
“Недир бахт?” деб сўрадим.
Бироқ – ўзи билан ўзи овора
Бахтсизлар ҳам бермади жавоб.

Рауф ПАРФИ

@sherSehri Ochish/sharhlash

2022-08-28 20:46:13 AYTILMAYDIGAN SHE'R

Tushun,
Senga bormay deyman,
Uzatmay deyman bu qo'llarimni...
Burib ketay deyman,
Senga eltuvchi yo'llarimni...
Xalal bermay deyman,
Qo'zg'atmay deyman.
Biroq sog'inch ko'rsatar kuchin,
Hislarni xazonday to'zg'itmay deyman,
Har kuni o'zimga o'qiyman hukm:
Bugun unga eslatma o'zingni,
Suratidan uz ko'zingni,
Ammo yurak...
Simillar faqat...
Havoga uchirar so'zimni...
Tong otar,
Tongotar.
Havoni simirib,
Tuyganday bo'laman bo'ylaring.
Ko'zimdan uyquni oladi
O'ylaring.
"Bugun maktub yozma!
Telbalanma, aqldan ozma!"
O'qiyman g'ururdan ma'ruza.
Ichikkan ko'zlarim xatingni
O'qiydi: yuz berar mo'jiza!
Bu ne xat,
Bu ne had,
Bu ne dard...
Ko'zlarimda gullaydi chaman!
Yuragimda chalinar chiltor...
Tushun,
Har kuni ko'zimni ochaman
"Salom, yaxshisanmi, Sitor?"
degan jumlani o'qimoq uchun...

Sitorabonu Shomurodova

@sherSehri Ochish/sharhlash

2022-08-28 13:56:46 БОЛАНГИЗ ЎҚИШГА КИРИБДИ...

Яхши гап тотлидир қанддайин,
Эл ичра хушхабар юрибди,
Сир бермай турибсиз қандайин,
Болангиз ўқишга кирибди?!

Эшитдик, кўп бўлманг камтарин,
Нишонни бехато урибди.
Э қойил!
Тасанно!
Офарин! 
Болангиз ўқишга кирибди!

Ким дейди:
"Ўзи зўр бола-да",
Ким юзин, ким лабин бурибди...
"Олманинг тагига олма... "-да,
Болангиз ўқишга кирибди!

Ким сотган молингиз санаган,
Ким дейди:
"Қанча пул берибди?!"
Қандай зўр бахт ота-онага,
Болангиз ўқишга кирибди!

Саннасин мияси айниган,
Ҳар кимса экканин ўрибди.
"Бюджет"ми... "контракт"... майлига,
Болангиз ўқишга кирибди!

Эл аро ёруғдир юзингиз,
Файзингиз ярашиб турибди.
Даврада янгроқдир сўзингиз,
Болангиз ўқишга кирибди!

Барака топгайсиз ўғилдан,
Худойим ташвишдан қўрибди.
Қиз бўлса, совчилар ёғилгай,
Болангиз ўқишга кирибди!

У бугун ҳақиқий қаҳрамон,
Меҳнатин роҳатин кўрибди.
Нафидан эл бўлгай баҳраманд,
Болангиз ўқишга кирибди.

Ҳавасда қариндош, ўзга ҳам,
Ҳасадгўй тошини терибди...
Юқсин-юқсин,  деймиз бизга ҳам,
Болангиз ўқишга кирибди.

Сиз бугун хўб кўкрак керасиз,
Улфатлар кўп томоқ қирибди...
Қадрдон,  қачон ҳақ берасиз?!
Болангиз ўқишга кирибди!

Нуриддин Эгамов. Ochish/sharhlash

2022-08-28 05:40:10 * * *

Сокин тун.
Ҳансираб титрар сукунат,
Теракнинг барглари
безовта ҳамон.
Изтироб чўзмоқда
рапидадек кафт,
Улоқчи от каби
тортқилар ҳар ён.

Ёқавайрон бўлиб
ўтиб борар вақт,
Шафқатсиз чопмоқда
манзили томон.
Сирли мўралайди
тиллақошдек ой,
Оромдан кечишга
улгурди қачон?!

Сутдек ой нурида
гўзал хиёбон,
Мутассил сайрга
чорлайди шу тоб.
Вужудни ўртайди
саволлар ҳар он,
Кўзини лўқ қилар,
хаёлан хитоб.

Тонгнинг шудринглари
қадаҳ каби бол,
Шивирлар шаббода,
шивирлар райҳон.
Офтоб ҳам боқмоқда
сирли, эҳтимол,
Самонинг қўйнида
кўҳлик бир жувон...

Назокат Отақулова

@sherSehri Ochish/sharhlash

2022-08-27 15:52:12 ҲАҚИҚАТ

Эгилди,
Эгилаверди
Синақолмади!..
Яна жулдур бўлди тўнимиз.
Ўйинчоғин талашиб
Олган боладек –
Шу букрига қолди кунимиз…

Наби Жалолиддин
1989

@sherSehri Ochish/sharhlash