Gulnoza ijrosida Shahnoza Jurayeva Сизга кўринмайди на дард | SHERLAR

Gulnoza ijrosida

Shahnoza Jurayeva

Сизга кўринмайди на дард, на ғамим,
Сел бўлиб оқмоқда кўзда ёш, намим,
Бир бўлиб кулмоқда ҳам дўст, ҳам ғаним,
Унутиб бўлмаса сизни наҳотки?!

Ишқда жони сарсон бўлиб кетдим-ку,
Кўз ёшларим уммон-тўлиб кетдим-ку,
Жоним, ҳаммасидан тўйиб кетдим-ку,
Унутиб бўлмаса сизни наҳотки?!

Унутдим деганда соғинч ғунчалар,
Сизни севиш азоб... дилга шунчалар,
Қандай ҳис боғлаган сизга бунчалар,
Унутиб бўлмаса сизни наҳотки?!

Ишқингиз жонимни ўртаб, тиғлайди,
Ҳамонки, кўзларим сизни излайди,
Ҳисларим бечора фақат йиғлайди,
Унутиб бўлмаса сизни наҳотки?!

Унутсам ўзимдан рози бўлардим,
Соғинган кўзимдан рози бўлардим,
Шу айтган сўзимдан рози бўлардим,
Унутиб бўлмаса сизни наҳотки?!

Балки ўз-ўзимга берган жазо бу,
Дардимга тасалли, балки видо бу,
Юрак - юрагимдан чиққан нидо бу,
Унутиб бўлмаса сизни наҳотки?!


https://t.me/joinchat/AAAAADwROIl2Eg9zT1-n5Q

anba: @sherlar

#like_boss