Janob Armon & Gulnoza Шаҳноза Менда тонг отганда сизда бўлар | SHERLAR

Janob Armon & Gulnoza

Шаҳноза
Менда тонг отганда сизда бўлар тун,
Сизда кеча, менда бошланар бугун.
Бизга қасд қилдими бу дунёи-дун,
Бунчалик тафовут иккимиз учун.

Толибжон
Бу холат тафовут эмасдир зинҳор,
Бил, қаро кунингда бир рўёлик бор.
Фалак гардишидур - замин айланур,
Қуёшнинг меҳрига чунон бўлиб зор.

Шаҳноза
Рутубатли тунлар нақадар узун,
Кўз очсам, уйқуга кетасиз маҳзун.
Қайси айбимизга тўлаяпмиз хун,
Бунчалик тафовут иккимиз учун.

Толибжон
Кутарман тонгларни етказмай озор,
Айтолмай қолганим-дардларим бисёр.
Боқарман термулиб эртанги кунга,
Байтларинг сеҳрига чунон бўлиб зор.

Шаҳноза
Масофалар олис, кўнгиллар яқин,
Лекин юрагимда ечилмас тугун.
Қўрқаман фалокат келтирмасмикин,
Бунчалар тафовут иккимиз учун.

Толибжон
Тафовут этмасин иккимиз ағёр...
Мен "Эрта Қиш" сенчи? "Кечиккан Баҳор"?
Нечун бу синовлар? Эвоҳ қолурман
Яратган авфига чунон бўлиб зор!

Шаҳноза Рўзиева
Тошкент 8 00
Толибжон Омонов
Канада. 20 00

https://t.me/joinchat/AAAAADwROIl2Eg9zT1-n5Q

anba: @sherlar