2023-03-17 18:51:39
Сўнмас умид:
12-кисм
Бўрон шаҳарга сиғмади. Онасини бағрига шошди. Зеро онасининг бағрига бош қўйиб куйган юрагини бироз бўлсада совута олса.
Ўғлининг хафақон аҳволини кўриб Мавжуда опани кўнгли бир нимани сезгандай бўлди. Ўғли ёшлигидан шунақа ичида бир дард бўлса ҳам ҳеч кимга билдирмайди. Ичимдан топлар тоифасидан. Эртага келин қилсам бу кўча хандон уй зиндон билан бечора келиним қандай яшайди дер эди. Бўроннинг ёзувчилик қобилияти бўлиб ижтимоий тармоқларда анчагина машхур эди. Жуда кўплар унга мухлислик қилар лекин онасини бундан хабари йўқ эди. Бўроннинг энг биринчи ўқувчиси ҳам тингловчиси ҳам Сабрина эди. Сабрина макатабгача таълим соҳасида ўқиса ҳам лекин Бўронга маслаҳатгўйлик, фикрдошлик қиларди. Иккаласидан жуда ҳам зўр суҳбатдоаҳ чиқарди. Бўрон ҳудди ўз ярмини топгандай жуда қувонган эди. Танишувларига ҳам аслида қизнинг қалтис ҳазили сабаб бўлганди.
Дўсти билан бир бирини устидан ким кучли заҳарлигини айтишиб ўтирган йигитларни суҳбатини эшитиб Сабрина беиҳтиёр ўша суҳбатга қўшилган эди.
- Сизни заҳарлигиздан пишган қозонизни қайта ишлатган одам ҳам заҳарланиб ўлади.
- Сизни эса 78 соат қайнатса ҳам заҳарингиз тарқамайди. Дея бир бирлари билан ҳазил қилган йигитларга қарата Сабрина:
- Менимча мен мазали гўштни таъмини ҳис қиляпман қабристондан овқатланиш жонимга тегди.
Иккила йигит ҳам жуърат қилиб уларга ҳазил қилган қизга қараб қотиб қолишганди. Дўстидан фарқли ўлароқ Бўрон неча марталаб гапириб тайинли жавоб ололмайди. Қиз машинасини тузатиб беришларини айтиб икки кундан сўнг келаман дея чиқиб кетади.
Ўшандан сўнг Бўрон Сабринага жуда ҳам қизиқиб қолдию ортидан қолмади. Бўрон ҳақиқат бор жойда жим туролмасди. Ўша вақтни ўзида гапириб ташларди. Шу одати билан ҳам кўпчилик билан чиқишиб кета олмасди.
Ҳикоялар ёзиб юрган вақтида ҳам бирдан ёлғизликни тусаб қолар ўшандай вақти ҳеч ким билан тузук қуруқ гаплашмасди. Сабрина Бўронни бу одатини яхши билиб олгани учун бу“узлат“ га кирган вақтиз дея ҳазил қиларди.
Сабрина Бўрон учун дунёдаги энг яхши суҳбатдоши эди. Ҳеч ким Сабринани учратгунча учалик уни тинглаган эмасди.
Сабрина Бўронни қанчалик севмасин юрак ютиб бирор марта тан олган эмасди. Бўрон ёзадиган асарларда бош қаҳрамон қиз тимсолида албатта Сабринадан нимадир олган бўларди.
Ярим бўлагидан айрилган Бўронга энди қийин кунлар бошланди. Ижодида ҳам кескин “тормоз“ ҳолати вужудга келиб қолганди.
- Ўғлим сенга нимадир бўлган? Мендан яширма илтимос.
- Ойижон ҳеч гап йўқ шунчаки чарчабман ва шаҳримизни соғинибман.
- Ундай бўлса майли. Сен билан эртага тўйга борамиз. Яна ўртоқларинг билан бирорта режа тузиб юрма.
- Хўп онажоним.
- Тағин поччанг билан тортишиб юрмая. Кўришиб саломлаш нима бўлганда ҳам раҳматли аммангни турмуш ўртоғлари.
- Ойи сизга гапиришга осонда. Агар аммажоним ўша инсонга турмушга чиқмаганларида ҳозир ҳам ҳаёт бўлган бўлардилар.
- Ундай дема ўғлим буни тақдир дейдилар.
- Тақдир тақдир дейсиз. Лекин у инсонни ўз қўлида бўлган бу нарса.
- Нима деган тақдирингда ҳам энди ҳеч нимани ўзгартириб бўлмайди.
- Майли болам мен овқатга унай ҳали замон уканг ҳам келиб қолади.
Бўронни отаси кўпроқ сафарда бўлар опаси турмушга чиқиб кетгани. Уйда кўпинча мактабда ўқитувчилик қиладиган онаси ва ҳали талаба бўлган укаси яшашарди.
Бўрон ёлғиз қолгани учун аммаси билан боғлиқ хотираларга шўнғиди. Унинг энг катта қалб яраси ҳам Шарифа аммаси эди.
Шарифа оиада олтита фарзанднинг учинчиси эди. Битта опаси, битта акаси ва учта укаси бор эди.
Шарифани отаси бошқа вилоятлик йигитга узатди. Қизнинг қаршиликларига қараб ҳам ўтирмади. Сабаби эса битта Бухоро вилоятида уйланиб қолиб кетган укаси билан йўл узоқлашиб кетмасин дея унинг қўшниси бўлган йигитга қизни узатди.
Соҳиб жуда ҳам малла бўлгани сабабли қишлоғидаги қизлар унга тегишни хоҳламаганди. Жуда кўп жойларга совчиликдан қуруқ қайтишган Соҳибнинг ота онасини мушкулини Шарифанинг амакиси Рахмон енгил қилганди. Жиянини олиб келса шу бахона акаси билан ҳам алоқалар мустаҳкамланиб йўл узоқлашиб кетмасди деб унинг ҳам дилидан ўтганди.
2.0K views15:51