2023-03-17 18:51:40
Онасидан фақат хотини ҳақида салбий фикр эшитиб энди кўпроқ ичадиган бўлиб қолди. Аламини фақат ичкиликдан олар уйга келгач эса хотинини оддий гаплари ҳам ортиқчалик қилар унга кўп бора қўл кўтарди. Зебо билан орадаги муносабатлар совиб борарди.
“Ғазаб кўпчилик учун қутулиш йўлидир, чунки у ташқи томонга йўналтирилган: бошқаларни шафқатсиз айблаш билан, ўзини фаришта қилиб кўрсатиш мумкин. Аммо кўпинча бу айсбергнинг фақат учи, ва агар сиз сирт остига назар ташласангиз, унда сиз билмаган ёки намойиш қилишни истамаган яширин туйғуларни кўрасиз: қўрқув, ожизлик, ҳасад, ёлғизлик, ишончсизлик.“
Лори Готтлиеб
Зебо ўзини кўп бора текширтирди натижа доим бир хил у она бўла олади. Мана уч йилдирки кутади. Умидга айтганидан фойда йўқ. У доим ўз сўзида туриб олган. Қанча бўлса шунча кутамиз. Сен ҳали нимжонсан дерди. Баъзан ўйлаб қолади балки ҳамма айб эрида бўлгани учун ҳам текширишни, даволанишни ортга сурар.
*
Бўрон энди ишини ҳам Қаршига кўчириб олди. Ўзи устахона очди тажрибаси қолаверса ҳамма турдаги енгил машиналарни яхши тушунгани боис мижозлари ҳам кундан кунга ошиб борарди.
Иши жуда ҳам кўпайиб кетганидан бир неча йигирларни шогирдликка олиб иш суратини оширди. Бир куни тиш оғриғи жуда ҳам безовта қилаверди шогирди Мухторжон мақтаган стаматологияга бориб бир ҳафтача қатнаб тишини даволатди. Кейин доимгидай ишлаб юрган кунларнинг бирида қаттиқ шамоллаб қолди. Қанча дори дармон қилмасин соғайишдан дарак йўқ эди. Икки ҳафтача шу ҳолатда юриб кейин шифохонага бориб қатор касалликлар вируслар учун анализ топширди. Уч кунда чиққан натижа эса уни эсанкиратиб қўйди. Бўронда ОИВ инфекцияси аниқланганди. Олдинига ҳайрон бўлди чунки бунақа инфекцияни қандай йўллар билан юқишини жуда яхши биларди. Бўронда ОИВ тиш даволатганда яхшилаб стерилланмаган асбоб ускуналар орқали ўтганди. Олдинига Бўрон жуда туаҳкунликка тушди. Ижтимоий тармоққа кирганида Сабрина ҳам онлине турганини кўрди ёзиш нияти йўқ эди аммо юраги бўйсунмади. Сабринага салом йўллади. Жавоб эса кўп ҳаялламай келди.
- Ассалому алейкум. Бўрон яхшимисиз?
- Яхшиман рахмат. Ўзинг яхшимисан?
- Яхши рахмат. Ҳаётингиз қандай? Уйландизнгизми?
- Йўқ уйланмадим. Аммо энди уйланмасам ҳам керак.
- Бу нима деганингиз тинчликми? Аҳар мени деб бўлса мен бунга арзимайман.
- Йўқ сени айбинг йўқ. Менда ОИВ инфекцияси аниқланди.
Худди шу гапни ёзганида ҳадеганда Сабринадан жавоб келмади. Бўрон қизни ўзидан нафратланганликда жирканганликда айблаб турарди. Беш дақиқадан сўнг жавоб келди.
- Даволанса бўладику. Сира ҳам ўйлаб зерикманг. Бир сиз эмаску бундай касалликни юқтирган. Мен бир нарсага жуда ҳам қаттиқ ишонаман биламан сиз ёмон йўлга юрмайсиз, лекин бу қандай сизда аниқланди.
Бўрон Сабринага қандай юқтириб олганини айтиб ўтди.
- Фақат имунитетизни туширмасангиз ҳаммаси яхши бўлади. Мен яна қачондир ёзарман. Соғ омон бўлинг.
Шундай дея Сабрина суҳбатни якунлади.
Ўша вақтдан бошлаб Бўрон даволанишни бошлади. Онасига эса бу ҳақда айтмади. Волидасини сиқилиб юришини хоҳламади. Онаси доим уйлантириш пайида эди мен ҳам келинимни қўлидан бир бор чой ичсам дерди.
Очликга сабр қилсанг, унга Рўза дейилади.
Қийинчиликга сабр қилсанг, унга Матонат дейилади.
Инсонлардан етадиган озорларга сабр қилсанг, унга Бардош дейилади.
Тилакларга сабр қилсанг, унга Дуо дейилади.
Туйғуларга сабр қилсанг, унга Кўзёши дейилади.
Соғинчга сабр қилсанг, унга Хасрат дейилади.
Севгига сабр қилсанг, унга Ишқ дейилади.
Жалолиддин Румий
Аммо Бўрон доимгидек паясалга солиб юраверарди.
****
Сабрина эрини беписанд муомаласига ҳам кўника бошлади. Мана олти ойдирки шу зиндонда яшаяпти. Эри ҳаттоки кўчага ҳам чиқармайди. Бу рашк қилишдан эмас ўзини сўзини ўтказиш деб билади. Икки марта дўстлари билан бўладиган базмга олиб борди. Либос танлашда ҳам эри билан урушди.
- Жавоҳир ака мен бу кийимни киёлмайман буни очиқлигини қаранг.
- Сенга ҳеч ақл кирмадида шу вақтгача еган калтакларинг камлик қилди чоғи. Мен шуни кий дедимми киясан.
- Лекин бу..
- Жим бўл. Сенга беш минут вақт тайёр бўлиб туш бўлмаса нима бўлишини яхши биласан.
1.8K views15:51