2023-03-31 07:28:14
O‘qituvchilar haqida haqiqatlar va ularga nasihatlar…
-Dunyoda bitta kasb bor: o‘qituvchilik. Qolgan kasblar uning hosilasidir.
-Millatning ertasi maktablardan boshlanadi.
-O‘qituvchi bir umr bola bo‘lib qoladi.
-O‘qituvchi bir vaqtning o‘zida ona, ota, bobo, buvi, aka, opa, do‘st bo‘la oladi.
-O‘qituvchida otaning qattiqqo‘lligi, onaning mehri bo‘lishi kerak.
-Hech kimning 30 nafar farzandi yo‘q. O‘qituvchida esa bor.
-Hamma o‘z bolasini sevadi. O‘zganing bolasini sevish, unga ta’lim-tarbiya berish esa har kimning ham qo‘lidan kelmaydi.
Buning uchun insonda katta yurak kerak bo‘lishi kerak.
-Bolalarni seva olmagan kishidan o‘qituvchi chiqmaydi.
-O‘qituvchilik-bu hali ustozlik degani emas.
-O‘qituvchilik-bu kasb.
Ustozlik esa baxtdir.
-Hayotingiz davomida hech bo‘lmasa bitta shogirdingiz sizni ustoz sifatida tan olmasa, umringiz shamollarga sovrilibdi.
-O‘quvchilarim meni ustoz sifatida emas, avvalo, inson sifatida yaxshi ko‘rishlarini istayman.
-Amir Temur dunyoni tig‘ bilan, Navoiy qalam bilan olgan bo‘lsa, ustozlar dunyoni bo‘r bilan oladi.
386 viewsZafar Saydullaev, edited 04:28