Malaka oshirish instituti Samarqand filiali

Nigmatov Utkirjon Ismatillo o‘g‘li - Dzyudo bo‘yicha O‘zbekiston terma jamoasi a'zosi.

2023-yil iyun oyi Samarqand filialining dzyudo guruhi tinglovchisi, Samarqand viloyati Yakkakurash turlariga ixtisoslashtirilgan sport maktabi treneri.

Kasbiy faoliyati natijalariga ko‘ra malaka oshirish kurslaridan ozod qilindi hamda to‘g‘ridan – to‘g‘ri malaka sertifikatini olish IMTIYOZIGA ega bo‘ldi.

Shaxsiy yutuqlari: “ O‘zbekiston iftixori” faxriy unvon sohibi.

Trener sifatida: 2016-yil Rio-de-Janeyro (Braziliya) shahrida bo‘lib o‘tgan XV yozgi Paralimpiya o‘yinlarining oltin medal sohibi.

Samarqand filialida “Onlayn test” platformasidan foydalanish boʻyicha tinglovchilarga tushuntirishlar olib borildi.

Joriy yilning 3-iyun kuni Jismoniy tarbiya va sport boʻyicha mutaxassislarni qayta tayyorlash va malakasini oshirish instituti Samarqand filiali Axborot-kommunikatsiya texnologiyalari va masofadan oʻqitishni tashkil etish boʻlimi xodimlari tomonidan iyun oyi malaka oshirish kursi tinglovchilariga yakuniy attestatsiya jarayonlariga puxta tayyorgarlik koʻrishlari uchun Jismoniy tarbiya va sport boʻyicha mutaxassislarni qayta tayyorlash va malakasini oshirish institutining “Onlayn test” platformasidan foydalanish boʻyicha tushuntirish ishlari olib borildi.

2023-yil 3-iyun kuni Jismoniy tarbiya va sport boʻyicha mutaxassislarni qayta tayyorlash va malakasini oshirish instituti Samarqand filiali Ta’lim sifatini nazorat qilish va monitoring boʻlimi xodimlari tomonidan iyun oyi malaka oshirish kursi tinglovchilariga institutning https://t.me/minsport_institut telegram kanali hamda sportedu.uz rasmiy web-saytiga a’zo bo‘lishi yuzasidan ko‘rsatmalar berildi.

Bugun 1-iyun – Xalqaro bolalarni himoya qilish kuniga bag‘ishlab Samarqand shahar “Gala osiyo” mahallasidagi 38-umumiy o‘rta ta’lim maktabining o‘quv ishlari bo‘yicha direktor o‘rinbosari, hozirgi kunda esa nafaqada bo‘lgan Zebo G‘aybullayeva tomonidan tashkil etilgan “Orzu” nomli o‘quv markazining tantanali ochilishi bo‘lib o‘tdi. Tadbirda Samarqand shahar hokimining o‘rinbosari Zebo Soliyeva va Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Samarqand filiali “Jismoniy tarbiya, sport nazariyasi va uslubiyati” kafedrasi professori H.Rafiyev ishtirok etdi va ushbu marosimda so‘zga chiqib, o‘quv markazida bolalarni sog‘lomlashtirish uchun ko‘plab sport to‘garaklarini tashkil etish yuzasidan ko‘rsatmalar berib o‘tdilar.

Joriy yilning 15-may sanasida Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Samarqand filiali tinglovchilari uchun Samarqand viloyati Gimnastika sport turlariga ixtisoslashtirilgan sport maktabi gimnastika bo‘yicha sport ustasi, milliy toifadagi hakam trener Saadi Inessa ishtirokida davra suhbati tashkil etildi.
Davra suhbatida Saadi Inessa tinglovchilarga Respublikamiz Prezidentining “Gimnastika sport turlarini yanada rivojlantirish chora-tadbirlari to‘g‘risida”gi PQ–449-sonli qarorining mazmun-mohiyatini hamda o‘zining hayot yo‘li, sportga kirib kelishi, qo‘lga kiritgan yutuqlari yuzasidan fikrlar bildirildi. Tinglovchilar amaliy jarayonlarni bajardi hamda o‘zlarini qiziqtirgan savollariga javob olishdi.

Samarqand filiali professor-o‘qituvchilariga xorijiy til darsi o‘tildi

Jismoniy tarbiya va sport boʻyicha mutaxassislarni qayta tayyorlash va malakasini oshirish instituti Samarqand filialida 2023-yil 15-may kuni “Sport psixologiyasi, ijtimoiy-tabiiy fanlar” kafedrasi oʻqituvchisi X.Xakimov tomonidan filial professor-oʻqituvchilariga navbatdagi “Sport terminlari” mavzusida xorijiy til darsi oʻtkazildi. Darsga o‘qituvchilar faol qatnashdilar.

Samarqand filialida ochiq dars mashgʻuloti oʻtkazildi

Jismoniy tarbiya va sport boʻyicha mutaxassislarni qayta tayyorlash va malakasini oshirish instituti Samarqand filialida 2023-yil 15-may kuni “Sport psixologiyasi, ijtimoiy-tabiiy fanlar” kafedrasi oʻqituvchisi X.Xakimov tomonidan “Amaliy xorijiy til” modulidan Jismoniy tarbiya fani oʻqituvchilari yoʻnalishi 2-guruh tinglovchilariga “Indoor and Outdoor games” mavzusidagi ochiq dars mashgʻuloti oʻtkazildi. Oʻtkazilgan ochiq dars mashgʻulotiga filial professor-oʻqituvchilari qatnashdi hamda tinglovchilar oʻzlarini qiziqtirgan savollariga javob oldilar.

2023-yil 15-may kuni Indoneziyaning Universitas Negeri Yogyakarta universiteti bilan Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Samarqand filiali hamda Jizzax davlat pedagogika universiteti Jismoniy madaniyat fakulteti professor-o‘qituvchilari o‘rtasida Zoom platformasi orqali o‘zaro ilmiy hamkorlik hamda milliy sport turlarini rivojlantirish masalalari bo‘yicha dastlabki hamkorlik uchrashuvi bo‘lib o‘tdi. Uchrashuv doirasida hamkorlik aloqalarini yanada mustahkamlash bo‘yicha muzokaralar olib borildi hamda bu kabi xalqaro ilmiy-amaliy seminarlarning oʻrni beqiyos ekanligi ta’kidlandi.