Samandar's blog

2022-07-15 16:29:00 DARSDA (futfilionta imtiyozlar haqida)

- Eshmat, nega vazifani bajarmading?
- Yoshlar Ittifoqi bilan tadbir qilyapmiz. Tayyorgarlikda edim. Tavsiya qilishsa, Xudo xohlasa, talaba bo'laman.
- Tushunarli, o'tir. Toshmatova, vazifani bajardingizmi?
- Nashriyotga borgandim. She'riy kitobim chiqyapti. Zulfiyachilarga imtiyoz bor ekan. Xudo xohlasa, talaba bo'laman.
- Yaxshi, o'tir. Ha, Abdurayim, kech qolibsan? Vazifaniyam bajarmagandirsan?
- Endi tergashingiz kerakmas. Dadam harbiy. Biz talabamiz.
- Kir, joyinga o'tir. Soliyev?
- Ustoz, boshida aytganman. Bitirib olsam, dadam bilan Rossiyaga boraman.
- Senchi?
- Domla men IELTS o'qiyapman. Chet elga ketaman.
- Hech kim vazifani bajarmadimi?
- Domla, talaba bo'lishga joy qolmadi. O'qisang odam bo'lasan, deysiz. Ishonish qiyin-da. Biz sizdan o'rnak olamiz. Sizning ahvolingiz esa ma'lum. Oyligingiz, 100 - 200 dollardir? Bola-chaqadan orttirib yangi kiyim ololasizmi-yo'qmi? Bizga shuni ravo ko'ryapsizmi?! Qo'limdagi telefonni olish uchun 1 yil ishlasangiz kerak?! Bizga shunday kelajakni xohlayapsizmi? Siz yaxshisi jurnalingizni to'ldiring. Aslida darsga kelmasak ham bo'lardi-yu, davomat deb oyligingizni qirqishmasin deymiz-da.
- Kelishdik, shovqin qilmay o'tiringlar. Komissiya kelarkan. Mana bu hujjatlarni to'ldirib qo'yay...

(c) Sanjar Shomurodov

@samandarsblog Ochish/sharhlash

2022-07-09 02:52:57 Bayram muborak! Ochish/sharhlash

2022-06-16 23:06:20 Susambil - dedokratik jumhuriyat. U yerning qomusiga kõra, zoti oliylari ikki muddatga saylana oladilar. Lekin vaqti-vaqti bilan mamlakat qomusi yangilab turiladi. Chunki zoti oliylari boshlagan islohotlar oxiriga yetkazilishi lozim bõladi.

Susambilda biror islohotni boshlagan zoti oliylari saylov orqali taxtni õzgaga topshirishlari mumkinmi? Agar õsha islohot oxiriga yetsagina shunday bõlishi mumkin.

Demak, zoti oliylari umrlarining oxirigacha Susambilning shõrpeshona raiyatiga "xizmat" qilishlari uchun eng ma'qul yõl - bu islohotlarni hech qachon oxiriga yetkazmaslik. Yashasin zoti oliylari!

(c) Behzod Alimov Ochish/sharhlash

2022-06-09 14:58:57 Овозининг қийматини билмаган халқ, ноннинг қийматини назорат қила олмайди. Ҳамид Содиқ

Сиёсат - бу имконли эмас, имконсиз нарсани қилиш санъатидир. Вацлав Гавел

Россия эътироз билдирмаган ислоҳот, ислоҳот эмас. Ҳамид Содиқ

Режим учун энг хавфли инсон - бу бўш вақти бор ўқитувчидир. Ҳамид Содиқ

Бизда кўпчилик профессорлар, талаба ёзган 12 варақли дафтарни ўқиб олим бўлишган. Ҳамид Содиқ

Олимларга берилаётган диплом, цензурадан бошқа нарса эмас. Ҳамид Содиқ

@HamidSodiquz Ochish/sharhlash

2022-06-08 22:39:31 Oʻzingizdan boshqasi sizning oʻrningizga fikrlashiga yoʻl qoʻymang. Ochish/sharhlash

2022-05-17 18:33:41 г) Кўпроқ пиёда юринг. Мошинага ёпишиб олманг. Ҳар куни зомбо смартфонни ўчириб, ҳеч нима қилмай ёлғиз 5, 15, 30 минут ўтиришга одатланинг. Миянгизда чорсу бозори бошланиб кетиб ғимирлатиб юборса, қоғоз қалам олиб дуч келган нарсани ёзинг, чизинг... Ўзингиз ва яқинларингиз учун ўта муҳим бўлган нарсалар рўйхатини тузиб чиқинг, ва улар йўлида нима қилаётганингиз ва нима қилишингиз кераклигини ёзинг... Ҳар куни ёзинг, хохласангиз схемалар чизинг. Ёзиш-чизиш тиш ювишдек кундалик машғулотингизга айлансин.

д) Иложи борича ҳар соат "мен нима қилмаяпман?", "нима учун шуни қиляпман?", "булар муҳим нарсаларимга кирадими?", "оммавий дастур билан кетиб қолмаётибманми?", "нима учун бу шахснинг гапи мен учун тўғри бўлиши керак?" каби саволларни кўп беринг.

е) Реал ва онлайнда учраган ҳар қандай хабарларга нисбатан автоматик муносабат билдиришдан тийилинг. Умунман маълум муддат одамлар ва ҳодисаларга баҳо бермай юришлик жуда яхши парҳез, ўзингизни ўнглаб олиш учун каттагина ресусрс манбаидир.

ё) Автоматик муносабат, реакцияларга нисбатан яна бошқачароқ ёндашув қўллашингиз мумкин. Кўрган ҳодисага нисбатан пайдо бўлган фикрингизни дарров танқидий назар микроскопи остига олинг: "нега мен ундай деб ўйлаяпман?", "бунга нима асосим бор?", "ўзгача қараш бўлиши мумкинми?", "мен ҳурмат қилган шахслар қандай баҳо беришган бўларди?", "нима учун эмоционал (нафрат, ғазаб, қўрқув, хурсандчилик, ёқтириш) реакция қиляпман?, нима сабаб?" ва ҳоказо...

Алифбо харфлари яна кўп эди, лекин пост шундоғам чўзилиб кетди.

Жамшид Муслимов

#devonanolitegi #savoljavoblar
21.07.2019
https://t.me/subnazar Ochish/sharhlash

2022-05-17 18:33:27 БИОМАССА

САВОЛ Biomassa (g‘ashimiz kesayam haqiqat afsuski). Bundan chiqib ketish uchun nimalarga ko‘proq kuch sarflashimiz kerak va bunga qancha vaqt ketadi deb o‘ylaysiz?
Rahmat. Ya'ni inson emas, ijtimoiy-siyosiy hayotga befarq, loqayd, ilmni qadrlamaydigan, maddox biologik odamlardan tashkil topgan xalqning asosiy qismi. (Abdulaziz Eshonturayev)

------

ЖАВОБ: Тук, сочларини яхшилаб қириб, кесадиган жойга қуюқ йод суртамиз. Наркоз. Трепанация. Скалпел. Тампон. Нашатир спирти ва қусиш учун тоғора.

Ўзингизни шу биомассадан олиб чиқмоқчи бўлсангиз қуйидагиларни тан олишингиз керак:

1) Биз ақлий меҳнатдан ўзимизни олиб қочамиз, буни жуда ёмон кўрамиз. Ўзимизни мажбурлай олишга ожизмиз. Ўқиш керак бўлса "мухтасар" ("мухтасарнинг мухтасари", "илми толибга енгиллатилган мухтасарнинг қисқартирилган енгил таълифи"), "суратли" китобчаларни қидирамиз (инстаграмни севамиз). Лекин ақлни зўриқтирадиган китоблар, маърузалар, кинолардан ўзимизни олиб қочамиз.

2) Тайёр оммавий стереотиплар ҳукмига ёқмасада осонликча таслим бўламиз. Ёлғизликдан жуда қўрқамиз. Атрофимиздаги ҳудди шундай ёлғизликдан қўрққан конформист биороботлар билан тўдалашамиз.

3) «Бошқа коинотдан тушган ботанлар» устидан куламиз, «одамови» деймиз, бир тийинга олмаймиз. Аммо худди шу шампангқулоқ ботанлар (Билл Гейтс ёшликдаги расмига қаранг) "пардалар" ортидан туриб ҳаммани ўйнатётганлиги ҳаёлимизга келмайди. Айнан ўшалар биороботлар эмас. Сиз биороботсиз. Биз биомассамиз.

4) Кундалик кузатувларимиз ва ўзимиз ҳаётимиздаги зиддиятларни кўрмаймиз. Масалан, ўзбек (тожик, афғон, ҳинди-пок)га ҳос "орзу ҳавас" номли аҳмоқона ижтимоий монстрга қул бўлганмиз. У ҳеч кимни бахтли қилмаган. "Одамлар нима дейди" деб беъманидан бемаъни маросимлар уюштириб юрамиз, уларга қатнаймиз. "Оқибат" деган махлуқ билан қўрқитишади. Бу «Оқибат» тўй ошларга келган қариндош яқинларнинг 98%и бошга қийинчилк тушганда кўринмайди. Судда, ҳоким тепкилаётганда, уйингизни бузаётганда биронтасини топмайсиз. Лекин, тан ҳам олиш керак, ўлганда кўмгани келади.

5) Иккиюзалмачилик ниқоблари бет бетга ёпишиб кетган. Биттасини шилиб олса, кеингиси чатишиб ётган. Ниқоблар устига гримлар суртавериб ҳақиқий юзимизни унутиб қўйганмиз. "Замон талаби" деб ўзимиз ишонмаган нарсани гапирамиз, бир оз вақт ўтиб, ўзимиз унга ишониб қолганимизни пайқамаймиз. Бизни дастурлаш осон.

6) Олий қадриятлар (эркинлик, адолат, тараққиёт, маърифат) фидоийлари бизга "ғалати" бўлиб кўринади. Улар қаттиқ зарбалар еб ётганда "жим юрса бўлмасмиди, нима зарил эди?" деб ташлаб қўямиз. Аммо ҳар қандай тараққиёт ортида шу "ғалатилар" тоифаси турганлигини кўрмаймиз. Уларнинг фидоийлиги истеъмолчиси эканлигимиз ҳеч қачон ҳаёлимизга келмайди.

7) "Сиёсат" сўзидан қўрқамиз. "Минбарда бир гап, ҳаётда бошқа иш" ҳолати биз учун мутлақо нормал. Биоробот шундай дастурланган. Ҳақни талаб қила олмаймиз, талаб қилганларни тарк этамиз. Чунки биоробот учун "ҳақ" йўқ нарса, калтак бор, пул манфаати бор, молдек еб, ичиб кетавериш бор.

8 ) Ижтимоий ҳаёт ўрнини овқатгузаронлик босган. Овқат энг зўр антидпрессантимиз. Қонуний наркотик. Чунки лиқ тўла ошқозон бутун одам қонимизни ўзига тортади. Мияга ҳеч нарса қолмайди. Мия ҳам хурсанд, қорин тўқ бўлганда бош қотиришдан нима фойда?

9) Ижтимоий тармоқларга кирганда узун мақолалар ўқимаймиз. Бизни муаммолар негизини англашдан навбатдаги "қовунлар" билан чалғитиб юбориш осон. Прикол, футбол, жанжал - маънавий озуқамиз.

----

"Биомасса ҳолида қолмаслик учун нима қилай?" деган саволга жавобим қуйидагича

а) Юқоридаги ҳолатларни ўзингизда бор эканлигини тан олинг

б) Зерикарли туюлган, аммо керакли, қийин китоблар ва мақолаларни ўқишга ўзингизни мажбурланг.

в) Сизни биоробот даражасида ушлаб турган асосий омил сизнинг фикрлаш одатларингиздир. Улар сизнинг сўзларингизда ва ишларингизда кўринади. Уларни тутиб олиб, қаттиқ танқидий назар остига олинг. Ochish/sharhlash

2022-05-10 19:28:52 Bu yilni hisobiga bir qancha kitoblarni oʻqidim. Har biriga alohida post yozmasdan, bitta post qilib, qisqa xulosalarni berib ketmoqchiman.

"Alvido bolalik". Tohir Malik.

Oʻzbek adabiyotida oʻz oʻrniga ega boʻlgan asar, chunki kitob quruq detektiv yoki kriminal asar emas. Yozuvchi yoshlarning jinoyat olamiga qanday kirib qolish ildizini topishga urinadi, uning maʼnaviy tomonlarini tahlil qiladi.

"Chemodan." Sergey Dovlatov.

Kitob meni unchalik bogʻlab tura olmadi. Audio holida eshitgandim, balki oʻquvchining oʻqish usuli unchalik maʼqul boʻlmagani uchun shunday boʻlgandir. Asarda sobiq Sovet davridagi ayrim ahmoqona odatlar, boshqaruv usullari qalamga olingan.

"Sohil boʻylab chopayotgan olapar." Chingiz Aytmatov.

Bu kitobni radiopostanovka variantini eshitdim. Anchayin saviyali, manoga boy asar.

"Jenni Gerxardt." Teodor Drayzer.

AQSHning 1900-yillar davri. Oʻsha davr kambagʻallar hayotidagi qiyinchiliklar, ijtimoiy tengsizlik, har xil oʻsha davrga oid xurofotlar oqkoʻngil Jenni hayotiga bogʻlab koʻrsatilgan asar.

"Hadis va hayot. 19-juz. Olamlarga rahmat paygʻambar." Shayx Muxammad Sodiq Muxammad Yusuf.

Siyratga bagʻishlangan kitob. Oʻzi bu yil kamida bitta siyrat kitob oʻqish niyat bor edi, yetdim desam ham boʻladi. Kitob 600 betga yaqin, lekin menga bu kamday tuyuldi. Asar iloji boricha muxtasar yozishga harakat qilingan degan hayol oʻtdi.

"Allamjonov aybdor." Komil Allamjonov.

Bu kitob haqida yozgandim.

"Oʻzni qidirgan odam." Xolid Ertugʻrul.

Hozirda trendga chiqayotgan turk adabiyoti namunalaridan biri. Badiiy saviyasi past deb baholayman. Yozuvchini aytmoqchi boʻlgan gapi bor, lekin bunday tarzda yetkazilmaydi.

"Olim, olam va odam." Mubashshir Ahmad.

Kitob avvalo muallifning shaxsiy fikrlari, hayollari, xulosalari, keyin turli olimlardan iqtiboslarni oʻz ichiga olgan. Kitobda berilganlar alsari Mubashshir domlaning internetdagi sahifalarida ham berilgan.

"Alkimyogar." Paulo Koelo.

Turli xil majozlarga asoslangan falsafiy roman. Lekin hayot muallif koʻrsatgandan aancha murakkabligini anglab yetganman. Balki 3-4 yil avval oʻqiganimda koʻproq taʼsirlangan boʻlardim. Hozir esa yoʻq.

Siz-chi, qaysi kitoblarni oʻqidingiz?

@samandarsblog Ochish/sharhlash

2022-05-02 04:32:16 Barchangizga Ramazon Hayiti muborak boʻlsin!

@samandarsblog Ochish/sharhlash

2022-04-27 10:01:37 Нарсаларга илмий кўз билан қарашни ўргансак, ҳар қандай манипуляторни элементларга ажратиб, ўзини қўлига бера оладиган бўламиз. Бу учун бир нечта ақлий инструментни ўзи етарли. Фожиа шуки, илмий қарашни билмаймиз, натижада ўта саёз шарлатанлар 100 минглаб одамларни ўзи истаган томонга етаклаб кетяпти, ҳатто дипломлиларни - улар ҳам оғзини очиб маҳлиё бўлиб қоляпти (демак диплом илмий қарашни гарантияламайди).

https://t.me/muhammadshakur_07 Ochish/sharhlash