Samandar's blog

2022-04-27 02:09:01 Ҳафсалангиз пир бўлишини истамасангиз, мафтун бўлманг
@gayratkhodja_journal Ochish/sharhlash

2022-04-10 17:08:43 TOʻY

Qildi bu vaqt bizda javlon toʻy,
Oqchasi yoʻqni etdi hayron toʻy.
Bir-biridin oshurdilar toʻyni,
Topdi ravnaq, gʻayratila boyon toʻy.
Besh kun oʻtmay toʻyni soʻnggidin
Ketibon mulklar bois figʻon toʻy.
Boyon toʻyigʻa yerlilar qarab
Etdi sarf toki tandagi jon toʻy.
Ey gʻaniylarimiz, ey faqirlarimiz,
Amr etubdurmu bizgʻa Qurʼon toʻy.
Mundayin ishlar sharʼimizda yoʻq
Kori maʼjus, kori shayton toʻy.
Ishlamas shunday aqllik kishi
Yoʻlamas aslo ahli vijdon toʻy.
Oʻtsa toʻy birla yozu qishimiz,
Aylagay bizni yergʻa yakson toʻy
Kelingiz doʻstlar, din qarindoshlar,
Tashlasun boʻlsa gar musulmon toʻy.

“Sadoyi Turkiston” 1915-yil, 64-son. 20-mart, 2-bet. Ochish/sharhlash

2022-04-10 10:03:52 Бунинг устига устоб териси сўюлиб олинган бўлганидан гўш устига чанг-тупроқ ўлтуруб алланичкаланган.
Гўшка қўйган муҳаббатимнинг ўрнини ҳозир бир нафрат олди, кўнгил ағдарилиб қайт қилаёздим. Мана сенга гўш! Бечора қўйнинг гавдасига хитобан: «Эй, бечора қўй, сен нима гуноҳ қилдингки, сени бу ҳолга тушуриб оздирдилар», дедим. Ихтиёрсиз қўйларга раҳмим келиб кўзим ёшланди. Биз қўйнинг думбаси иккинчи аробададир, деб ўйлаб ўлтурган эдик. Лекин ичимиздан кимдир биров: «Мой қани?» деб қассобдан сўради:
— Мойи йўқ! — деди қассоб. Мен ихтиёрсиз хахолаб кулиб юбордим. Эрталабки шайтоннинг «Комитет қўйининг думбаси тушиб қолган», сўзи эсимга тушган эди:
— Ҳа, бадбахт, рост гапирган экансан, — деб қўйдим. Гўш жонбошига ярим қадоқ эмиш.
Тўрт қадоқ шақир-шуқир сўнгакни уйга кўтариб келганимда уйдагиларни ҳам тарбузи қўлтуғидан тушкан эди.
Жулкунбой.
«Иштирокиюн». 1919 йил 11 август.

@samandarsblog Ochish/sharhlash

2022-04-10 10:03:51 ДУМБАСИ ТУШИБ ҚОЛГАН ЭМИШ
Кичкина фелетўн
(Эски шаҳар Озик, шўъбасига бағишлайман)
Гўш... Отингдан ўргулай гўш!.. Нега мунча ўзингни биздан азиз тутдинг? Биз сенинг қадрингга етмадикми?...
Мен ўқувчининг гўш ҳақиндаги ҳолини билмайман. Лекин ўзим гўш отини эшитсам оғзимдин калаба-калаба сувлар келадир. Ўзини қассоб акалар қанорасида кўргандами? — Кўрганда васлига етолмай юрган маъшуқангга учрашган каби хуш бошингдан учадир. Ихтиёрсиз ичингдан гулдурос ила: «Эй гўш!» деган сўз ташқарига отиладир. Жонажонинг, меҳрибонинг бўлган гўшнинг икки қадоғини золим ноинсоф қассобнинг қанорасидан ажратиб олмоқчи бўлуб, қаҳрамононасига жекириб: «Гўшнинг қадоғи қанча?» Бадбахт қассоб овозини бузмай: «Гўшнинг қадоғи ўттуз олти сўм, мулла ака!» — (Ўл мулла ака!) Ўттуз олти сўм! Эшитгач даминг ичингга тушиб кетадир. Бир сўз қайтармай мазлумона гўшга термула-термула ўз йўлингга жўнайсан. Дўстинг бўлган гўш маъюсона бир равишда орқангдан қараб қолур. Мана лофчига ёзмоққа ҳафасли бўлган ёшларга материал!.. Рамазон ийдидан бери жонвор гўшнинг иштиёқида оҳ-воҳ ила кун кечириб озиқ шўъбасининг марҳаматига интизорликда келмоқда эдим. Тўғрисини айтмоқға мажбурдирманки, бу орада бутун кечалар гўш иштиёқида ухлай ол- мадим. Кўз илинганда кўрилган тушка ҳам гўшдан бошқа нимарса кирмайди.
Қоқ ўттуз биринчи кун деганда, халқ тилида, «эртага Озиқ комитети гўш берар эмиш», деган хабарлар юрий бошлаб юрагим азбаройи хурсандликдан торс ёрилаёзди. Бу хабар ҳалидан ҳали тўғрилигиға чиқиб дилим урмоққа бошлади. Бутун сабру қарорим қўлдан кетди... Уй ичимизни энди суриштиришмай ҳам, етти яшардан тортиб то етмиш яшаргача гўш хурсандлигига чидай олмай рақсга (тансага) келган эди. Шу кун маҳалла комитетидан гўш варақасини олганимни ўзим ҳам сезмай қолдим. Эртаги гўш шодлиги ила бу кун кечаси бутун уй ичимизда уйқу ўрнига эртага оладирган гўшнинг қай ҳолда томоқ қилмоқ маслаҳати эди: Ойимга монти дуруст эмиш, янгамга сомса яхши эмиш, ҳаммадан ҳам акамники қизиқ. Эртага қориндан бошқасини еса ўзини ўзи шаҳид қилар эмиш; буни ҳам қўйинг, дадамга бир сих бўлса ҳам кабоб тузук эмиш, энди мени ҳам тилагимни эшитинг: менга ҳаммаси бўлса ҳам ноз қиладирган ўрним йўқ...
Эрта бирлан уй ичидан фотиҳани олиб, ё ху ё ман хуни тилимга жо қилиб, қўлда каттакон халта ила ... нчи қассоблик дўкони қайдасан, деб йўлга равона бўлдик. Уйдагилар нуқул гўшнинг калта биқинини, мойнинг эса нуқул думбасини олмоқға таъкидлаб, дуолашдилар.
Энди йўлда гўшнинг бериладиган микдори ҳақинда ривоятлар кўб. Биров жон бошига икки қадоқ деса, биров бир қадоқ, дейди. Икки қадоқ деганнинг оғзидан ўпкинг, бир қадоқликни бўғгинг келадир. Ёғ хусусинда ривоятлар уч хил: биров жонга бир қадоқ, иккинчиси чорак қадоқ, тағи бир шайтонроғи: «Ёғ оламан деб овора бўлманглар, комитет қўйлари даладан келишда думбасини йўлда тушуриб қўйибдир», деди. Менга қолса думбаси ўғирланган бўлсун! Ишқилиб гўши ёғлироқ бўлса бўлгани.

Мана! Йигирма... нчи дўконнинг олдиға етдим. Одамлар ўттуз қулоч деб, ўттуз биринчи қулочнинг бошламасига биз турдик. Лекин ҳали гўш келгани йўқ эмиш. Думга турган чоғимда соат ўн бирлар чамаси эди. Офтоб пешонадан урадир. Биз қоврилиб, пешонадаги терни суриб турамиз. Орадан бир соат ўтди, гўш йўқ. Биз комитетдан койишиб, тағи бир соат турдик. Лекин ҳамон гўш йўқ. Узоқдан бир ароба кўриниб қолса ана, ана, шу гўш, деб ҳовриқишиб, бир биримизни илгариға қараб итаришиб сиқамиз. Ичимиздан аллаким «дод, сиқилдим», деб юборса тағи орқага қайтиб орани бўшатамиз. Орадан тағи ярим соат вақт ўтиб кетди. Лекин ҳамиша йўқ, йўқ, йўқ. Офтобнинг иссиғи қувватланиб, қобқора терга тушиб кетдик. Ҳолдан тойганлар: «Гўш, ёғ емаган ўлибтими?..» деб раддан чиқиб кета бошладилар. Оз фурсатни ичида ўттуз қулочлик думда менга ўхшаш ўлуги бир пуллардан беш олти киши қолдик. Орадан тағи бир соат вақт ўтгач, кундуз соат иккиларда узокдан гўшлик ароба кўриниб қолди. Табиий, бу аробадаги гўш бизим учун эди. Узоқ-узоқ «ух» тортишиб қўйдик. Ароба дўконнинг олдига тўхтагач, на кўз ила кўрайлик, бир ароба қиб-қизил ўпкага ухшаш гўш — йигирма мартаба ағдариш-тўнтариш қилганда чигитдак мой топиш мумкин эмас. Ochish/sharhlash

2022-04-10 10:03:35 Bugun Abdulla Qodiriyning tugʻilgan kuni ekan. Abdulla Qodiriy nasrda eng benazir ijodkorlardan deb hisoblayman.

10 daqiqa vaqtingizni ajratib quyidagi felyetonni oʻqishni tavsiya qilaman. Oʻzimga juda yoqqan. Sizga ham yoqsa kerak.

@samandarsblog Ochish/sharhlash

2022-04-09 12:53:34 Kecha olingan surat. Universitetimiz yaqinida "Shahidlar xotirasi" hiyoboni bor. Hiyobon va uning atrofi hozir juda goʻzal boʻlib ketgan. Asablarni tinchlantirib, tabiatdan bahra olish uchun zoʻr joylar.

@samandarsblog Ochish/sharhlash

2022-03-31 20:42:20 Hozirgina Kventin Tarantinoning "Billni oʻldirish" filmining ikkala qismini ham tugatdim. Toʻgʻrisi kutganimdan ziyodroq mazza qilib koʻrdim. Uma Tyurmandan ajoyib ijro.

Tarantinoning uslubi boshqacha baribir, yagona. Hech kimnikiga oʻxshamaydi, oʻxshaydiganlar Tarantinoga taqlid qilishgan.

Kventinning avvalgi koʻrgan filmlarida boʻlgani kabi bu filmi ham qasos ustiga qurilgan. Rejissyor sizni shu darajada tayyorgarlaydiki oʻlayotgan odamlarga zarracha rahmingiz kelmaydi, qaytanga bundan zavqlanasiz, bundan ham battar qilsin deysiz. Reallikdan uzoq sahnalarni koʻrsangiz ham ishongingiz keladi.

Musiqalariga gap yoʻq. Tarantinoning bu boradagi didiga tan berish kerak. Qonli sahnalardan keyin Jeyms Lastning "Yolgʻiz choʻpon" sokin musiqasini qoʻyish uchun odam kamida aqlli boʻlishi kerak.

Qon, vahshiylik, turli xil jarohatlarni koʻrganingizda koʻnglingiz aynimasa bu filmni koʻra olasiz.

@samandarsblog Ochish/sharhlash

2022-03-25 16:52:50 “Oʻqilgan kitoblarni maʼnan taftish etib, undagi nuqsonlarni bayon etmak tanqiddur, taarruz va dushmanlik emas. Bizni Turkistonda yangi maktablar ancha bordur, yangi risolalar xiyla bosilib turibdur, jaridalarda maqola va ashʼorlar oʻqilib turibdur, ammo hanuz tanqid davriga yetushganimiz yoʻq”.

“Ittifoqo, tanqid shaklinda bir nimarsa yozilsa, bizlargʻa qatigʻ tegar. Yozganlarimizni buzuqligi va fikrimizni xatoligi, ishimizni noqisligini biror kishi koʻrsatsa, achchigʻimiz kelur...Ammo oʻzimizni maqtab, risola, tahrir va maslakimizni bir kishi tanqid etdimi, chiday olmaymiz, diqqat ila munaqqid soʻzini tinglamaymiz”

(c) Mahmudxoʻja Behbudiy

Jamshid Muslimov sahifasidan olindi Ochish/sharhlash

2022-03-19 12:01:36 Агар бирор кун барча қўшиқчи, раққос, спортчилар йўқ бўлиб қолса ҳаётингизда ҳеч нарса ўзгармайди.

Аммо, бирорта ҳам шифокор топилмай қолса, ўқитувчилар таълим бермай қўйса, замонавий технологиялар соҳаси мутахассислари ишлашни бас қилишса, ана ўшандагина давлат ва жамият учун энг биринчи эътибор бериш керак бўлган соҳалар нима эканлигини пушаймон еб ўйлаб ўтирган бўласиз.

Abdulaziz Saidalixonov

@samandarsblog Ochish/sharhlash

2022-03-12 18:53:01 Bugun obedlarda Azon Kafe da Adib Xolidning "Oʻzbekiston tavalludi" kitobining taqdimotiga bordim. Kitobni tarjima qilgan Sardor Salim bilan koʻrishdim, rasmga tushdim))

Oʻqiymizmi?

@samandarsblog Ochish/sharhlash