2020-09-24 18:50:17
“AL-QURAN” MOBIL ILOVASI HAQIDA
Qurʼoni karim doim ilm va taʼlimga targʻib qilib kelgan. Qurʼonda
“Nazar solmaydilarmi?!”, “Koʻrmaydilarmi?!”, “Tadabbur qilmaydilarmi?!”, “Tafakkur qilmaydilarmi?!”, “Aqlni ishlatmaysizmi?!” va boshqa shu mazmundagi oyatlar koʻp marta takrorlangan. Darhaqiqat, ilm olish, izlanish, ixtiro qilish va ijod qilish Qurʼonda buyurilgan ezgu amallardan hisoblanadi. Bu oyatlarga ogʻishmay amal qilgan Imom Buxoriy, Abu Mansur Moturidiy, Abu Rayhon Beruniy, Ibn Sino, Xorazmiy, Abu Nasr Forobiy, Ahmad Fargʻoniy rahimahullohlar kabi buyuk ajdodlarimiz oʻz sohalarida amalga oshirgan yangiliklar, ixtirolar va kashfiyotlar hozirga qadar oʻz ahamiyatini yoʻqotmagan. Yurtimizda taʼlim sohasiga innovatsion yondashish ancha yerta boshlangan. Albatta, buning ildizi va asosiy manbasi Qurʼoni karim taʼlimotlari hisoblanadi.
Bugungi kunda taʼlim sohasida zamonaviy pedogogik va axborot-kommunikatsiya texnologiyalaridan foydalanishga boʻlgan qiziqish va intilish kun sayin ortib bormoqda. Xususan, mustaqil taʼlimga boʻlgan ehtiyoj bugun eng muhim masala sifatida talqin qilinmoqda. Kompyuter va telefon ilovalaridan foydalanish, kerakli maʼlumotlarni internet tarmogʻidan qidirish va shu orqali bilimni oshirib borish bugungi kunimizda oddiy holatga aylangan, desak mubolagʻa boʻlmaydi. Xususan, taʼlim sohasida innovatsion texnologiyalardan foydalanish oʻquvchi va talabalarning mavzuni chuqur oʻzlashtirishlarida muhim ahamiyat kasb etmoqda. Bu esa oʻz navbatida har bir mutaxassis zimmasiga zamonaviy axborot-kommunikatsiya texnologiyalaridan foydalana olish masʼuliyatini yuklamoqda. Prezident Shavkat Mirziyoyev taklifi bilan mamlakatimizda
“2020-yil — Ilm-maʼrifat va raqamli iqtisodiyotni rivojlantirish yili” deb eʼlon qilinishi ham fikrimizni isbotlaydi.
Qurʼon taʼlimi Rasululloh sollallohu alayhi vasallam zamonlaridan beri muttasil davom etib kelayotgan eng muhim taʼlim sohalaridan biri hisoblanadi. Qurʼon taʼlimiga boʻlgan eʼtibor asrlar osha rivojlanib, bu borada turli uslublar, risolalar, oʻquv qoʻllanmalar va amaliy tajribalar ishlab chiqilgan. Bu jarayon bugungi kunda ham zamonamizning eng ilgʻor texnologiyalari yordamida jadal surʼatda davom etmoqda. Xususan, Qurʼoni karim oyatlarining arabcha matni, turli tillardagi tarjimalari, tajvid qoidalari, tafsiri, audio va video yozuvlarini oʻzida mujassam qilgan ilovalar Qurʼon taʼlimining yangi bosqichga chiqqanidan darak bermoqda.
Eʼtiboringizga havola etilayotgan “Al-Quran” mobil ilovasida ham mazkur zamonaviy taʼlim uslublaridan foydalanilgan. Ushbu ilovaning Qurʼon taʼlimiga oid boshqa ilovalardan farqi shundaki, unda yurtimizda mashhur boʻlgan taʼlim uslublariga alohida urgʻu berilgan. Oʻlkamizda faoliyat yuritayotgan din arboblari, diniy bilim yurtlarida taʼlim olayotgan talabalar va Qurʼon oʻqishdan xabari bor moʻmin-musulmonlar ilk saboqni “Muallimi soniy” kitobidan olganlari hech kimga sir emas.
Batafsil o'qish uchun manzil:
https://telegra.ph/AL-QURAN-MOBIL-ILOVASI-HAQIDA-09-24
Shayx Alijon qori rasmiy
sahifalari
Telegram|Facebook|Youtube|Instagram
63.0K views15:50