Pressuzb

2022-05-25 19:47:02 Пенсионерлар ва нафақа олувчиларга бир марталик ёрдам пули, ёрдам пули олмаган эҳтиёжманд оилаларга бепул ун тарқатилади

Президент қарори билан қуйидаги шахсларга бир марталик ёрдам берилади:

ёшга доир, ногиронлик пенсияси ва нафақасини олувчиларга, болаликдан ногиронлик нафақасини ҳамда боқувчисини йўқотганлик пенсиясини ва нафақасини олувчи ҳар бир оила аъзосига ҳамда ўзгалар парваришига муҳтож ногиронлиги бўлган 18 ёшгача болаларнинг парваришлаш нафақасини олувчиларга:

Қорақалпоғистон Республикаси ва вилоятларда – 300 минг сўмдан;

Тошкент шаҳрида – 400 минг сўмдан.

“Ижтимоий ҳимоя ягона реестри” ахборот тизими орқали кам таъминланган сифатида моддий ёрдам олувчи оилаларга ҳамда кам таъминланган сифатида болалар нафақасини олувчи оилаларнинг ҳар бир 18 ёшга тўлмаган боласига – 200 минг сўмдан.

Шунингдек, “Темир дафтар”га киритилган, лекин бир марталик ёрдам пулини олмаган эҳтиёжманд оилаларга бепул ун тарқатилади. Ун миқдори оиланинг ҳар бир оила аъзосига 20 килограммдан тўғри келади. Яъни 2 кишили оилага 40 кг, 5 кишили оилага – 100 кг ва шу каби.

@pressuzb Ochish/sharhlash

2022-05-25 16:28:35 Президент Шавкат Мирзиёев Америка Қўшма Штатларининг Техас штати Ювалде шаҳарчасида содир бўлган отишма оқибатида инсонлар ҳалок бўлгани ва жароҳат олгани муносабати билан Президент Жозеф Байденга ҳамдардлик йўллади.

@pressuzb Ochish/sharhlash

2022-05-25 13:50:25 Шералиев Даврон Турғунович «Ўзбекконцерт» давлат муассасаси директори лавозимига тайинланди. Бунгача у Ўзбекистон давлат филармонияси бош директори ўринбосари лавозимида фаолият юритиб келган.

@pressuzb Ochish/sharhlash

2022-05-24 19:07:56 Конституциявий комиссия фуқаролардан таклифларни қабул қила бошлади. Таклиф ва мулоҳазаларни ҳозирча:

taklif@meningkonstitutsiyam.uz

taklif@2022.uz электрон почталари орқали юбориш мумкин.

Қисқа муддатда “Жамият – ислоҳотлар ташаббускори” бош ғояси асосида фаолият кўрсатувчи махсус ахборот платформаси ҳам иш бошлайди. Унга қадар таклифларни юқоридаги манзилларга юбориш мумкин.

@pressuzb Ochish/sharhlash

2022-05-24 12:04:09 Алишер Саъдуллаев Ўзбекистон шахмат федерациясининг раиси этиб сайланди.

@pressuzb Ochish/sharhlash

2022-05-24 08:33:52 Алимов Баходир Мураджанович — “Ўзбекистон Республикаси Ташқи иқтисодий фаолият миллий банки” акциядорлик жамияти бошқаруви раисининг ўринбосари этиб тайинланди.

Тайинловга қадар у “Ўзбекистон Республикаси Ташқи иқтисодий фаолият миллий банки” тизимида фаолият юритган.

Жумаев Шоҳжаҳон Шокирович — “Ўзбекистон Республикаси Ташқи иқтисодий фаолият миллий банки” акциядорлик жамияти бошқаруви раисининг ўринбосари этиб тайинланди.

Тайинловга қадар у Ўзбекистон Республикаси Инвестициялар ва ташқи савдо вазирлиги тизимида фаолият юритган.

@pressuzb Ochish/sharhlash

2022-05-23 17:05:22 «Дипломат сифатидаги 20 йиллик фаолиятим давомида ўз давлатимдан ҳеч қачон ҳозиргичалик уялмаганман» — БМТнинг Женевадаги ваколатхонасида ишлаган россиялик дипломат истеъфо берди.

«Путин Украинага, аслида эса барча ғарб оламига қарата очган агрессив уруш нафақат украин халқига нисбатан жиноят, балки Россия халқига нисбатан ҳам энг оғир жиноятдир», дея ёзди Борис Бондарев Линкедин’даги саҳифасида.

У 20 йил давомида РФ ТИВ тизимида “ёлғон ва нопрофессионаллик даражаси мунтазам ошиб боргани”, охирги пайтларда эса “фалокатли даражага етгани”ни қайд этган.

@pressuzb Ochish/sharhlash

2022-05-23 11:50:53 Асқаров Аброржон Қамбарович Учкўприк тумани ҳокими этиб тайинланди.

Тайинловга қадар у Учкўприк тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимида фаолият юритган.

@pressuzb Ochish/sharhlash

2022-05-23 08:14:00 Ҳоким ёрдамчиси туман ҳокими бўлди

Обидов Махамадмусо Орипжонович Олтинкўл тумани ҳокими этиб тайинланди. Тайинловга қадар у Қўрғонтепа тумани “Чорвадор” маҳалла фуқаролар йиғинида ҳоким ёрдамчиси лавозимида фаолият юритган.

@pressuzb Ochish/sharhlash

2022-05-23 07:27:44 Райимов Алишер Абдумаликович Ангрен шаҳар ҳокими этиб тайинланди. Тайинловга қадар у “Ҳудудгазтаъминот” акциядорлик жамиятида фаолият юритган.

@pressuzb Ochish/sharhlash