OZODLIK KANALI™

2021-12-14 20:00:23 «Журналистлар билан муаммо йўқ, аммо блогерлар билан...»

«Биз доим журналист ва блогерлар билан ишлашга тайёрмиз, қўл остимдаги барча ходимларга бу ҳақда кўрсатма берганман. Аммо ИИВ ходимларидан муносабат олмай хабар эълон қилиш ҳолатлари ҳам кўп кузатилмоқда. Бу борада журналистлар билан муаммо йўқ, чунки уларда хабар эълон қилиш бўйича тартиб шаклланган. Блогерлар билан эса муаммо бўлмоқда. Улар маълумотни текширмай ёки кесиб эълон қилишади, бу тўғри эмас, ахир биз доим муносабат билдиришга тайёрмиз. Биласизми, бир йил давомида ички ишлар ходимлари ҳақида 580 дан ортиқ негатив маълумот тарқатилган ва шундан фақат 41 таси ўз исботини топган».

https://t.me/ozodlikkanali kanaliga obuna bo'ling!

Bizga xabar yo'llash uchun @ozodnews Ochish/sharhlash

2021-12-14 19:30:53 Жаҳонгир Ортиқхўжаев “Қўйлиқ” бозорини кўчирмоқда. Бозорчилар норози

9 декабрь куни Тошкентдаги “Қўйлиқ” бозори кўчирилишидан норози бўлган юздан ортиқ одам автомобил йўлини тўсишга ҳаракат қилди. Тошкент шаҳар ИИББсига кўра, норозилардан 5 нафари маъмурий қамоққа олинган. Қўйлиқ бозоридаги савдо фаолиятини жорий йилнинг 31 декабригача бутунлай тугаллаб, 1 январдан Food city савдо мажмуасига тўла кўчиш режаланган. Тадбиркорларга кўра, ҳозирда улардан бу борадаги огоҳлантириш хатига имзо қўйдирилмоқда.

https://t.me/ozodlikkanali kanaliga obuna bo'ling!

Bizga xabar yo'llash uchun @ozodnews Ochish/sharhlash

2021-12-14 19:03:45 Озодлик дастури 14.12.21

Гап отманг! Хотин-қизларга тегажоқлик қилганларни жазога тортиш таклиф қилинмоқда

Москвадаги ёнғинда ҳалок бўлган ўзбекистонликлар жасади ҳалигача ватанига қайтарилмади

Кўзи ожизлар: “Томи қулаётган бинода яшашга маҳкуммиз!”

Тошкентда яна бир Mercedes автобусида ёнғин юз берди

Пентагон: 10 афғон, жумладан, 7 боланинг ўлимига сабаб бўлган ҳарбийлар судга тортилмайди

“Хитой ҳукумати обрўсига зарба”. Вашингтон нега Пекин Олимпиадасига дипломатик бойкот эълон қилди

Европа Иттифоқи Вагнер гуруҳига қарши санкциялар жорий этди

Британия ҳукумати Омикрон штамми кунига 200 минг кишига юқаётганини билдирди

Ушбу мавзуларни тинглаш учун қуйидаги линкни юклаб олинг:

https://t.me/bugunuz/44504 Ochish/sharhlash

2021-12-14 19:01:42 Шароф Убайдуллаев: Депутатни тириклайин кўмдилар ёки Ҳокимлар фитнаси

Навбатдаги ЭКСКЛЮЗИВ OzodNazar суҳбатни ҳозироқ Озодликнинг YouTube каналида кўринг

Кўриш учун линк



Публицист Шароф Убайдуллаев OzodNazarнинг бугунги сонида депутат Феруза Бабашева билан боғлиқ можаронинг сабаб ва оқибатлари ҳақида куюниб гапирди.

Шароф акадан соқол масаласиниям сўрадик: имомлар сўз эркинлигидан фойдаланиб, ўз қарашларини жамоатчиликка айтяпти. Улар қавмга “Соқол қўймасанг иймондан чиқасан”, деяпти. Бунинг учун уларга биров бир нарса деяётгани йўқ. Бироқ имомларнинг ўгитларига қулоқ солган қавмнинг соқоли мажбуран олиняпти.

Қани бу ерда мантиқ? Дўппи масаласини ҳам сўрадик кўрсатув меҳмонидан.

https://t.me/ozodlikkanali kanaliga obuna bo'ling!

Bizga xabar yo'llash uchun @ozodnews Ochish/sharhlash

2021-12-14 18:30:24 https://bit.ly/31QMA3w Ochish/sharhlash

2021-12-14 18:00:18 Кўзи ожизлар: “Томи қулаётган бинода яшашга маҳкуммиз!”

Тошкентнинг Чилонзор туманида жойлашган кўзи ожизлар ётоқхонасидан Озодлик радиосига мурожаат қилган ётоқхона турғунлари унинг абгор аҳволидан шикоят қилишди. 1964 йилда қурилган ётоқхона 2004 йилга қадар кўзи ожизлар жамияти тасарруфидаги собиқ Тошкент ўқув ишлаб чиқариш комбинатига қарашли бўлган.

1966 йилги Тошкент зилзиласидан омон қолган бино Кейинги 4 йил у ЎзКОЖ (Ўзбекистон кўзи ожизлар жамияти) марказий бошқаруви тасарруфида бўлган ва 2008 йили Тошкент шаҳар бўлими қарамоғига ўтказилган. Аммо бу бўлимнинг бинони ҳатто таъмирлаб туришга молиявий имкониятлари етарли эмас.

Ётоқхонада яшовчилар бино оилавий яшашга мослашмагани, барча хўжалик фойдаланиш тизимлари ҳозирги кунда авария ҳолатида эканини ва уларнинг ҳаёти хавф остида эканини гапирмоқда.

https://t.me/ozodlikkanali kanaliga obuna bo'ling!

Bizga xabar yo'llash uchun @ozodnews Ochish/sharhlash

2021-12-14 17:41:53 Time журнали Илон Маскни “Йил одами” деб эълон қилди

АҚШда чиқадиган Time журнали АҚШлик таниқли тадбиркор ва муҳандис, SpaceX ва Tesla ширкати етакчиси Илон Маскни “Йил одами” дея эълон қилди.

https://t.me/ozodlikkanali kanaliga obuna bo'ling!

Bizga xabar yo'llash uchun @ozodnews Ochish/sharhlash

2021-12-14 17:30:49 https://bit.ly/3pSnRUs Ochish/sharhlash

2021-12-14 17:20:43 OzodTa'sir: Қизча оёғи халқ пулига соғайди, раҳматни ҳоким эшитди

Навбатдаги ЭКСКЛЮЗИВ видеони ҳозироқ Озодликнинг YouTube каналида кўринг

Кўриш учун линк



Озодлик ўтган май ойида Қашқадарё вилоятининг Гўзор тумани Гулистон маҳалласида истиқомат қилувчи 5 нафар фарзанди бор Райҳон Холбоева ҳақида ҳикоя қилган эди. Бошидан икки бор инсултни ўтказган Райҳон Холбоева йўқчилик туфайли ногирон фарзанди Кароматни меҳрибонлик уйига беришга мажбур бўлган.

Ногиронлик нафақасига кун кўрадиган ушбу оила ҳақида чиқарилган Озодлик лавҳаси ортидан Гўзор тумани ҳокими Беҳзод Суюнов ҳамда бир қанча маъсуллар оила хонадонида бўлди. Улар Райҳон Холбоевани шифохонага ётқизиш, ишсиз эрини ишга жойлаштириш, ногирон фарзанди Кароматни даволатишдан тортиб уйини таъмирлаб бериш ҳақидаги қатор ваъдаларни беришган эди. Гўзор туман ҳокимлиги матбуот ҳизмати эса ушбу жараён ҳақида 5 дақиқалик видео лавҳани ўзининг Телеграм каналида эълон қилган.

Орадан 6 ой ўтиб Озодлик ушбу оила аҳволидан яна хабар олди. Оила аъзолари Ғузор тумани ҳокими ваъдалари бажарилмасдан қолганини гапирмоқда.

https://t.me/ozodlikkanali kanaliga obuna bo'ling!

Bizga xabar yo'llash uchun @ozodnews Ochish/sharhlash