2022-09-07 17:36:16
ИШҚ...
Ҳақиқий СЕВГИ манфаатлар тугагунча эмас, умрлар тугагунча давом этадиганидир.Бир жуда қаттиқ ҳурмат қиладиган акахоним бўларди, аёлини жуда қаттиқ севарди.
У аёлини қизлик вақтидан севган, аммо камбағаллиги учун қизни отаси уни бошқасига бериб юборган, бироқ ишқ тугамаган, бир муддат ўтиб севганини турмуши бузилиб битта бола билан ота уйига қайтади, акамиз бўйдоқ ҳолига жувонни хотинликка сўраб яна бой оила остонасига боради.
Улар турмуш қуришади, аммо атрофдагилар бойлик учун уйланди деган гап сўзларга чидай олмай чекка ҳудудга кўчиб кетади.
Улар жуда оғир аҳволда яшашарди, раҳмим келарди ёрдам берай десам ўшанда ўзим ёрдамга муҳтож талаба эдим.
Аммо улар қийинчиликни сезмайдиган даражада бахтдан маст эдилар.
Уларга ҳавасим келарди.
Севги билан қорин тўймайди деган нақллар уларга бегона эди,
мен умрим давомида кўрган ишқдан тўйганидан йўқчиликни ҳис қилмаган ягона жуфтлик айнан шу оила эди.Ҳақиқатда бир-бирини Лайли ва Мажнунданда ортиқроқ севишарди.
Оғир ва қора меҳнат сабаб акамиз касаллик ортириб олди, аёли эса ўзи қийналиб эрини дардини сездирмай рўзғор тебратди.
Ташлаб кетмади, нолимади шу ҳолида ҳам жонини бериб севди.
Ўтган йил акамиз оғир касалликдан вафот этди, аёли 1 йил ичида сўлиб қолди.
Севганини йўқотганига чидай олмади.
Яқинда эшитдим аёллари ҳам вафот этибди, рости ичим ачишди.
Ҳаёт уларни керагидан ортиқ синади, аммо уларнинг севгиси бу синовларни писанд қилмади, сўнмади ҳам.Улар у дунёда ҳам топишишларига ишонаман чунки улар жисм билан эмас манфаат билан эмас руҳлари билан ошиқ эдилар бир-бирларига.
Уларнинг умри қисқа бўлди аммо ишқи узун эди.
Ва бу ИШҚ ҳамон давом этаётганига ишонаман.
Умрлар тугайди, манфаатлар ҳам аммо ҳақиқий ИШҚ тугамайди.
Мен учун бу жуфтлик чин севгига қўйилган ҳақиқий ҳайкалдир.
Охиратлари обод бўлсин
Artìkoff Live
4.6K views14:36
О
