📚ONA TILI — MILLAT RUHI.🌿 O‘ZBEKISTON FILOLOGLARI🕊

2022-09-04 19:01:13 Дарсликлар ҳақида

Мактаб дарсликлари анча йиллардан буён ижарага олинарди. Буни ҳамма билади. Ва деярли эътироз бўлмаган ҳам.

Аммо бугунги кунда мазкур мавзу кенг муҳокамаларга сабаб бўляпти. Нега?

Чунки аслида муаммо ижара ҳақининг мавжудлигида эмас, балки нархнинг ҳе йўқ, бе йўқ, 2 баравар ошиб кетганида бўлди. Ва бунинг ортидан “ўзи нега дарсликларга пул тўланяпти?”, деган саволлар берилмоқда, дарсликларни чоп этувчи типографиялар ўрганиш бошланди. Ҳаммаси яхши, жамоатчилик назорати бўлиши керак.

Аммо мавзудан чалғимасдан айнан ижара нархи ҳақида тўхталадиган бўлсам, бундай кескин даражада ошган нарх халқ учун оғирлик қилади. Кутилмаганда уларнинг чўнтагига берилган зарба бўлиши шубҳасиз. Боз устига айрим синфларнинг дарсликлари умуман янгиланмаган, аммо уларда ҳам нарх ошиб кетган. Буниси энди 2 ҳисса адолатсизлик бўлди.

Бундай нарх сиёсати одамларда дарсликларнинг янгиланишига қарши салбий таассурот уйғотади. “Ҳе, янгиламай ҳар бало бўлгурлар, ундан кўра болам эски дарсликда ўқигани яхши эди” дейишади. Бу эса таълимга катта зарба бўлади. Сабаби барчамизга маълумки, шу кунгача яратилган дарсликларнинг аксарияти сифатсиз бўлган. Бунақа дарсликлар билан замонавий фикрловчи ёшларни тарбиялаш қийин. Шу сабаб дарсликлар бирин-кетин, босқичма-босқич янги авлод дарсликларига тўлиқ янгиланмоқда.

Лекин ижара нархининг 2 баравардан кўпроқ ошиши мана шу қилинаётган катта ҳажмли ишларни сўроқ остида қолдиради, халқда нафрат пайдо қилади.

Шу сабабли дарслик ижарасининг нархларини ўтган йилдагидан ошмайдиган қилиб, мораторий эълон қилиш, етмаётган қисмини эса давлат бюджетидан қоплаш керак.

Ёки иккинчи каттароқ йўл: дарсликларни бутунлай текин қилиб қўйиш, ҳамма харажатларни давлат бюджетидан қоплашдек инқилобий қадамни қўйиш керак. Аммо буни пухта ўйлаб кўриш, мутахассислар билан батафсил маслаҳатлашиш керак. Чунки ниманидир тўлиқ текин қилиш қулоққа жуда ёқадиган гап бўлса ҳам, аммо иқтисодий жиҳатдан ушовидан тушови қиммат бўлиши, бюджет талон-торожига сабаб бўлиб, якунда халқ гарданига ҳозиргидан ҳам кўпроқ бадал тушиши хавфи ҳам йўқ эмас.

Майли, иккинчи вариант бўладими, йўқми, билмадиму, аммо ҳар қанақа вазиятда ҳам камида биринчи вариант қўлланиши шарт ва зарур. Бу белгиланган нарх ўз кучида қолиши мумкин эмас.

Шавкат Мирзиёев Мустақиллик байрамида сўзлаган нутқида олдимизда турган энг асосий 5 та вазифани санар экан, биринчи бўлиб айнан ТАЪЛИМ, ТАЪЛИМ ва яна ТАЪЛИМ дея таъкидлаганди. Шунингдек, дарсликлар янгиланиши ҳақида ҳам фикрлар билдирди.

Шундай экан, бошқа айрим соҳаларга бебилиска маблағ сарфланаётган бир вақтда, халқ таълимидан ва дарсликлардан пулни қизғониш нотўғри бўлади.


@xushnudbek Ochish/sharhlash

2022-09-04 18:02:23 Abituriyentmisiz?
Onlayn tarzda ONA TILI VA ADABIYOT fanini o’rganishni istaysizmi?

Youtube tarmoqlaridagi darslari orqali minglab insonlarga ta’lim bergan Naziraxon Rashidova o’zining ONLINE_KURSLARIGA START beradi.

Natijalar va to’lovlar bo’yicha ushbu guruhda ma’lumotlar olishingiz mumkin:
https://t.me/+jPxjZUOZ8nY3Y2My

Ro’yxatdan o’tish uchun: @NaziraxonRashidova

Darslar 5-sentyabrdan boshlanadi. Shoshiling, guruhimiz to’lib qolishi mumkin.
Joylar soni cheklangan. Ochish/sharhlash

2022-09-04 15:42:25 #Сўраган_эдингиз

Нима сабабдан мактаб дарсликлари ўқувчиларга ижара асосида берилади?

Бунинг сабаби шундаки, ота-она дарсликни кўчадан харид қиладиган бўлса бу унга жуда ҳам қимматга тушади. Агар ота-оналар барча дарсликлар тўпламини бошқа жойлардан харид қиладиган бўлса, уларни мактаб кутубхонасидан бериладиган суммадан 10-15 баробар қиммат нархга олишига тўғри келади.

Нима учун бу йил дарсликлар ижараси 2-3 баробарга ошиб кетти? Ахир дарсликлар тўпламида эскилари ҳам борку.

Айрим сабабларга кўра қоғоз нархи бу йил 60-70 фоизга ошиб кетти. Бу ўз навбатида дарсликларни чоп этиш учун ҳаражатларнинг ҳам ошиб кетишига сабаб бўлган.

Кейинги саволга келадиган бўлсак, тўғри дарсликлар тўпламида эскилари ҳам бор. Лекин дарслик нархининг умумий харажати бола сонига бўлинади. Фақат янгиланган китобларнинг ўзига қўшимча нарх қўйилса, баъзи дарсликларнинг нархини ҳозирги суммадан ҳам 2-3 баробар қимматроқ этиб белгилашга тўғри келади. Шунинг учун тенг тақсимлашга ҳаракат қилинган.

Мактабларда дарсликларни ижарага беришда аҳолининг ижтимоий заиф қатламлари ҳам инобатга олинадими?

Ҳа инобатга олинади. Ижтимоий ёрдамга муҳтож бўлган оилалардаги ўқувчилар умумтаълим мактаби кутубхона жамғармаси томонидан дарсликлар тўплами билан бепул таъминланади.

Қуйидаги фуқаролар дарслик ижара тўловидан озод этилади:

Биринчи синф ўқувчилари;

“Ижтимоий ҳимоя ягона реестри” ахборот тизимига киритилган оилаларнинг фарзандлари;

“Меҳрибонлик уй”лари тарбияланувчилари;

Жисмоний ёки руҳий ривожланишида нуқсони бўлган болалар учун ихтисослаштирилган мактаб ва мактаб-интернатлари ўқувчилари.

https://t.me/ONA_TILIM_MILLAT_RUHI Ochish/sharhlash

2022-09-04 15:42:25 ​​Дарсликлар тўпламларининг ижара нархлари нега қимматлашди?

Хабарингиз бор, 2022-2023 ўқув йили учун дарсликлар тўпламларининг ижара нархлари маълум қилинди. Аммо ижара нархларининг кескин оширилгани жамоатчилик орасида кескин муҳокамаларга сабаб бўляпти.

Хабарингиз бор, бу йил дунё бозорида қоғоз нархи 2022 йилнинг ўзида 60-70 фоизга ошиб кетти. Бу эса дарсликларни чоп этиш учун ҳаражатларнинг ҳам ошиб кетишига олиб келган.

Ўтган йили дарсликлар тўпламларининг ижара нархлари 32 минг сўмдан 54 минг сўмгача бўлган миқдорни ташкил этган. Бу йил эса 68 минг сўмдан бошланиб, 119 минг сўмгача бўлган миқдорни ташкил этяпти.

Халқ таълими вазирлининг маълум қилишича, ижара тўлови миқдорлари дарсликлар учун амалга оширилган харажатлардан келиб чиқиб, бир дона дарслик учун ягона суммасини  тўпламдаги дарслик ва машқ дафтарлари сонига кўпайтириш йўли орқали белгиланади. Бунда ягона сумма барча синф ва таълим тиллар учун бир хил этиб белгиланади.

Жорий ўқув йилида ўртача бир дона дарслик (машқ дафтари) учун ягона ижара тўлови 5 707 сўмни ташкил этмоқда ва ўтган ўқув йилидаги миқдор (2 740 сўм)га нисбатан 2 967 сўмга (108%) ошган.

Истаймизми йўқми ижара нархларини камайтиришнинг энди имкони бўлмаса керак. Чунки дарсликлар чоп этиш учун ҳаражатлар сарф қилиб бўлинган. Бу тўловларни ота-оналардан йиғиб олишда эса анчагина муаммолар чиқиши табиий ҳол.

Шу сабабли ота-оналарга бу вазиятни тўғри тушунтириш учун кенг жамоатчилик вакиллари ҳам ёрдам бериши керак. Шунингдек, 3-4 фарзандли ота-оналар учун ушбу тўловларни амалга оширилишни бироз ортга суриб туриш ҳам мақсадга мувофиқ.

Шу ўринда ҳудудий ҳокимликлар ҳам шароити оғир, кўп фарзандли ота-оналарга ҳомийларни жалб қилган ҳолда (ёки бошқа манбалар ҳисобидан) дарсликлар учун ижара тўловларини тўлашга ёрдам берса яхши бўларди.

https://t.me/ONA_TILIM_MILLAT_RUHI Ochish/sharhlash

2022-09-04 14:25:46 Diqqat e'lon!

Ona tili va adabiyot fanidan 5-,8-,9-,11-sinflarning kundalik,com saytiga joylashtirishga mo‘ljallangan uyga vazifalari bilan excel faylidagi tayyor ish rejalar mavjud.
Murojaat uchun

@jamoliy

6-,7-sinfniki faqat excel faylida ish rejalari bor(bu sinflarniki uyga vazifalari tayyor emas). Ochish/sharhlash

2022-09-04 12:57:18 KUNDALIK.COM BO‘YICHA YO‘RIQNOMA.


Kanalimizga a'zo bo‘ling
@ona_tilim_millat_ruhi Ochish/sharhlash

2022-09-04 12:46:39 Kanalimizga a'zo bo‘ling
@ona_tilim_millat_ruhi Ochish/sharhlash

2022-09-04 09:02:39 ТЎРТ ТЎРТЛИК

Қуёшга боқинг – юлдузни кўргайсиз,
Япроққа қаранг – илдизни кўргайсиз.
Моҳият ботинда яшар пинҳона,
Шеъримизни ўқинг – бизни кўргайсиз

* * *
Кеча майхонага киргандим бир бор,
Маст экан, деб бадном қилишди бекор.
Ичмай туриб кўзим тинди, чайқалдим:
Тиниқ майда аксинг кўринганди, ёр...

* * *
Гумондан қутулдим – иймонни топдим,
Шайтондан қутулдим – имконни топдим.
“Кесмасанг – қонамас”, дейди донолар,
Жаҳондан қутулдим – жононни топдим.

* * *
Руҳ ва тан жизғанак нур талошида,
Кўнгил қуёш бўлмиш фалак бошида.
Танга – дор сиртмоғи, руҳга – мангулик,
“Аналҳақ” айтарман Мансур қошида.

Абдунаби ҲАМРО

Уланиш учун: https://t.me/ONA_TILIM_MILLAT_RUHI Ochish/sharhlash

2022-09-04 08:59:07 Умид
//t.me/ONA_TILIM_MILLAT_RUHI Ochish/sharhlash

2022-09-04 08:59:07 https://t.me/ONA_TILIM_MILLAT_RUHI Ochish/sharhlash