Notarius_Info / Uyda qoling

2021-06-06 18:29:48 ҚАМОҚДАГИ ШАХСДАН ҚАНДАЙ ҚИЛИБ ИШОНЧНОМА ОЛИШ МУМКИН?

@Notarius_info 23-савол:

Assalomu alaykum hurmatli Notarius_info hodimlari. Savolim shundan iboratki, men oilamizga tegishli bòlgan kòchmas mulkni Davlat Xizmatlari Markazi orqali ròyhatdan òtkazmoqchi edim (O'zbekiston Respublikasi Vazirlar Mahkamasining 2018 yil 29 dekabrdagi “Ko'chmas mulk ob'ektlariga bo'lgan huquqlarni davlat ro'yxatidan o'tkazish tartibini takomillashtirish chora-tadbirlari to'g'risida”gi 1060-son qarori), uy-joyimiz dadamni nomida, ròyxatdan òtkazish uchun dadamni pasportining asl nusxasi kerak ekan,afsuski hozirgi kunda dadamlar Jazoni ijro etish koloniyasida( ozodlikdan mahrum qilingan) Bu holatda men qanday qilib uy joyimizni ròyxatdan òtkazsam bòladi? Davlat Xizmatlari Markazida bosh xodim menga shunday dedi—dadangizning oldiga borib uy-joyni oila a'zolaringizning birontasiga davernes (ishonchnoma) qildirib kelasiz dedi, notariusdan tasdiqlangan holatda bòlsin dedi. Jazoni ijro etish koloniyasida notarius mavjudmi?
Men bunday vaziyatda qanday qilib qaysi yòl bilan uy-joyimizni ròyhatdan òtkazsam bòladi?
Dadamning òrniga, onamlar ariza bergan holda ròyhatdan òtkazsak bòlmaydimi? Iltimos batafsil tòliqroq yordam bering.

НОТАРИУС ЖАВОБИ:

Марказ ходимининг гаплари тўғри.

Бу вазиятда уйни рўйхатдан ўтказиш учун ишончнома керак бўлади.

Фуқаролик кодексининг 134-моддасига кўра бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланади.

Эътибор беринг! Ишончнома оддий ёзма шаклда ёки нотариал шаклда расмийлаштирилиши кераклиги ушбу кодекс 135-моддасида қайд этилган.

Бу қоиданинг мазмунига кўра уйни расмийлаштириш учун дадангиз сизга нотариал тасдиқланган ишончнома бериши керак бўлади.

Шу вазиятда саволингиз жуда ҳам ўринли. “Жазони ижро этиш колониясида нотариус мавжудми?” Йўқ мавжуд эмас.

Бироқ унинг ўрнини босувчи шахс бор. Бу Жазони ижро этиш муассасаси бошлиғидир.

Қаранг! ФК 136-моддасида қайд этилишича озодликдан маҳрум қилиш жойларида бўлган ёки қамоқда сақланаётган шахсларнинг тегишли муассасалар бошлиқлари томонидан тасдиқланган ишончномалари нотариал тасдиқланган ишончномаларга тенглаштирилади.

Ўзбекистон Республикаси адлия вазирининг 2011-йил 25-майдаги 111-мҳ-сон буйруғига илова билан тасдиқланган “Нотариал тасдиқланган ҳужжатларга тенглаштириладиган васиятномалар ва ишончномаларни тасдиқлаш тартиби тўғрисида”ги ЙЎРИҚНОМА 24-бандига асосан мансабдор шахс бир ёки бир неча шахс номидан бир ёки бир неча шахс номига ёзилган ишончномаларни тасдиқлайди.

Бунда ишончнома матнида унинг тузилган (имзоланган) жойи ва санаси, ишонч билдирувчи ва ишончли вакилнинг фамилияси, исми, отасининг исми, доимий рўйхатга олинган манзили, ишончли вакилга берилаётган ваколатлар доираси, Ўзбекистон Республикаси Фуқаролик кодексининг 141 ва 142-моддалари тушунтирилганлиги кўрсатилиши керак.

Юқоридагилардан кўриниб турибдики, сиз уйни расмийлаштириш учун ишончномани ёзма равишда отангиздан олишингиз бу ЖИЭМ бошлиғига уни тасдиқлатишингиз керак.

Нотариусга савол юбориш

Қўнғироқ орқали нотариус билан ҳозироқ онлайн боғланиш

Барча турдаги ҳужжатларга буюртма бериш

Расмий каналга уланиш Ochish/sharhlash

2021-05-16 21:26:30 ВАФОТ ЭТГАН ФАРЗАНДИМНИНГ МОЛ МУЛКИНИ ҚАНДАЙ РАСМИЙЛАШТИРСАМ БЎЛАДИ?

@Notarius_info 22-савол:

Ассалому алейкум. Саволим қуйдагича. 2020 йил ўғлим Тошкент шаҳридан эски қурилган квартирадан сотиб олиб Тошкент шаҳрида руйхатдан ўтган оиласи вақтинча ўтган бўлиши керак. Ўғлимни бир ва уч ешли қизи бор. Муаммо шундаки, ўғлим 2021 йил вафот этди. Қандай қилиб квартирани ўғлимнинг вояга етмаган қизи номига ёки ўзимнинг номимга ёки бўлмаса фарзндларим номига ўтқазсам булади?

НОТАРИУС ЖАВОБИ:

Бундай ҳолда сизга ушбу мол-мулкни ўғлингизни фарзанди ёки ўзингизни номингизга расмийлаштиришингиз учун Вазирлар Маҳкамасининг 2018-йил 29-декабрдаги 1060-сон қарорига 1-ИЛОВА
"Кўчмас мулк обектларига бўлган ҳуқуқларни давлат рўйхатидан ўтказиш тартиби тўғрисида"ги НИЗОМнинг нотариал тартибда тасдиқланган мерос қилиб олиш ҳуқуқи тўғрисидаги гувоҳнома асос бўлади.

Бундай гувоҳнома агарда васиятнома мавжуд бўлса, васият бўйича ворисга берилади.

Агарда васиятнома мавжуд бўлмаса, биринчи навбатдаги меросхўр(лар)га берилади.

Фуқаролик кодексининг 1135-моддасига биноан мерос қолдирувчининг болалари (шу жумладан фарзандликка олинган болалари), эри (хотини) ва ота-онаси (фарзандликка олувчилар) тенг улушларда қонун бўйича биринчи навбатдаги ворислик ҳуқуқига эга бўладилар.

Лекин бундай ҳолатда мол мулк ушбу ворислар ўртасида тенг тақсимланади, яъни фақат ўзингизни ёки фақат ўғлингизнинг фарзанди номига расмийлаштира олмайсиз.

Нотариусга савол юбориш

Қўнғироқ орқали нотариус билан ҳозироқ онлайн боғланиш

Барча турдаги ҳужжатларга буюртма бериш

Расмий каналга уланиш Ochish/sharhlash

2021-05-16 21:22:14 УЙ СОТГАНДИМ СОЛИҚ ТЎЛАЙСАН ДЕЙИШЯПТИ, ШУ ТЎҒРИМИ?

@notarius_info 21-савол:

Ассалому алейкум!
Уй олди сотди бўйича саволим бор эди, Биз ўтган йили бохорда 670.000 млн сўмга (кадастр қиймати эса 45.000.000 сўм бўлган) эскиро уй сотиб олдик,
Ва бузуб қайта қуриб битказдик кадастр қиймати 423.000.000 кўтарилди, ва ўтган йили қишда 1.050.000 сотдик. Шу кунларда энди налог хисоблашвотти даромад солиғи деб шу тўғрими?

НОТАРИУС ЖАВОБИ:

Ҳа шундай. Солиқ кодекси (янги таҳрирдаги) 378-моддасида солиқ тўловчи жисмоний шахсларнинг солиқ солинмайдиган даромадлари белгиланган. Яъни жисмоний шахс шу моддада назарда тутилган даромадларидан даромад солиғи тўламайди.

Улар қаторида солиқ тўловчиларга хусусий мулк ҳуқуқи асосида тегишли бўлган мол-мулкни сотишдан олинадиган даромадлар ҳам мавжуд.

Бироқ ўттиз олти календар ойдан кам муддатда солиқ тўловчининг мулкида бўлган турар жойларни сотишдан олинган даромадлар бундан мустасно.

Ушбу қоидани соддароқ тушунтирадиган бўлсак, сиз 2020 йилда 150 млнга турар жой сотиб олиб, уни 2022гача олинган нархдан юқорироқ нархга сотган бўлсангиз, унда сиз олинган даромад миқдоридан келиб чиқиб даромад солиғи тўлашингиз шарт.

Сиз саволингизда уйни ўткан йили (2020 йил) йилда олганлигингизни ва уни шу йилда сотганлигингизни ёзгансиз.

Шундай экан сизнинг уйни сотишдан олган фойдангиз солиққа тортилади. Чунки уй сизнинг номингизга ўтгандан кейин 1 йил ичида қайта сотилган (гарчи уни қайта қурган бўлсангиз ҳам).

Энд қаранг! Юқоридаги кодекс 375-моддаси биринчи қисми 4-бандига мувофиқ солиқ тўловчига мулк ҳуқуқи асосида тегишли бўлган мол-мулкни реализация қилишдан олинган даромадлар мулкий даромад ҳисобланади ҳамда бу даромад жисмоний шахснинг жами даромадлари таркибига киритилади ва бу солиқ солиш объекти саналади.

Эътибор беринг! Мол-мулкни реализация қилишдан олинган даромадлар мазкур мол-мулкни реализация қилиш суммасининг ҳужжатлар билан тасдиқланган уни олиш қийматидан ошган қисми сифатида аниқланади.

Мазкур қийматни тасдиқловчи ҳужжатлар мавжуд бўлмаган тақдирда, мол-мулкни реализация қилиш қиймати, кўчмас мулк бўйича эса – кадастр қиймати ҳамда реализация қилиш нархи ўртасидаги ижобий фарқ даромад деб эътироф этилади.

Қисқача айтганда, сиз ўзингизга тегишли бўлган мулкни уни олган нархингиздан (ёки қуриш, таъмирлаш учун сарфлаган нархингиздан) ошиқ нархга ёҳуд унинг кадастр қийматидан ошиқ нархга сотсангиз,улар орасида фарқ солиқ солиш базасига кирилади.

Бунда сиз 12% даромад солиғи тўлашингиз керак бўлади.

Нотариусга савол юбориш

Қўнғироқ орқали нотариус билан ҳозироқ онлайн боғланиш

Барча турдаги ҳужжатларга буюртма бериш

Расмий каналга уланиш Ochish/sharhlash

2021-04-19 19:54:30 ҚАРИНДОШИМ ИШОНЧНОМА БЕРСА, ЯТТ'ДА УНИНГ НОМИДАН ҲАРАКАТ ҚИЛСАМ БЎЛАДИМИ?

@notarius_info 20-савол:

Ассалому алейкум саволим қуйидагилардан иборат. Менинг яқин қариндошим вилоятда доимий пропискаси бор 2 гурух ногирони Тошкент шахрида якка тартибда тадбиркорлик фаолиятини юритмоқчи. Мени ( мен Тошкент шахрида яшайман ва пропискам шу ерда) ЯТТ га ишчи қилиб олмоқчи ва менга молиявий хатти харакатларни амалга оширишим учун яни Тошкент шахри банклар да хисоб рақам очиш ва онлайн касса апаратларини харид қилишим учун ишончнома расмийлаштирмоқчи. Юқоридаги хатти харакатлар қонунийми яқин қариндошим вилоятда мен Тошкент шахрида яшасам қай тарзда амалга оширса бўлади. Ишончнома натариус орқали расмийлаштириладими? Илтимос аниқ қонуний асосланган холда тез орада жавоб беринг.

НОТАРИУС ЖАВОБИ:

Бу ҳаракатларни амалга оширишга ҳеч қандай чеклов йўқ.

Қариндошингиз бемалол ЯТТ очиши ва сизни ишга ёллаши мумкин. Бунинг учун,аввало, сиз билан меҳнат шартномаси тузиши керак бўлади.

Вазирлар Маҳкамасининг 2015-йил 31-июлдаги 219-сон қарорига 1-иловада тасдиқланган “Хусусий тадбиркорлар томонидан ходимларни ёллаган ҳолда тадбиркорлик фаолиятини амалга ошириш тартиби тўғрисида”ги низом бунга йўл қўяди.

Яъни ЯТТ (хусусий тадбиркор)га ходим ёллаш ҳуқуқи ушбу низом орқали берилган.

Қуйидаги илова орқали хусусий тадбиркор ва ходим ўртасидаги меҳнат шартномаси наъмунаси билан танишишингиз мумкин:
Ана энди ишончнома ҳақида тушунтириш бериб ўтамиз.

Фуқаролик кодекси 134-моддасида бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланиши келтирилган.

Бунда ишончли вакил ўзига ишончнома билан берилган ваколатлар доирасида иш олиб боради.

Бундан кўриниб турибдики, қариндошингиз сизга ишончли вакил сифатида ишончнома берадиган бўлса,сиз ушбу ишончномада белгиланган ҳаракатларни қариндошингиз фойдасига бажаришингиз керак.

Эътибор беринг!Ишончнома оддий ёзма шаклда ёки нотариал шаклда расмийлаштирилади (ФК 135-м).

Шунингдек,нотариал шаклни талаб қилувчи битимларни тузиш ёхуд юридик шахсларга нисбатан ҳаракатларни амалга ошириш учун берилган ишончнома нотариал тасдиқланган бўлиши керак.

Сиздаги вазиятда ҳам Банкдан ҳисобрақам очиш, онлайн касса аппарат олиш учун нотариал тартибда тасдиқланган ишончнома керак бўлади.
Нотариат тўғрисидаги қонун 47-моддасига мувофиқ нотариуслар бир ёки бир неча шахс номидан бир ёки бир неча шахс номига ёзилган ишончномаларни тасдиқлайди. Бунда ишончномани тузиш ва тасдиқлаш учун ишончли вакилнинг иштироки талаб этилмайди.

Ушбу қоида Нотариуслар томонидан нотариал ҳаракатларни амалга ошириш тартиби тўғрисидаги Йўриқнома (рўйхат рақами № 3113) 94-бандида келтирилган.

Қоиданинг мазмунига кўра қариндошингиз ўзи нотариусга борган ҳолда сизга ишочнома бериши мумкин.Сизнинг у ерга боришингиз шарт эмас.

Шунингдек, ишончли вакил ҳақидаги, шунингдек ишончнома объекти ҳақидаги маълумотлар ишончнома берувчи томонидан тақдим этилган ҳужжатлар ёки унинг сўзларига асосан ёзилиши мумкин.

Шундай экан, сиздаги вазиятда қариндошингиз сизга ишончнома бериш учун сиз ҳақингиздаги маълумотларни ўзи тақдим этади (паспорт нусхаси етарли).

Ишончнома тасдиқлангач сиз қариндошингиз номидан иш юритишингиз мумкин бўлади.

Нотариусга савол юбориш

Қўнғироқ орқали нотариус билан ҳозироқ онлайн боғланиш

Барча турдаги ҳужжатларга буюртма бериш

Расмий каналга уланиш Ochish/sharhlash

2021-03-19 20:55:33 Вояга етмаган болалар ҳам хусусий мулк эгаси бўлиши мумкинми?

Батафсил http://hudud24.uz/?p=26571

Каналга уланиш
https://t.me/hudud24official

Telegram | Facebook | Twitter | YouTubе Ochish/sharhlash

2021-03-15 18:20:07 #Ўрганиш_натижаси

Ҳуқуқий онг ва ҳуқуқий маданият: жамоатчилик қандай фикрда?

Батафсил http://hudud24.uz/?p=26440 Ochish/sharhlash

2021-03-15 16:08:23 Хусусийми ёки давлат нотариуслари: қай бири ишончли?

Батафсил http://hudud24.uz/?p=26464

Каналга уланиш
https://t.me/hudud24official

Telegram | Facebook | Twitter | YouTubе Ochish/sharhlash

2021-03-14 11:26:55 #Биласизми

Ҳашар мажбурий меҳнат ҳисобланмайди Ochish/sharhlash

2021-03-12 17:04:33 ХУСУСИЙ НОТАРИУСЛАР ҚАНДАЙ АФЗАЛЛИКЛАРГА ЭГА?
Бундан икки-уч йил олдин нотариуслар фаолиятида қонунийликни таъминлаш энг долзарб муаммолардан бири эди. Чунки аҳолининг энг кўп иши тушадиган ва айни вақтда одамлар энг кўп норози бўлган тизим – бу нотариат соҳаси бўлгани сир эмас.
Узундан-узоқ навбатлар, ортиқча пул ундириш, қоғозбозлик каби одамларни қийнайдиган иллатлар нотариал соҳага ҳам бегона эмас эди. Бу муаммолар ҳали-ҳануз ижтимоий тармоқларда акс этиб турибди.
2020 йилдан барчаси тубдан ўзгарди.
Батафсил Ochish/sharhlash

2021-03-12 08:55:52 http://hudud24.uz/ishlaringiz-%d2%9bonuniy-b%d1%9elsa-%d2%9b%d1%9er%d2%9bmaysiz/ Ochish/sharhlash