2023-05-01 15:23:26
Koreya Respublikasida vaqtinchalik mehnat faoliyatini amalga oshirish istagida boʻlgan fuqarolar diqqatiga!
Koreya Respublikasi Inson resurslarini rivojlantirish xizmatining O‘zbekistondagi "EPS" markazi tomonidan berilgan UZEPS-23-03-sonli xatga asosan Koreya Respublikasida XIZMAT ko‘rsatish (SERVIS) sohasida vaqtinchalik mehnat faoliyatini amalga oshirish istagida bo‘lgan fuqarolar uchun
joriy yil 2-may (seshanba) bir kun davomida onlayn ro‘yxatdan o‘tish rejalashtirildi.
Shuni inobatga olib, nomzodlardan test imtihoniga kirish uchun
2023-yil 2-may kuni davomida Milliy bankning mobil ilovasi orqali (Milliy bank shoxobchalariga bormasdan) toʻlovni amalga oshirgan holda onlayn roʻyxatdan oʻtishi mumkin.
Royxatga olish jarayonida nomzodlar soni
3729 nafarga etgandan so‘ng to‘xtatiladi.
Roʻyxatdan oʻtish uchun xorijga chiqish pasporti boʻlishi shart.
Eps-topik test imtihonida qatnashish uchun:
1. Oʻzbekiston Respublikasi fuqarosi;
2. 18 yoshga toʻlgan (2005-yil 1-may sanasidan oldin tugʻilgan) hamda 40 yoshga toʻlmagan (1983-yil 2-may sanasidan keyin tugʻilgan);
3. Koreys tilini biladigan;
4. Xorijga chiqish uchun ta’qiqi boʻlmagan;
5. Sogʻlom, yuqumli kasallikka chalinmagan;
6. Koreya Respublikasi hududiga kirishga taqiqi yoʻq;
7. Koreya Respublikasida 5 yildan ortiq muddatda ishlamagan;
8. Oʻzbekiston Respublikasida jinoiy javobgarlikka tortilmagan, sudlanmagan boʻlishi lozim.
Onlayn roʻyxatdan oʻtish uchun kerakli maʼlumotlar:
1. Telefon raqami;
2. Xorijga chiqish pasport seriyasi va raqami;
3. Yashash manzili (viloyat, tuman, MFY, koʻcha va xonadon).
Maʼlumotlar lotin alifbosida kiritilishi zarur.
Onlayn roʻyxat uchun yuklanishi lozim boʻlgan hujjatlar:
1. Xorijga chiqish pasportining sifatli rangli elektron shakldagi nusxasi (laminat qilingan tomoni, fayl hajmi 55kb dan 60kb (600x400 piksel) gacha JPG formatida boʻlishi lozim);
2. 3,5x4,5 hajmdagi oq fonli sifatli rangli rasm (fon bilan ustki kiyimning rangi bir xil boʻlmasligi kerak, fayl hajmi 13kb dan 15kb (150x190 piksel) gacha JPG formatida boʻlishi lozim).
Pasport va rasmni yuklash tartibi
Maʼlumotlar xato yuklangan yoki kirtilgan taqdirda test imtihonlarida qatnasha olmasligingiz yoki testdan muvafaqqiyatli oʻtgan taqdiringizda ham viza rad etilishi mumkin. Shuni inobatga olib, nomzodlardan maʼlumotlarni xorijga chiqish pasporti asosida toʻliq va aniq kiritilishi soʻraladi.
Roʻyxatdan oʻtish
Tashqi mehnat migratsiyasi agentligi test imtihonlaridan muvaffaqiyatli oʻtgan fuqarolarni Koreya Respublikasida mehnat faoliyatini amalga oshirishini kafolatlamaydi.
Murojaat uchun: 71 202-33-55
Axborot kanallarimizni kuzatib boring
712 views12:23
N
