2022-01-14 19:30:53
ҚЎЙ (21. 03 — 20. 04)
Бугун идеал ортидан чопишингиз тавсия этилмайди. Тўғри, фикр ва мустақиллик эрки бу яхши нарса, аммо бугунга тўғри келмайди. Сиз бошқаларни тинглашингиз, кузатишингиз, истеъдодингизни ўзгалардан сир тутишингиз талаб қилинади. Пул масаласида тежамкорлик, ақл билан харидларни амалга ошириш заҳирангиз сақланиб қолишини таъминлайди. Кечқурун тоза ҳаво сайрини унутманг. Овқатланиш қоидаларини бузманг. Ўзингизга яхши бўлади.
БУЗОҚ (21. 04 — 21. 05)
15 январда руҳан тушкун кайфият сизни безовта қила бошлаши мумкин. Ё шахсий ҳаётда, ё ишда қандайдир кўнгилсизликлар содир бўлиши лозимдек безовталик қулига айланасиз. Эмоциянгиз шу қадар кучли кечадики, уни жиловлашнинг имкони йўқ. Йўқ, яхшиси, ёлғиз қолинг. Дам олинг. Кўнгилсизликлардан нари бўлинг. Молиявий масалада миянгизда бир гап. Банкдан кредит олиш-у, жимгина яшаш. На илож, бу ҳам сизга зиён етказмайди. Қарз бўлса узилар. Тўғри эмасми?
ЭГИЗАКЛАР (22. 05 — 21. 06)
Ички туғёнларни тинчлантириш учун ақл билан иш тутишингиз лозим. Билинг, жиззакилик, жаҳлдорлик сизга фақат зиён етказади. Ҳар тарафлама зиён етказади. Бу жуфтингиз билан ҳам муносабатларингизни совуқлаштириши мумкин. Янги иш бошлаш учун бугунги кун хайрли кечади. Лекин натижани бугунданоқ кутманг. Вақт бор. Ундан кўра, малакангизни оширинг. Оилангиздаги аҳилликни мустаҳкамланг.
ҚИСҚИЧБАҚА (22. 06 — 23. 07)
15 январ куни негадир ҳис-туйғуларингиз жунбушга келиши кутилмоқда. Сал нарсага йиғлаб ёки аксинча хурсанд бўлиб кетаверишингиз бунинг исботи бўлса ажаб эмас. Аммо бундай эмоция билан узоққа бориш қийин кечади. Дўстларни ёнингизга олиб табиат қўйнига чиқинг. Дам олинг. Ҳаво алмаштиринг. Оилангиздагиларга ён беринг. Бусиз орангизда катта жанжал келиб чиқиши мумкин. Аҳилликка нима ецин! Саломатлик ҳақида қайғуришни ҳам эсдан чиқариб қўйманг.
АРСЛОН (24. 07 — 23. 08)
Бугун бирлик, меҳр-оқибат сари интилинг. Тақдир инъом этаётган яхшиликлардан воз кечманг. Бундай ҳадялар ҳар куни ҳам берилавермайди. Омадга эришиш учун имкониятларингиз бир олам. Улардан унумли фойдаланишга ҳаракат қилинг. Куннинг иккинчи ярмида дўстларингиздан бири сизнинг манфаатларингизга қарши иш тута бошлаши мумкин. Бунга йўл қўйманг. Курашинг. Тенглик, ҳалоллик ғалаба қилишига эришинг. Асабларни эҳтиётланг. Бардам бўлинг!
ПАРИЗОД (24. 08 — 23. 09)
15 январда сиз энг яқин дўстларингиз ҳимоясидасиз. Шундай экан, қўрқмасдан ҳаракатлар содир этаверишингиз мумкин. Оилали бўлсангиз, жуфтингиз билан муносабатларда жиддий муаммо пайдо бўлишига йўл қўйманг. Нима қилсангиз қилинг, аммо муносабатларни бузманг. Сурункали хасталикка йўлиққанлар саломатлигига алоҳида эътибор қаратишлари лозим бўлади. Дориларни ўз вақтида ичинг. Организмни жисмоний зўриқишга мажбур этманг.
9.6K views16:30
M
