ТАРОЗИ (24. 09 — 23. 10) Кунингиз аъло даражада ва ажойиб ке | 🌟Munajjimlar bashorati ⚡
ТАРОЗИ (24. 09 — 23. 10)
Кунингиз аъло даражада ва ажойиб кечиши кутилмоқда. Муаммоларни бир ўзингиз ижобий ҳал эта биласиз. Бу бир. Иккинчидан, ёнингизда яқин инсонлар ёрдамга шай туради. Учинчидан, моддий аҳволингиз юксак чўққиларда бўлади. Аммо бугунга мўлжаллаган сафарингиз номаълум сабабларга кўра ортга сурилиши мумкин. Кечқурун оиласизлар романтик учрашувни бошдан кечиради.
ЧАЁН (24. 10 — 22. 11)
15 январ куни зиммангизга ўта масъулиятли вазифа юкланади. Сиз меҳр-оқибатни оёқости қилувчиларга меҳр-оқибат кўрсатишингиз лозим. Тўғри, бу сизга алам қилиши тайин. Бироқ Яратганнинг хоҳиши шу. Ажаб эмаски, шундан кейин ёмон ва бад ниятлиларга инсоф-у тавфиқ кирса! Куннинг иккинчи ярмида ўзингиз қаттиқ ишонганлар сизни чув туширишга уриниб кўришлари мумкин. Бундан ташқари, даҳанаки жанжалларни ҳам бошдан кечиришингиз кутилади.
ЎҚОТАР (23. 11 — 21. 12)
Кунингиз анча оғир кечиши кутилмоқда. Қаёқдаги аблаҳлар учун сиз жабр кўришингиз мумкин. Лекин бўш келманг. Ўзингизни улардан юқори қўйишда давом этинг. Ҳақиқатни истаганча эгса бўлади, бироқ синдириб бўлмайди. Аёллар учун бугун косметологга бориш, ёқимли харидлар қилиш, имижини ўзгартириш хайрли ва омадли кечади. Кечқурун шахсий ишлар билан шуғулланинг. Уйқусизликдан азоб чекаётганлар игнали терапия муолажасини олиш ҳақида ўйлаб кўришлари керакка ўхшайди.
ТОҒ ЭЧКИСИ (22. 12 — 20. 01)
15 январда кун сиз учун оғир кечади. Майда бўлса-да, омадсизликлар, муваффақияцизликлар сизнинг бошингизга қулаши мумкин. Ҳушёр туринг. Иш жойингизда раҳбарлар топширган вазифаларни сифатли ва ўз вақтида адо этишга ҳаракат қилинг. Шунда мукофоти албатта нақд бўлади. Спортнинг экстремал турлари билан шуғулланадиганлар учун бугун омад кулиб боқади. Ўзингизни эҳтиёт қилинг.
ҚОВҒА (21. 01 — 19. 02)
Ўзгалар истагини деб эҳтиросларингиз қулига айланишдан сақланинг. Ҳис-туйғуларни жиловлаган ҳолда принсипларингизга содиқ қолинг. Оилавий ҳаётда кучли бардош керак бўлади. Кун давомида ёши улуғ қондошларнинг муаммолари билан шуғулланишингизга тўғри келади. Банклардан катта миқдорда кредит ёки танишлардан қарзга пул олиш фикридан воз кечинг. Жуфтингизни, оила қурмаган бўлсангиз, бўлғуси жуфтингизни қадрланг, асранг, авайланг.
БАЛИҚ (20. 02 — 20. 03)
15 январни жилмайишлар билан қарши оласиз. Чунки жиддий муаммолар кўзга ташланмайди. Лекин саломатлигингизга эҳтиёткорона муносабатда бўлинг. Шамоллаш, грипп юқтиришингиз хавфи сезилмоқда. Олдини олинг. Олис сафарга отланишни режа қилгандингиз. Оилавий муаммолар сафарни ортга суришга мажбур этади. Пул масаласида ҳазилга эрк берманг. Жиддий ёндашинг. Шунда пулсиз қолиб кетмайсиз.
