2023-06-10 18:56:47
ҚЎЙ (21. 03 — 20. 04)
11 июн куни шахсий ҳаётда ҳам, ишда ҳам ёрқин танаффуслар кузатилади. Фақат уларни муносиб қарши олишга тайёр турсангиз бас. Молия масаласида аниқлик муҳим рол ўйнайди. Башарти бугун кимгадир катта миқдорда қарз берадиган бўлсангиз, билингки, яқин орада бу қарзни қайтара олмайсиз. Олис ёки яқин манзилга сафар қилишни режалаштирган бўлсангиз, бошқа кунга қолдиринг. Бугунги сафар яхшилик келтирмайди.
БУЗОҚ (21. 04 — 21. 05)
Кунингиз сиз ўйлаганчалик енгил кечмайди. Баҳсли, жанжалли лаҳзалар тинка мадорингизни қуритиши мумкин. Бироқ уларнинг ортидан ярашишлар ва хуш кайфият кириб келади. Айримлар саломатлигига етарлича эътибор қаратмаслик оқибатида шамоллаб қолиши ҳам эҳтимолдан холи эмас. Энди бу хасталикни зудлик билан йўқ қилиш ниятида бўлинг. Акс ҳолда сурункалига айланиб кетиши ҳеч гап эмас.
ЭГИЗАКЛАР (22. 05 — 21. 06)
11 июн кичик кўнгилсизликлар билан бошланади. Аммо бу молиявий аҳволингизга салбий таъсир ўтказа олмайди. Барибир молияда етти ўлчаб бир кесинг. Шахсий ҳаётингиз бир маромда ўтишда давом этади. Янги танишувлар оила қурмаганларга ҳақиқий романтикани тақдим этиши мумкин. Кечқурун имкон топсангиз, табиат қўйнига чиқиб дам олинг. Овқатланишда таваккалчиликка йўл қўйманг. Режимни бузманг. Меъёрни билинг.
ҚИСҚИЧБАҚА (22. 06 — 23. 07)
Бугун қисқичбақа буржи остида туғилганларнинг аксарияти таътилга чиқиш ва саёҳат ҳақида бош қотира бошлашади. Бош қотиришдан не наф? Оилавий бюджетингизни ҳисобланг-да, чўнтак кўтарса, сафарга отланаверинг. Бугун йирик лойиҳаларни ҳаётга тадбиқ этиш учун қулай имкониятлар пайдо бўлади. Қолиб кетган ишларни охирига етказиш ҳам ёдингиздан чиқмасин. Муҳаббатда барча истакларингиз ҳақиқатга айланади.
АРСЛОН (24. 07 — 23. 08)
11 июн куни сиз ишларни, истаклар ижросини ўлда-жўлда қолдириб кетишдан сақланинг. Айниқса, молия масаласига жиддий муносабатда бўлинг. Муҳаббатда оила қурмаганлар муваффақият қозонишади. Кимдир суйганининг қалбини ва қўлини сўраш, кейин тўй бошлаш ниятида бўлса, дўппини осмонга отаверсин. Бу амаллар хайрли ва омадли кечади. Рўзғордаги муаммоларни ёши улуғ қариндошлар зиммасига юклаб қўйманг.
ПАРИЗОД (24. 08 — 23. 09)
Овқатланишингиз, куч-қувват ва имкониятларни балансда ушлаш ҳамда эмоцияни ўзингизга бўйсундириш бугун асосий вазифангизга айланиши зарур. Моддий аҳволингизни бекитиқча йўллар билан яхшилашга ҳаракат қилманг. Сизга ҳаром йўл билан топилган пуллар юқмайди. Пешона терини тўкинг ва ҳалолингиз бўлсин. Кимлардир руҳий ва маънавий кўмакка муҳтож бўлса, қўлингиздан келганича ёрдам беринг, савобга эга бўлинг.
6.3K views15:56
M
