ТАРОЗИ (24. 09 — 23. 10) 11 июнда иш бўладими, шахсий ҳаётми | 🌟Munajjimlar bashorati ⚡

ТАРОЗИ (24. 09 — 23. 10)

11 июнда иш бўладими, шахсий ҳаётми, қулай имконият туғилдими, дарҳол уни тутиб қолишга ҳаракат қилинг. Шахсий ҳаётингизда кутилмаган ҳодисалар юз бериши мумкин. Бу сиз учун кутилмаган совға бўла қолсин. Яқинларингизнинг муаммоларини ҳам биргаликда бартараф этинг. Улар керак бўлса сизга билганларича маслаҳатлар бериши мумкин. Ишхонада раҳбарлар зиммангизга юклаган вазифаларни ўз вақтида адо этиш пайида бўлинг. Кам бўлмайсиз.

ЧАЁН (24. 10 — 22. 11)

Мақсад, орзу ва эркинлик. Шу уч нарсани ўзингизга шиор деб билинг. Уларни ҳақиқатга айлантириш йўлида олға боринг. Кун давомида қариндошларингиз сизга кутилмаган хушхабар етказишлари кутилади. Хусусий мулк билан машғул дўстларимиз куннинг иккинчи ярмида катта миқдорда дивиденд олишлари эҳтимолга яқин. Саломатликка келсак, ошқозонингиз панд бериб қўйиши мумкин. Дуч келган овқатни еб кетаверишдан сақланинг.

ЎҚОТАР (23. 11 — 21. 12)

11 июн куннинг биринчи ярмида ёқимли ва ўта фойдали харидларни амалга оширишингиз кутилмоқда. Пулингиз етарли. Лекин барибир бир қисмини заҳирада қолдирганингиз маъқул. Бир корингизга яраб қолар. Тўғрими? Оила қурмаганлар орзусидаги инсон билан танишиб, суҳбатлашади. Бу инсон билан суҳбат давомида сира-сира адашмаганингизни ҳис этасиз ва бахтли бўлишингизга бўлган ишончингиз минг карра ортади.

ТОҒ ЭЧКИСИ (22. 12 — 19. 01)

Бугун чин кўнгилдан ишлашингиз учун қулай имкониятлар бир дунё. Иш жараёнида кўплаб ёқимли лаҳзалар ҳамроҳингизга айланади. Молия масаласида фавқулодда қарорлар чиқаришдан тийилинг. Бошқаларни сизнинг манфаатингиз учун ишлашига йўл қўйманг. Неки муаммо бўлса, ўз куч ва имкониятларингизгагина суянинг. Кечқурун хонадонингиз меҳмонга тўлиши мумкин. Хавотирга тушманг, бу меҳмонлар сизга фақат позитив кайфият ҳадя этишади.

ҚОВҒА (21. 01 — 19. 02)

11 июн куни барчанинг диққат марказида бўласиз. Кимлардир сизни меҳмондорчиликка чақириши мумкин. Қарорлар чиқаришда имкониятларингизни ҳисобга олишни унутманг. Ишхонангизда раҳбарлар сизни олқишлашдан, мақташдан тийила олмасликлари тайин. Худди шу нарса мартаба ва лавозимингиз ошиши учун хизмат қилади. Омадингизни берсин! Саломатлигингизни ҳам эътибордан четда қолдирманг.

БАЛИҚ (20. 02 — 20. 03)

Орзулаш, фақат мартабани ошириш ҳақида ўйлайверсангиз, барчасидан маҳрум бўлишингиз ҳеч гап эмас. Оилавий ҳаётингизда жуфтингиз билан орангизда жанжалли вазиятлар юзага келиши мумкин. Рўзғордаги муаммоларни яқинларингиз билан бамаслаҳат бартараф этинг. Асабийлашишдан нари бўлинг. Арзимас сабаблар билан асабни бузаверсангиз, саломатлигингизга путур етади. Атрофдагиларга нисбатан адолатли бўлинг!