2023-04-26 19:11:54
ҚЎЙ (21. 03 — 20. 04)
Бугун қувончли ва ҳаяжонли лаҳзаларни бошингиздан кечиришингиз мумкин. Уларнинг тенг ярми шахсий ҳаётингиз билан боғлиқ бўлса, қолган қисми иш жойингиздаги мавқенгиз ошишига алоқадордир. Кун давомида ташқи таъсирларга берилмаган ҳолда ўзингиз ёқимли вазиятларни ташкил этишга ҳаракат қилинг. Кечқурун рўзғорингизда жиддий муаммолар пайдо бўлади. Аммо бу муаммони оила аъзоларингиз иштирокида тез ҳал эта оласиз.
БУЗОҚ (21. 04 — 21. 05)
27 апрел куни ўзингиз яхши кўрадиган, сизни қадрлайдиганлар даврасида бўлишингиз лозим. Агар эътиборсизлик қилсангиз, кун бўйи иш масаласидаги энг фойдали таклифлардан маҳрум бўлишингиз мумкин. Иш жойингизда кимлардир асабингизга тегиш ниятида атайин жанжалли вазиятни келтириб чиқариши кутилади. Асабийлашишдан сақланинг, акс ҳолда саломатлигингизга путур етади.
ЭГИЗАКЛАР (22. 05 — 21. 06)
27 апрел куннинг биринчи ярмида яқин дўстларингиз ҳақида ёқимли хабарлар эшитасиз. Бу сизга ажойиб кайфият бахш этади ва кун давомида сизни тарк этмайди. Куннинг иккинчи ярмида моддий аҳволингизни яхшилаш билан банд бўласиз. Аммо харажатларни кўпайтирманг, бунинг ўрнига яхши кунлар учун ният қилиб пул йиғишни бошланг. Кечқурун соғлиғингизни эътибор остида ушланг.
ҚИСҚИЧБАҚА (22. 06 — 23. 07)
Юлдузлар 27 апрел куни кайфиятингиз аъло даражада бўлишини ва яқинларингиз билан муносабатларингиз янада мустаҳкамланишини башорат қилишмоқда. Тўғри, кун бўйи ақлий имкониятларингиз билан боғлиқ ишлар кўпаяди. Лекин уларнинг барчасини уддалашга улгурасиз ва албатта моддий манфаат кўрасиз. Кечқурун ёши ўтган қариндошлардан бири билан жиддий суҳбат кутади.
АРСЛОН (24. 07 — 23. 08)
27 апрел куни режаларингиз барбод бўлмаслиги, мақсадга етишингиз учун чексиз куч ва ирода зарур бўлади. Молиявий масалада ҳам тўсиқларга дуч келишингиз эҳтимолдан холи эмас. Дўстлар билан маслаҳатлашинг, улар сизга қўшимча даромад келтирувчи иш топиб беришлари мумкин. Жуфтингиз билан муносабатларингизга кўз тегмасин, аъло даражада бўлади. Саломатликни ўйланг, соғлиққа салбий таъсир ўтказувчи таомларни истеъмол қилманг. Кечқурун қайсидир қўшни сиз ҳақингизда ғийбат тарқатаётганидан хабар топасиз.
ПАРИЗОД (24. 08 — 23. 09)
27 апрел куни саломатлигингизни қатъий назорат остига олинг ва организмдаги арзимаган ўзгаришни ҳам эътиборсиз қолдирманг. Ёғли овқатлар, тамаки маҳсулотлари, спиртли ичимликлар истеъмолидан сақланинг. Кун мобайнида юрак, буйрак, жигар, қон томирларда муаммолар пайдо бўлиши кутилади. Апелсин, банан, олма каби мевалар соғлиғингиз учун жуда фойдали эканини унутманг. Кечқурун тоза ҳавода сайр қилинг.
8.1K views16:11
M
