2022-04-28 20:29:47
ҚЎЙ (21. 03 — 20. 04)
29 апрелда олдингизда иккита мураккаб савол пайдо бўлади. Меҳнат таътилига чиқиш керакми, ё астойдил меҳнат қилишда давом этишми? Бу саволларга моддий аҳволингизни таҳлил қилиб чиққандан кейингина жавоб топасиз. Агар пул зарурати бўлса, дам олишнинг сира ҳожати қолмайди. Муҳаббатда оиласизларнинг қайсидир бирлари туйғулар сўна бошлаганини ҳис эта бошлашади. Аммо бунда сизнинг айбингиз йўқ. Ҳойнаҳой, дастлабки пайтларда зўрлик қилган эҳтирослар айбдор бўлса керак.
БУЗОҚ (21. 04 — 21. 05)
Бугун касбингизни, бажариб турган ишингизни ўзгартиришга шошилманг. Муҳим ҳужжатларга имзо чекишдан ҳам тийилинг. Бу масалада яқинларингиз билан бамаслаҳат иш тутганингиз маъқулроқ. Янги танишувлар бугун муваффақият келтирмайди. Эски танишлар билан мулоқот қилишингизнинг ўзи кифоя қилади. Кечқурун спорт билан шуғулланиш, айниқса, сузиш спорти саломатлигингиз учун жуда фойдали кечади. Тоза ҳавода сайр қилишни ҳам эсдан чиқарманг.
ЭГИЗАКЛАР (22. 05 — 21. 06)
29 апрел куни қилажак ишингизнинг даромади билан қизиқиб кўринг. Ишлаб-ишлаб қандайдир арзимас пулга эга бўлиш алам қилади. Раҳбарларнинг ҳар бир топшириғини сўзсиз адо этаверишингиз ҳам у қадар муҳим эмас. Ҳарқалай, «Мен»ингиз ҳам ер билан битта бўлмаслиги лозим, тўғри эмасми? Муҳаббатда оила қурмаганлар бир дунё шубҳаларга эга чиқишади. Агар шубҳалар сизга кучли босим ўтказаётган бўлса, ёлғиз қолинг ва дам олинг.
ҚИСҚИЧБАҚА (22. 06 — 23. 07)
Эрталабдаёқ биринчи навбатда иш жойингизни тартибга келтириб олишингиз тавсия этилади. Қоғозлар, аниқроғи, ҳужжатларни кўздан ўтказинг. Ўтказингки, раҳбарлар камчилик топа олмасин. Ўтмишдаги муҳаббатга қайтишни хаёлингизга ҳам келтирманг. Бу сиз учун кўнгилсизликлар келтиришдан бошқасига ярамайди. Ҳар ҳолда қачонлардир бу масалага нуқта қўйгансиз. Тинч қўйинг. Оилалиларнинг шахсий ҳаётида сокинлик ҳукм суради. Кўнгилсизликлар, жанжаллар кўзга ташланмайди.
АРСЛОН (24. 07 — 23. 08)
29 апрелда кам ўйлаб кўп ишлашга эътибор қаратинг. Агар ўзингиз тўхтаб қолмасангиз, ҳеч ким сизга халал бера олмайди. Моддий аҳволингиз билан боғлиқ ишларга алоҳида ҳурмат ва эътибор билан ёндашинг. Муҳаббатда ғалати, тушунарсиз хабар эшитишингиз кутилади. Бу масалани обдон ўрганиб чиқиш керакка ўхшайди. Саломатлигингиз панд бера бошласа, албатта врач кўригига чопинг. Атмосферадаги магнит бўронларидан ўзингизни эҳтиёт қилинг.
ПАРИЗОД (24. 08 — 23. 09)
Кунингиз оғир кечиши кутилмоқда. Лекин кун давомида қизиқарли вазиятлар ҳам кўп бўлади. Мажлислар, йиғинларга боришдан бош тортманг. Улардан ўзингиз учун муҳим янгиликларни олишингиз мумкин. Пул масаласида айримлар яқин дўсти билан тортишиб қолиши кутилади. Балки ундан қарз олгандирсиз? Шундай бўлса, қарзингизни қайтаришингиз лозим. Шунда жанжал бўлмайди. Кечқурун баъзилар хизмат сафарига жўнаб кетиши эҳтимолга яқин. Саломатликни асранг.
7.0K views17:29
M
