MUHAMMAD YUSUF SHE'RLARI

2022-06-28 14:01:02 БИР КЕЧА...

МУХАММАД ЮСУФ..

ФЕРУЗА БОНУ.. Ochish/sharhlash

2022-06-23 18:33:56 TO‘Y KECHASI

Yuzga upa surmasdan,
To‘lin bo‘ldi Zebojon.
O‘n sakkizga kirmasdan,
Kelin bo‘ldi Zebojon.

Men ne derdim, nima dey –
Olov edik, sho‘x edik.
Zebi bilan erinmay
O‘n yil birga o‘qidik.

Eski maktab, alvido,
Xonalari tor edi.
O‘rtamizda bir Xudo,
Bir siyohdon bor edi.

Men lapashang, albatta,
So‘ramadim ko‘nglini.
O‘n yil o‘qib, bir marta
Ushlolmadim qo‘lini...

O‘ltiribman endi jim,
Keksa onam oldida.
To‘yga men ham borardim,
Yomg‘ir yog‘ib qoldi-da!

Muhammad Yusuf

T.me/Muhammad_Yusuf_ijodi Ochish/sharhlash

2022-06-20 15:47:12 Osmon cho'kib qoldi

Osmon cho‘kib qoldi bu oqshom,
Yulduz bo‘lib yog‘ildi bir sas.
Bir mahalla nigohni ko‘rdim:
Yashash kerak, sevish shart emas.

Sadoqatmi?
Kimga kerak u?..
Behudadir ko‘z yoshning seli.
Yulduz bo‘lib yog‘ildi bir sas:
U begona. U endi kelin...

To‘y bu asli badjahl ota,
Baxtli bo‘lsin qizim, degani.
Uni senga bermasman, bo‘tam,
Tirik ekan ko‘zim, degani.

Osmon cho‘kib qoldi bu oqshom,
Qonimda bir g‘ashlik o‘rmalar.
Men olovga otarman endi,
Yuragimni qiyma-qiymalab...

Yoqa ushlab qolsin ko‘rganlar,
Olovlarga otgum uni, bas.
Yonib ketsin chirsillab qalbim,
Sevish kerak... yashash shart emas...

Muhammad Yusuf

@Muhammad_Yusuf_ijodi Ochish/sharhlash

2022-06-14 05:14:14 Майли, ёқмаганим, майли ёққаним,
Майли, хоҳ дўст бўлсин, майли хоҳ ғаним.
Дилида дард борки, бошида ғавғо,
Таниганларим-у, танимаганим,
Мен бугун барини бир-бир қучарман,
Юраги куюклар учун ичарман!..

Муҳаммад Юсуф
@Gulijon_ijod Ochish/sharhlash

2022-06-13 12:11:35 Muhammad Yusuf
Maftuna Yusuf Ochish/sharhlash

2022-06-12 19:19:46 Muhammad Yusuf xotirasiga

"O, ota makonim, onajon o‘lkam",
Muqaddas tuproqli, musaffo osmon.
Vatan sog‘inchi deb chekkanimda g‘am,
Sen tomon yuzlangum ,shahri Andijon.

Keng dala –dashtingdan boshlab bitilgan ,
O‘chmas xotiralar o‘chmas qissasi .
Manguga yurakka muhr etilgan ,
Ko‘hna to‘llaringda momom allasi .

Shunchaki sevgimas ,”Shoir sevgisi “
U o‘tli yoshlikning yoniq izidir .
Yoki xayol hamda orom o‘g‘risi ,
Sharqning sarvinozi ,”Turkman qiz “idir .

Rayhon hidlaringni yo'limga to‘kib ,
Ko‘kda oy chiqishin kutaman mushtoq .
Go‘yo yangi baxtga ko‘zini tikib
Ochilib turgandek, “Lolaqizg‘aldoq”.

“ Mayli-da, kimgadir yoqsa- yoqmasa”...
Albat, kamolotin topadur odam.
Garchi dunyo nomin bilsa – bilmasa,
Ona xalqim menga aziz muhtaram.

Bizdan “ Mehr qolur”, qolur oqibat,
Umr o‘tib ketar, dard – g‘urbatlarda.
Vatan, baxt nomlari yashaydi abad,
Muhammad kuylagan muhabbatlarda!


Sa'dullayev Bobomurod


2020-yil. Aprel. Ochish/sharhlash

2022-05-28 01:18:49 ЁЛҒОНЧИЛАР

Сулувлардан сулув бир қиз сочим силар,
Менинг эса кўзларимдан ёш томчилар.
Севаман деб алдар мени ёлғончилар,
Юрагимни йўлбарсларга едираман. 

Бағри-дилим куйдиради ёлғонлари,
Ёнларига чорлар моҳитобонлари.
Бўлсам агар ўзим битта қурбонлари,
Юрагимни йўлбарсларга едираман. 

Кўҳна дунё, бу қизларинг мунча гўзал,
Қараб турсам, кўкларда ой, кунча гўзал.
Қанча гўзал бўлса, алдар шунча гўзал!..
Юрагимни йўлбарсларга едираман. 

Ҳозир кўзим юмаману ерга ётиб,
Юрагимни суғураман қон йиғлатиб.
Йўлбарсчалар есин уни касирлатиб ―
Юрагимни йўлбарсларга едираман. 

Кимни суйсам суйганимдан куйган дилим,
Кўз ўнгимда бўла қолсин тилим-тилим.
Ҳаром бўлсин муҳаббатсиз кўрган куним,
Юрагимни йўлбарсларга едираман.

Муҳаммад Юсуф

@MUHAMMAD_YUSUF_IJODI Ochish/sharhlash

2022-05-23 19:40:01 Гулистон шаҳридаги 11-умумтаълим мактабида Ўзбекистон халқ шоири Муҳаммад Юсуфнинг рафиқаси, "Фидокорона меҳнатлари учун" ордени соҳибаси, Муҳаммад Юсуф номидаги жамоатчилик фонди раҳбари Назира ас-Салом билан ижодий учрашув бўлиб ўтди. Учрашув халқ севган шоир Муҳаммад Юсуф ҳаёти ва ижодига бағишланди. Ochish/sharhlash

2022-05-23 07:47:01 Гул деганим тикондай, жонимни тилди,
кўндим,
Бошимга тоғлар қулаб, сабрлар синди,
кўндим,
Бахт излаб нигоҳ тикдим, озорлар унди,
кўндим,
Мени жонимни ёққан,​ табассуминг ўлдирди.

Тонгларимни тунларга, тортиқ қилди тақдирим,
Шодмонлигимдан ғамни ортиқ қилди тақдирим,
Мен дунё не билмадим, мени билди тақдирим,
Мени жонимни ёққан,​ табассуминг ўлдирди.

Баҳор деб кутганларим, хадя қилди кузларга,
Юрагимдан жой бердим, оловларга музларга,
Умрим бахш этган эдим ўша ўтли кўзларга,
Мени жонимни ёққан, табассуминг ўлдирди.

Кута кута етганим, бир жабр,​ зорлик бўлди,
Кимларга кенг дунёси мен учун торлик бўлди,
Қўлларингни узотмоқ, оҳ бунча орлик бўлди,
Мени жонимни ёққан, табассуминг ўлдирди.

Ишқ деб борганим дилнинг,​ озорида ўлмадим,
Кўнгилни ютган фироқ,​ мозорида ўлмадим.
Ҳисларим арзон сотган,​ бозорида ўлмадим,
Мени жонимни ёққан, табассуминг ўлдирди.

Мадина Муҳаммад

T.me/Muhammad_Yusif_ijodi Ochish/sharhlash

2022-05-22 15:44:32 “Saboq” loyihasining navbatdagi mehmoni xalqimizning sevimli ijodkori, Turon fanlar akademiyasi akademigi, O'zbekiston va xalqaro Turon yozuvchilar uyushmasi a'zosi, Turon xalq shoiri Amir Xudoyberdi!

Amir Xudoyberdi 1961 yil Qarshi tumanidagi Shilvi(Shayx Shibliy) qishlog’ida tavallud topgan. 1985 yilda Toshkent Davlat universitetining o’zbek filologiyasi fakultetini tamomlagan. 1994 yildan buyon O’zbekiston Yozuvchilar uyushmasining a’zosi. «Dunyo va men», «Javobsiz savol», «Evrilish», «Yettinchi malak», «Oydin lahzalar», «Devonalarmiz» kitoblari chop etilgan.

Amir Xudoyberdi bilan suhbat
24-may soat 16:00 da “Saboq” loyihasining telegramdagi rasmiy sahifasida oʻtkaziladi.

Manzil: @ijodiy_uchrashuvlar Ochish/sharhlash