MUHAMMAD YUSUF SHE'RLARI

2022-09-01 12:11:29 Ассалому алайкум, азиз дўстлар!

Сизларни Ўзбекистон Республикаси мустақиллигининг 31 йиллиги – “Энг улуғ, энг азиз” байрамимиз билан самимий табриклайман. Барчангизга оилавий тинчлик, соғ-саломатлик, бахт-саодат тилайман. Узоқ йиллар “Энг улуғ, энг азиз” байрамимиз билан табриклаш барчамизга насиб қилсин. Юртимиз тинч, мустақиллигимиз абадий бўлсин.

Байрамингиз муборак бўлсин, азизлар! Ochish/sharhlash

2022-09-01 12:11:28 Ochish/sharhlash

2022-08-30 21:32:11 Muhammad Yusuf

Qahramon Sultonov Ochish/sharhlash

2022-08-29 11:01:23 BAXTLI BOʻL, DERMAN

Mening shirin qizim,
Mening asal qizim,
Mendan ham soddasan. Oʻylamoq ogʻir.
Oʻtlarga koʻmilib ketganda izim,
Holing nima kechar... yuragim ogʻrir.

Sening qarogʻingda mening yoshligim,
Soching har tolasi azoblarimdir.
Yoʻlingda yoʻldoshing boʻlar ekan kim?
Shunday noziksanki... yuragim ogʻrir.

Men kimman? Bilmasman hatto oʻzim ham,
Koʻnglim koʻrfazidan baliqlar zohir.
Mening sodda qizim, seni oʻylasam,
Jonni bir qush choʻqir - yuragim ogʻrir.

Bulbullar yogʻilgan bir navbahorda
Olamni yoritgay oppoq libosing.
Men jim yotarmanu qirda yo jarda
Va yigʻlab oʻparman qoʻling xinosin!

Mening goʻzal qizim, baxtli boʻl, derman!!!

Muhammad Yusuf

T.me/Muhammad_Yusuf_ijodi Ochish/sharhlash

2022-08-28 22:06:31 Muhammad Yusuf
Guli Ikrom qizi
https://t.me/Gulijon_ijod Ochish/sharhlash

2022-08-28 11:01:16 ILTIJO

Ertagim choʻzildi, mening ertagim...
Ertaga endi bu dunyodan oʻtsam,
Hayot, azizim, sen xafa qilmagin,
Mening shiringina qizlarimni ham.

Koʻnglimdan toʻkilgan kuylar nimadir,
Alvon qoʻshiqlarim oʻchar izimdan.
Yozgan kitoblarim - qogʻoz kemadir,
Men ketsam, ular ham koʻchar izimdan.

Kulga koʻmdim oltin fursatlarimni,
Endi bir kun faqat dadil va oʻktam,
Shoirchalar qilsa gʻiybatlarimni,
Balki, biron kimsa eslar meni ham.

Eslamasa nima, men bir toʻpori,
Qishloqi soʻzbozni, osmon yiqilmas.
Urib turgan qalbning tirikdir zori,
Toʻxtaganidan soʻng yurak siqilmas...

Men sening boringga boʻldim parvona,
Sahrolaring kezib toldi tovonim.
Kiprigim oldida turibdi, mana,
Tovusday tovlanib oxir dovonim.

Ertagim choʻzildi, mening ertagim,
Tongni koʻrolmasdan dunyodan oʻtsam,
Hayot, yolgʻizim, sen xafa qilmagin,
Mening shiringina qizlarimni ham!

Muhammad Yusuf

T.me/Muhammad_Yusuf_ijodi Ochish/sharhlash

2022-08-27 11:01:25 QIZIM MAʼSUDAGA

Ona qizim, boshingga
Oftob boʻlsin chambarak,
Bir oʻgʻilning onasi
Boʻlganliging muborak.

Jonim bolam, jonimdan
Uzatgandim men seni.
Ming xavotir dard bilan
Kuzatgandim men seni.

Sen bilmassan, menga shoh
Ertak boʻldi Biloling.
Qiynalgan bu jonimga
Tirgak boʻldi Biloling.

Buguncha u beshikda
Shirin xayol suradi.
Ishonaman, ertaga
Qoʻltigʻimga kiradi.

Qutlugʻ boʻlsin yorim deb,
Qoʻllaridan tutganing.
Onangdan ham mehribon
Onazoring topganing.

Baxtin tilab yashardim,
Titib yeru osmonni.
Panohingga topshirdim,
Egam, qoʻshaloq jonni.

Ona qizim, boshingga
Oftob boʻlsin chambarak,
Bir ogʻilning onasi
Boʻlganliging muborak.

Muhammad Yusuf

T.me/Muhammad_Yusuf_ijodi Ochish/sharhlash

2022-08-26 11:02:40 KRISTINA

Kristina!
Jonajon qoʻshnim.
Baland poshna
Mallasoch,
Koʻrkam.
Yon qoʻshnimu, ammo mendan ham
Mushugiga mehribon qoʻshnim...

Kristina!
Qoʻshnim bir devor.
Koʻzi moviy,
Burni surnaycha.
Bitta bola,
Ikkita laycha -
Tashlab ketgan eridan yodgor.

Bu qismat,
Bu taqdiri azal -
Beva borki, hammasi goʻzal.
Kristina!
Bogʻbonsiz bogʻcha,
Changda qolgan momaqaymoqcha.

Eri bilan edim qalin doʻst,
Eri minar edi parovoz.
Qoʻllari moy ishdan qaytardi,
Ichsa biznikida yotardi.

Kristina!
Mallasoch dildor.
Viqor bilan boqishlar hay-hay...
Mening uyim toʻla bolakay,
Uning uyi toʻla jonivor.

Bizning kulba beshinchi qavat,
Mehmongaku ochiq - marhamat!
Odam sal xijolat boʻladi -
Liftdan kuchuk hidi keladi.

Muhammad Yusuf

T.me/Muhammad_Yusuf_ijodi Ochish/sharhlash

2022-08-26 04:48:01 Танимни гул​ айла, руҳимни Лайли,
Шу Лайли руҳ ила қабул эт майли,
Майлимга бандиман ишқинг туфайли,
Ё Мавлоо...

Танам пойингда-ю, Исрода руҳим,
Каломинг зийнати Иқрода руҳим,
Магарам бундаман - Уқбода руҳим,
Ё Мавлоо...

Азизо, азиз эт,​ ожиз улусман,
Сабрга бандиман девона хисман,
Барглари тўкилиб, сарғайган кузман,
Ё Мавлоо...

Каломингни кўнгил уйина, шам қил,
Зикрингга ошино, қароғим нам қил,
Нусратинг, фикратинг, руҳимда жам қил,
Ё Мавло...

Қулингга чархи дун​ савдолари не,
Нафс бало​ шайтоннинг ғавғолари не,
Қулим де, қулим де, кел марҳабо де,
Ё Мавло...

Мадина Муҳаммад

@Muhammad_Yusuf_ijodi Ochish/sharhlash

2022-08-25 11:00:29 QIZ QOʻSHIGʻI

Har oʻtganga moʻltirab,
Sogʻinadi onalar,
Sogʻinganda yoʻl qarab,
Ogʻrinadi onalar.
Sizga ilhaq olisda
Qadrdon ostonalar,
Sogʻintirmang onangiz,
Ey munis dugonalar!..

Yoshlik oʻtar, bu uyni
Bir kun tark ham etarsiz,
Yor-yor aytib yangalar,
Kelin boʻlib ketarsiz.
Ota uyning qadriga
Balki shunda yetarsiz...
Koʻzingizdan tomchilar
Munchoq-munchoq donalar.

Garchi Sizdan suluv yoʻq,
Qizlar qalamqoshisiz.
Umr kunda bayrammas,
Oʻtmaydi koʻz yoshisiz.
Malika boʻlsangiz ham
Palaxmonning toshisiz,
Boʻy yetgandan keyin hech
Ketmaydi bahonalar!..

Toʻydan keyin ham sizni
Sogʻinadi onalar,
Yoʻqlab bormas boʻlsangiz
Ogʻrinadi onalar.
Sizga ilhaq olisda
Qadrdon ostonalar,
Sogʻintirmang onangiz,
Ey munis dugonalar.

Muhammad Yusuf

T.me/Muhammad_Yusuf_ijodi Ochish/sharhlash