2021-09-11 12:19:05
#Фикр
2001 йил 11-сентябрь кунини жуда яхши эслайман. Президент ҳузуридаги Давлат ва жамият қурилиши академиясида, кундузги бўлимда аспиратман. Сиёсатшуносликнинг, “
сиёсат фалсафаси” йўналиши бўйича.
Шу йилни бошида, Президент ҳузуридаги Стратегик тадқиқотлар институтига ишга ҳам кирганман. Ички хавфсизлик йўналишида, ижтимоий фикрни ўрганиш ва таҳлил қилиш секторида ишлардим.
Бизни иш бўлимимиз “
Макроиқтисодиёт ва статистика” вазирлигининг 14-қаватида жойлашган эди.
Мен кабинетимни деразасидан қараганимда, Каримов ўтирадиган Оқ сарой биноси ва ҳовлиси тўлиқ кўринар эди.
*
11-сентябр куни, ишдан қайтиб, уйга келиб, ҳар доимгидек НТВни қўйдим.
У пайтлар, НТВ – оппозицион телеканал эди, Россия ва дунёдаги муқобил қарашларни барчаси, НТВда чиқарди.
Энг кучли таҳлилий ва танқидий материаллар ҳам, НТВдан бериларди. ТВни қўйганимда, бошида тушунмадим. НТВ дикторининг овози хириллаган, қўллари қалтирарди.
Мен ҳам бу воқеани англашим учун, бир неча дақиқалар керак бўлган. Бу куниси ишга борсак, Карим ака деган ҳамкасбимиз “
э, ҳаёт ўзи жуда зерикарли бўлиб кетганди, энди сал қизиқроқ бўлади!” деб кулди.
Ўзбекистонда “
терроромания”, “терророфобия” бир неча йил олдин бошланган эди. 11-сентябрдан кейин янгитдан оловланди.
*
Эсимда, ҳаттоки бу воқеаларга ҳамдардлик билдириш учун, атайлаб Чилонзордаги АҚШ элчихонаси олдига келиб, элчихона ташқарисида турган
“ҳамдардлик дафтари”га ўз ҳамдардлигимни ҳам ёзиб келганман.
Лекин, йиллар ўтиб, бу воқеани қайтадан таҳлил қилдим, дунёдаги кўплаб мутафаккирларнинг, экспертларнинг фикрлари билан қизиқдим. Бугун, мен 11-сентябр воқеаларининг расмий версиясига, мутлақ ишонмайман!
11-сентябрь бўйича, икки версия бор: ёки, бу АҚШ давлатчилиги, разведка ва хавфсизлик соҳаларининг энг ахмоқона ва энг катта малакасизлиги (провали), еки, бу АҚШ ва янги давр тарихидаги энг катта “ўйин”. Мен фикримча, иккинчи вариант.
Камолиддин Раббимов
Telegram | Facebook | Instagram | YouTube
16.2K views09:19