Medical Leaders' Club (Official)

2022-08-02 02:20:09 Lekin eplab turkchalab bir-ikki kalima gapirdim. Ichimizdagini anglatadigan darajada.

Keyin 5 daqiqalar chamasi u zotning nasihatlarini jon qulog'imiz bilan tingladik. Atrof jim-jit, biz u kishining ovozidan boshqa hech nimani eshitmayotgan, u kishidan boshqani ko'rmayotgan, sezmayotgan edik, ya'ni karaxt edik.

Suhbatlari oxirida duolarini ham olish nasib qildi Allohga shukur.

Ular ketishdi. Biz qoldik. Jamoamiz bilan yana uzun-uzun suhbat qildik. Suhbatimiz boshqacha fayzli bo'ldi. Bu yo'lga - Tibosferaga nega kirganimiz, qanday xizmatlarni maqsad qilganimiz, nimalar qilishimiz kerakligi, bu xizmatlar uchun biz o'zimiz qanday sifatlarga ega bo'lishimiz, qanday illatlardan qutulishimiz kerakligi haqida suhbatlashdik. Tibosferaning asl mohiyati haqida hech kimga, hech qayerda aytmaganlarimni aytib oldim bahonada .

Boshqacha odamlar, boshqacha muhit, boshqacha so'zlar, yuraklarimizga hayajon to'lgan... Takrorlanmas lahzalar edi.

Ziyoratimizning asl mag'zi, qaymog'i, eng totli nuqtasi ayni shu joyda - ulug' olim Abu Hafs Kabir maqbaralari yonida bo'lib o'tdi.

Ziyoratning 3-kuni biz o'ylaganimizdan ko'ra manfaatli, hayajonli, taassurotlarga boy bo'ldi. Allohga shukr.

@elyorbek_turaboyev Ochish/sharhlash

2022-08-02 02:20:09 Lekin to'ymadik. Ark juda keng, juda katta edi. Tarixni sevgan kishiga bir kun emas, bir hafta ham kamlik qiladi bu joyni o'rganishga. Biz esa bir soatda bu qiyin ishni amalga oshirdik

Yugurib - yugurib hammasini ko'rib chiqdik. Hozir o'tiribmiz, shunaqa narsalar ko'ribmizaa deb)))

Arkdan chiqqach to'g'ri mehmonxonaga yo'l oldik. Uyerdan avtobusga minib ancha yildan buyon ziyoratiga mushtoq bo'lganimiz "Chor Bakr" majmuasiga bordik.

Asr namozini mana shu joyda o'qidik. Namoz oxirida old safda bir kishi duo qildi. Duo qilganda faqatgina sunnatda kelgan duolarni qilishlaridan va arab talaffuzi tiniq ekanligidan ilm ahillaridan ekanini angladik. Namozni tugatgach u kishining yoniga bordim. "Hazrat, biz vodiydan ziyoratga keldik, duo qilib bersangiz haqqimizga" dedim. Yaxshiyam shu ishni qilibman. Ham duo oldik, ham bu majmua tarixiga oid juda qiziq ma'lumotlar eshitdik. O'ziyam yarim soatdan ortiq tik oyoqda turib masjid ichida bizga suhbat qilib berdilar. Bilmadim, jamoamizdagi bollarning samimiyligi, yonib turgan ko'zlari, endi nima derkinlar deb og'izlariga tikilib turishlari sabab bo'lsa kerak ochilgandan ochilib uzoq suhbat qildilar. O'zlari ham gapirib to'xtagilari kelmasdi.

Chor Bakrlar kim bo'lgan, kimlarga ustozlik qilgan, qaysi davrda yashagan, bu majmuani qurdirgan Abdullaxon II kim bo'lgan, uning ustozi Xoja Islom Jo'yboriy va Xoja Sa'd Jo'yboriylar kim edi, xalqqa qanday xizmatlar qilgandi, o'sha davr insonlari qanday edi, ruslar bosqinidan keyin bu joylar qanday ahvolga tushgandi, mustaqillikdan keyin kimlarning xizmati bilan hozirgi obod holga kelganini zavq bilan tingladik.

Suhbatdan keyin duolarini oldik, bizga Chor Bakr masjidi yonidagi Avdullaxon II masjidini ham ochtirib berdilar. Bu masjid yaqinda ta'mirdan chiqibdi. U joyni ham havosidan nafas olib chiqdik, Alhamdulillah.

Undan keyin majmuadagi Xoja Sa'd va boshqa Jo'ybor shayxlarining haziralari (oilaviy qabr) ni ziyorat qildik. Ziyorat so'nggida Chor Bakrlardan bo'lgan Abu Bakr Sa'd va Abu Bakr Muhammad ibn Fazl, hamda Abdullaxon II ni Abdullaxon qilgan piri-murshidi Xoja Faxriddin Islom Jo'yboriyning qabrlari oldida Qur'on tilovati qildik, uzoq duolar qildik.

"Chor Bakr" o'zining muhabbatini qalbimizga yozib qo'ydi. Yana kelasizlar deb bizdan va'dalar oldi go'yo.

Keyingi manzilimiz "Abu Hafs Kabir" maqbaralariga bo'ldi.

Maqbaraga yetib keldik. Bu zotning haybatlari bosib kela boshladi. Tanamiz qaltirab, qalbimiz esa junbushga kelishni boshladi. Maqbaraga to'g'ri keldik. Maqbaraga harakat asnosida Abu Hafs Kabir hazratlari haqida so'zlashib kelayotgan edik.

Qarasak, maqbara eshigi ochilgan, chiroqlari yoniq, ichkarida 3-4 ta qabr tosh va bir oq sallali kishi o'tiribdi. Yuragim shig'illab ketdi. Bu onlarni necha yildan beri orzu qilaman. Buxoroga borishimni hayolimda tasavvur qilaman, mana shu zotlarni ko'rishimni, ular bilan salomlashishimni, ularga nimalar deyishimni qayta-qayta o'ylab ssenariy chizib chiqaman. Va nihoyat, men orzu qilgan vaqtlar...

Turkiyalik ulug' olim va mutasavvif Mahmud Afandi rohimahullohning shogirdlaridan birini uchratgandim, ichkaridagi bu sallali kishi bilan hali salomlashmadim, ismini so'ramadim, lekin bunga ismimni bilganim qadar amin edim.

Boshlarini bir yonga eggan, tizzalab cho'kka tushgan, bir nimalarni pichirlab o'tirardilar. Ularning ziyoratlari tugab maqbaradan chiqishlarini kutdik. Lekin birdan shomga azon aytila boshladi.

Hammamiz shom namozini o'qish uchun biroz naridagi masjid tomon yurdik. Namoz boshlanmasidan orqaga qarayman, u zotlar ham kelib namoz o'qirmikin, namoz so'nggida salomlashib duolarini olish nasib qilarmikin deyman. Namoz tugadi, lekin ular ko'rinmadi. Namozni tugatib yugurgancha yana maqbaraga qaytdik. Hayriyatki, ular hali hamon o'sha yerda edilar.

Va nihoyat tashqariga chiqishdi. Yuragimni chaynab olgandek edim. O'zimda emasdim. Jamoamizdagilar ham ming bir qiziqish bilan ularga qarab turishardi. Ha aytgancha, ular bir emas 3 kishi edi.

Ular bilan salomlashdik, hol ahvol so'radik, hayolimda tuzgan ssenariylarim bir pul bo'ldi)
Hayajondan duduqlanib qoldim. Ochish/sharhlash

2022-08-02 02:20:09 ZIYORATMIZ TAASSUROTLARI
(3-qism)

Buxoro


Samarqandda kunni kechiktirib, o'sha kuniyoq qaydasan, Buxoro deb yo'lga otlandik.

Buxoroyi Sharifga tong otib bo'lgach yetib keldik. Mehmonxonalarga joylashdik. Biroz dam olgach, sayohatimizni davom ettirishga kelishdik.

Buxorodagi safarimiz Poyi Kalon majmuasidan boshlandi. Mir Arab madrasasi va Masjidi Kalonni tomosha qildik. Haqiqatdan ham boshqacha ruh, boshqacha kayfiyat. Atrofingizda hozirgi urf bilan kiyinib olganlarni hisobga olmasak, o'sha o'rta asrlarga tushib qolgandek his qilasiz o'zingizni. Hozir eshikdan boshiga katta salla o'ragan, yenglari uzunligidan tahlanib ketgan, uzun beqasam to'nni kiyib ikkita madrasa talabasi kirib qolarmikin deb o'ylaysiz.

Mana shu joyning o'ziyoq bizni qo'ltiqlab tarixga olib ketdi.

Uyerdan chiqib rasmga tusha boshladik. Bir vaqt bir notanish kishi kelib bizni Amir Olimxon zindoniga olib borishini, u yerda ham muzey borligini aytdi. Biz juda qiziqdik haqiqatdan ham. Chunki bir qancha tarixiy asarlar o'qiganimizda zindon sahnalarini tasavvur qilishga harakat qilganmiz. Haqiqatdan ham shunaqa zax, qorong'u, buruqsagan hidli, suvaraklar, sichqon, kalamushlarga to'lgan joymikin, qiziqdik.

Yo'lga tushdik. Oldinda o'sha notanish odam, orqada esa 34 kishilik jamoa. Yurdik, yurdik, Buxoroning jin ko'chalaridan o'tdik. O'sha tor ko'chalar, o'sha pastak uylarni ko'rdik. Bu biz uchun juda boshqacha zavq bergan bo'lsa, bunaqa jin ko'chalar orqali zindonga ketayotganimizni eslasak biroz qo'rqib turardik

Oldinda bizni yetaklab borayotgan kishi juda bilimli bo'lib chiqdi. Bizga yo'l-yo'lakay o'sha vaqt tarixiga oid juda ko'p ma'lumotlar berib o'tdi. Sezdikki, u kishi faqatgina tarix emas, juda ko'p sohadan xabardor ekanlar. So'zlashlaridan tarixga rostdan ham qiziqishlari, gapirayotganlarini bir joylardan qidirib, qiziqib o'rganganlari sezilib turardi.

Vanihoyat o'sha zindonga keldik. Kirishimiz bilan uyerdagi "Kassa" degan yozuvni, xolodilnikni ko'rib qo'rquvimiz biroz tarqadi

Zindonga kirdik. Kiraverishdagi soliq to'lamaganlar xonasi, atrofdagi sarbozlar xonalarini birin ketin ko'zdan kechirdik. O'sha vaqtdagi zindonbandlar, soqchilarning haqiqiy suratlarini ko'rdik, ular ishlatgan kishanlar, dorlar, qamchilar, qilich va nayzalar. Har bir eksponat oldida soatlab tomosha qilib o'sha vaqtga - moziyga hayolan borishni juda xohladik. Lekin, vaqtimiz kam, hali oldinda bizni juda ko'p joylar kutib turardi. Zindonning yana bir xonasiga kirdik. Xonaning pol qismida kattagina dumaloq taxta panjara turibdi. Taxta panjara ostida esa 3-4 metr churuqlikdagi dumaloq bir o'ra bor. Bu o'raga o'sha vaqtdagi xavfli jinoyatchilar - davlat to'natirishi uyushtirmoqchi bo'lganlar, amirga qarshi bosh ko'targanlar tashlanar ekan. Arqon bilan ovqat tushirilib turarkan. Juda qorong'u, juda zax, qo'lansa hidli, aniqki bit, kana va suvaraklar, sichqonlarga to'la bir o'ra. Tasavvur qilib etlarimiz junjukdi.

Mana shu zindon safarimiz davomidagi bizni xotiramizda uzoq muhrlanib qoladigan, taassurotlarga boy nuqta bo'ldi.

Zindondan chiqib amir saroyi - Buxoro Arkiga qarab yo'l oldik. Havo issiq, atrofda biror daraxt yo'q, oyoq osti ham, atrof ham g'isht. Ustiga ustak garmsel (issiq shamol) esib holimizni quritdi.

Bir amallab Ark ichiga kirdik. Kiraverishdayoq Amir saroyining haybati bizni o'ziga tortdi. O'sha vaqtdagi Ark soqchilari, Ark ichida ketayotgan qizg'in saroy ishlari, atrofdagi fuqaro hayotini tasavvur qilib shirin entikdik, ichimiz hayajonga to'ldi. Bir vaqtlar fuqarolar bu saroyga bir umr yaqin kela olmay yurgan bo'lsa, biz bemalol kirishimiz, Amir Abdulahadxon, Amir Muzaffarxon, Amir Olimxonlar o'tirgan majlisxonalari, dam olish xonalari, ziyofatxonalari, haramxonalarini tomosha qilishimiz mumkin edi. Oldimizda necha asrlarni boshidan o'tkazgan, qancha qonli voqealarga shohidlik qilgan, sukut saqlagan tarix!

Haqiqatdan ham shunday bo'ldi. Kirdik, har bir xonadagi tarixiy eksponatlar - o'sha zarbof to'nlar, teri etiklar, katta sallalar, mis patnislar, obidastalar, bilaguzuk va tillaqoshlar, va yana minglagan tarixiy buyumlarni ko'rdik, o'rgandik. Ochish/sharhlash

2022-08-02 02:20:09 Keyin esa qadim Temuriylar davrini eslatuvchi Bibixonim (Amir Temur masjidi) masjidiga bordik. Uzoqdan haybatli ko'ringan bu masjid, yaqiniga borganimizda yana ham haybati ortdi. Bu qadar ulkan, bu qadar hashamdor masjid XIV asrda qurilganiga ishongisi kelmaydi kishini. Samarqandda bizni hayratga solgan obidalardan biri mana shu masjid bo'ldi. Amir Temur rohmatullohi alayh ning "Kim bizning qudratimizga shubha qilsa, biz qurdirgan binolarga boqsin" degan so'zlarini o'sha joyda anglab yetdik.

Undan so'ng hammaga ma'lum va mashhur Registon maydoniga bordik. Bu joyni hech bo'lmaganda rasmini ko'rmagan odam bo'lmasa kerak. Bu joyda bizning xotiramizga muhrlanib qolgani maydonning to'rida joy olgan Tillakori masjidida namoz o'qiganimiz bo'ldi . Nimasi esda qolarli deb o'ylarsiz, XV-XVI asrga tegishli bu qadim masjidda ancha vaqtdan beri namoz o'qilmayotgani, muzeyga aylantirib qo'yilganini bilgach siz ham hayron bo'lasiz. Shom namozi edi. Mikrofonsiz holatda ham ovoz shunaqangi jarangdor chiqdiki, quruvchi me'morlarning iste'dodiga tan berdik.

Shundan so'ng yugurganimizcha Go'ri Amir (Go'ri Mir) ga bordik. Yugurib borib, yugurib kirib, yugurib chiqdik . Chunki ancha kech tushgan, bu ziyoratgoh ham yopilish arafasida ekan. Buni ham hikmatga yo'ydik, inshaAlloh kelasi safar Amir Temur hazratlari, ularning piri murshidi Mir Sayyid Baraka rohmatullohi alayh haqlarida ko'p o'qib o'rgangach boshqa kelamiz deb niyat qildik.

Shu bilan Samarqand safarimiz niyohaladi. Jamoamizdagilarning 98 foiz qismi Samarqandga birinchi bor kelishi edi. Birinchisi bo'ldi, lekin takrorlanmas bo'ldi.

@elyorbek_turaboyev Ochish/sharhlash

2022-08-02 02:20:09 ZIYORATIMIZ TAASSUROTLARI (2-qism)

Samarqand


Samarqandda ham bizni juda ko'p ulug'lar kutib turardi. Ziyoratimizni ana shu ulug'lardan biri Mahdumi A'zam Dahbediy (Kosoniy) hazratlarini ziyorat qilishdan boshladik.

Afsuski, bu zot haqlarida na u yerdagilar va na atrofdagilar xabardor. Ziyorat qiluvchilar ham kam. Lekin, ziyoratgoh juda obod etilgan, bir necha asr ilgari gurilgan yozgi va qishki masjidlari kishini o'sha zamonga bir muddat olib ketadi. Bu yerda ham uzoq muddat qololmadik, qadimgi tabarruk masjidda ikki rak'at namoz o'qib, hazratning qabr boshlarida Qur'on tilovat qilib haqlariga duo qildik. Ularning hurmatidan ota-onalarimiz, ustozlarimiz, shogirdlarimiz haqlariga ko'p duolar qildik.

Bu joydan chiqib Mahdumi A'zam hazratlarining katta ustozlari, butun Movarounnahrni nurga va irfonga to'ldirgan, sarkardalar-u sultonlarga, olimlaru shoirlarga ustozlik qilgan buyuk valiyulloh Hoja Ahror Valiy hazratlarining ziyoratlariga bordik.

Ziyoratgohning qadim masjidida boshqacha bir kayfiyat bilan peshin namozini o'qigach, hazratning qabrlari tomon yurdik. Bilasizmi, ziyoratgohga yaqinlashmasdan yuraklarimiz dukillashini his qilib bordik. Yetib kelgach u zotlarning fayzi va haybatidan badanlarimiz qaltirab, sovuq terga botdik.

Qur'on tilovati qilingach, uzoq-uzoq duolar qildik. Hoja Ahror Valiy hazratlarining hayoti, xalq uchun qilgan xizmatlari, yashagan davrlari haqida uzoq suhbat qildik. Suhbatimiz tugadi, lekin odamni bu joydan sira ketgisi kelmaydi. Qani endi imkoni bo'lsa, umr bo'yi qolib ketsang. Hoja Ahror Valiydek zotning izlari qolgan tuproqlarni ko'zingga sursang.

Ming bir qiyinchilik bilan bu fayzli dargohdan ayrildik. Tushlik qilib bo'lgach Shohi Zinda majmuasiga yo'l oldik.

Bu joyda qo'nim topgan Qusam ibn Abbos roziyallohu anhu ning fayzlaridan atrofni ham, o'zimizni ham unutdik. Chuqur hayolga berilib, asri saodatni esladik, qalblarimiz shirin entikdi, tomoqlarimiz qaqrab, nafaslarimiz tezlashdi. Hazratning qabrlari yoniga kelganimizda esa tamoman o'zimizda emasdik. Nahotki, Habibimiz alayhissalomni ko'rgan ko'zlar, u zotning ovozlarini eshitgan quloqlar, u zotning muborak badanlariga teggan qo'llar shu joyda yotgan bo'lsa?!

Shu zayl bir mavhumlik ichida Qur'on tilovat qildik, duo qildik. Yana shu hayajon ichida u joydan tashqari chiqdik. Tashqariga chiqqanimizdan keyin sal o'zimizga keldik. Lekin sezdikki, qalblarimiz oldingidek emas, qandaydir sakinat ichida qolgandi. Qusam ibn Abbos hazratlarining huzurlariga kirganimizda boshqa odam edik, qaytib chiqqach butunlay boshqa biriga aylandik.

Ana shu farah va sakinatga to'lgan holimizda qadim tarixga ega Hazrati Hizir masjidlariga bordik. Masjid yaqinidagi Islom Karimov qabrlarini ham ziyorat qildik. Qur'on tilovat qilib, haqlariga duolar qildik. Ochish/sharhlash

2022-07-21 17:26:18 ZIYORATIMIZ TAASSUROTLARI (1-qism)

Kuni kecha "Tibosfera" va "MLC" jamoasi birgalikda uzoq kutilgan va rejalashtirilgan ziyoratga otlandik.

Dastlab Toshkent, keyin esa Samarqand va Buxoroga bordik.

Maqsadlari mushtarak, o'xshash qadriyatli, ilmga va olimlarga muhabbatli jamoa bilan ziyoratimiz yana ham fayzli bo'ldi. Bir-birimizga muhabbatimiz ortdi. Yanada yaqinlashdik, miriqib iymonlashdik. Uzoq yo'limiz ham suhbatlarimiz uchun kamlik qildi nazarimda.

Toshkentda ziyoratimizni shayx Muhammad Sodiq Muhammad Yusuf hazratlarining qabrlaridan boshladik. Alixonto'ra Sog'uniy hazrat, shayx Zayniddin bobo, shayx Ahmad Muhammad Tursun, shayx Alouddin Mansur, Tohir Malik qabrlarini ham biryo'la ziyorat qildik.

Ziyorat davomida u zotlar, ularning xizmatlari, yashagan davrlari haqida uzoq suhbat qildik. Ziyoratimizning boshidanoq qalblarimiz sakinatga burkandi. Bir qalb, bir yurakka aylandik. Aqlimiz va shuurimiz oydinlashdi.

Keyin esa ustozimiz Doniyor Nasriddinovning ziyoratlarida bo'ldik. Ustozning nasihatlari va duolari bilan qalblarimiz yumshab, ko'zlarimiz namlandi. Menimcha u suhbatning xushta'mi umrimiz oxirigacha og'zimizda qolsa kerak. Ustoz ham jamoamizni ko'rib o'zgacha to'lqinlandilar. Shundan bo'lsa kerak juda uzoq va dildan nasihat qildilar.

Undan so'ng Xazrati Imom majmuasida bo'ldik. Kaffol Shoshiy, eshoni Boboxon va ularning avlodlarini ziyorat qildik. Bu yerda ham tariximiz, uning yolg'on va haqiqatlari haqida uzoq suhbat qildik.

Uyerdan shayx Hovand Tohur ziyoratlariga, Hoja Ahror Valiy masjidi va Ko'kaldosh madrasalariga bordik.

Bu ziyoratgohlarda ham nomi kelgan ulug'lar hayoti, ummat uchun qilgan xizmatlari haqida uzoq-uzoq suhbatlar qildik.

Shu bilan Toshkentga qilgan safarimiz nihoyalab Samarqand sari yo'lga tushdik.

Ziyoratning birinchi kuni o'ylaganimizdan ko'ra qiziqarli va taassurotlarga boy bo'ldi. Safarimiz kutilmagan voqealarsiz o'tmadi tabiiyki .

Bunday qiziq voqealarni ularning tilidan eshitasiz. Biz yozsak u holatni to'liq ochib bera olmasligimiz mumkin .

@elyorbek_turaboyev Ochish/sharhlash

2022-07-16 07:58:40 Va nihoyat biz kutgan kun

"Tibosfera" va "MLC" jamoasi ajdodlarimiz ziyoratiga otlandi.

Toshkent, Samarqand va Buxoro yo'nalishida bo'ladi inshaAlloh ziyoratimiz.

Bunaqa jamoa bilan uzoqlarga sayohat qilsang, soatlab suhbat qilsang

Alloh taolo ziyoda qilsin!

@tibosfera Ochish/sharhlash

2022-03-13 19:21:47 #olimpiada_2022

24 ta Fiziologiya - Khurana Ochish/sharhlash

2022-03-13 19:21:35 #olimpiada_2022

36 ta Biokimyo - Perumcherill Ochish/sharhlash

2022-03-13 19:21:35 #olimpiada_2022

50 ta Farmakologiya - Xarkiyevich Ochish/sharhlash