Minor.uz

2022-07-11 17:00:42 Дин ҳаёт билан боғлиқ саволларнинг жавобини ўзи тўқиб чиқармайди, ўзи ўйлаб топмайди. У ғойибдан, бошқа тарафдан, биз кўрмаган бир томонлардан хабар келтириб, жавоб беради. Ана шунда бу жавоб қимматли бўлади.

Шайх Маҳмуд Асъад Жўшон

ДЎСТЛАРИНГИЗГА ҲАМ УЛАШИНГ!!!

Каналга аъзо бўлинг!
https://t.me/joinchat/ACdZCTV_KS03ODli Ochish/sharhlash

2022-07-11 14:37:36 Одам алайҳиссалом ва Мусо алайҳиссалом учрашуви ҳақида

Абу Ҳурайра розийаллоҳу анҳу ривоят қиладилар:
“Жаноб Расулуллоҳ бундай дедилар:
“Одам алайҳиссалом ва Мусо алайҳиссалом учрашишди. Шунда Мусо алайҳиссалом Одам алайҳиссаломга: “Инсонларни бахтсиз қилиб, жаннатдан қувилишига сабабчи бўлган киши сизмисиз?!” – дедилар.

Одам алайҳиссалом Мусо алайҳиссаломга: “Аллоҳ хос ўзи учун бино қилган (танлаган) зот сизмисиз, Таврот сизга нозил қилинганмиди?!” – дедилар. Мусо алайҳиссалом: “Ҳа”, - дедилар.

Одам алайҳиссалом: “Ундай бўлса, Аллоҳ таоло мени яратишдан аввалроқ тақдиримни белгилаб қўйганлиги ҳақида Тавротдан билиб олган бўлсангиз керак?!” – дедилар.

Мусо алайҳиссалом: “Ҳа” – деб жим қолдилар, чунки Одам алайҳиссаломнинг далиллари кучли эди”.


“АЛ-ЖОМИЪ АС-САҲИҲ”

ДЎСТЛАРИНГИЗГА ҲАМ УЛАШИНГ!!!

Каналга аъзо бўлинг!
https://t.me/joinchat/ACdZCTV_KS03ODli Ochish/sharhlash

2022-07-11 12:26:30 ШИРКНИНГ АЛОМАТЛАРИ

Расулуллоҳ соллаллоҳу алайҳи васаллам айтдилар:
— Эй Али! Кофирнинг уч аломати бор:
1. Аллоҳ таолога шубҳа қилади.
2. Аллоҳ жалла жалалуҳунинг қулларига ғазаб қилади.
3. Аллоҳга итоатдан ғофил бўлади.

Мунофиқнинг аломати учта:
1. Гапирса ёлғон гапиради.
2. Ваъдасида турмайди.
3. Омонатга хиёнат қилади. Ҳеч бир ваъз-насиҳат унга кор қилмайди.

Риёкорнинг уч аломати бор:
1. Намознинг руку ва саждаларини жамоатда мукаммал қилади, ёлғиз ўқиганда мукаммал қилмайди.
2. Мақтаган кишининг ишини битиради.
3. Фақат зоҳирида ва жамоат орасида Аллоҳ таолони зикр этади.

Аҳмоқнинг уч аломати бор:
1. Аллоҳ таолонинг амрларини бажаришга сустлик қилади.
2. Аллоҳ таолони зикр этиш ўрнига кўп гапиради.
3. Аллоҳ таолога эътироз билдиради.

Илоҳий ёрдамдан маҳрумлик аломати учта:
1. Кўп ёлғон сўзлаш.
2. Кўп ёлғон қасам ичиш.
3. Инсонларга муҳтожлик.

Бахтсизнинг уч аломати бор:
1. Ҳаром ейди.
2. Олимлардан қочади.
3. Намозни ёлғиз ўқийди.

Золимнинг уч аломати бор:
1. Илинганини ейди.
2. Қарз олганга зулм қилади.
3. Кучи етганни аямайди.

«Пайғамбаримизнинг (с.а.в.) ҳазрати Алига (р.а.) насиҳатлари» китобидан.

ДЎСТЛАРИНГИЗГА ҲАМ УЛАШИНГ!!!

Каналга аъзо бўлинг!
https://t.me/joinchat/ACdZCTV_KS03ODli Ochish/sharhlash

2022-07-11 10:01:22 НОМАҲРАМ АЁЛЛАРГА ҚАРАШ

Ҳазрат Ашраф Али Таҳонавий айтдиларки, номаҳрам аёлларга қараш аслида сағира (кичик) гуноҳ бўлса ҳам, лекин таъсир ва натижа жиҳатидан қаралганида баъзи гуноҳи кабиралардан ҳам оғирроқдир. Аёлларнинг номаҳрамлардан беркиниши шу қадар аниқ, кўзга ташланиб турган ҳақиқатки, агар бу тўғрида Қуръон ва ҳадисда бирорта буйруқ келмаган тақдирда ҳам, инсоний ақл ва ғайратнинг ўзи аёлларни бегона назарлардан сақлашни тақозо қилган бўлар эди. Чунки сиз юз сўм пулни ҳам поезддаги овқатланиш тахтаси устига ташлаб қўйган бирор кишини кўрмайсиз. Уни яшириб, чўнтак ичида сақлашга аҳамият бериш бир табиий иш деб билинади. Чунки ташқарида қолиб кетса, авбош одамлар олиб кетиши эҳтимоли бор. Аёлнинг қиймати юз сўмга ҳам барорбар эмасми? Нима учун аёл киши авбошларнинг назаридан ҳимоя қилинмас экан?

"Мажолиси ҳакимул-умма" китобидан.

ДЎСТЛАРИНГИЗГА ҲАМ УЛАШИНГ!!!

Каналга аъзо бўлинг!
https://t.me/joinchat/ACdZCTV_KS03ODli Ochish/sharhlash

2022-07-11 08:01:24 ЙИҚҚАН ПУЛИМ БУЮРМАЙДИ ШЕКИЛЛИ
Менинг бир талаба шогирдим бор. У менга хусусий кинотеатри бор қариндоши ҳақида сўзлаб берди. Бу воқеага эса қарийб ўттиз йил бўлган экан. Ўша қариндоши кинотеатрдан катта пул йиққан бўлиб, пул миқдори ўн миллион лира бўлган, ҳозирги пулга чақса миллиард лирага тенг. Мазкур кимса шогирднинг тоғаси бўлиб, бир куни жуда ҳам ëмон ва давоси йуқ касалликка чалинибди. Шогирди унинг зиёратига бориб қараса, тоғаси юролмай қолиб, жойида йиғлаб ётган экан. Жиянини кўриб: «Мен бунча пулни мазза қилиб еб-ичиб, айшу-ишрат билан яшайман деб йиққан эдим. Ваҳоланки, бу пулга ўйнаб-кулиб қолишимдан олдин, ўлиб қоламан шекилли», деб айтган экан.
Хўш, у бу пулларни қаердан йиққан эди?
Бу пуллар ёш авлод ахлоқини бузиш эвазига йиғилган. Қўйилган фильмлардаги бузуқлик, зўравонлик, жинсий саҳналар эвазига жамланган. Ахир ёш авлоднинг кўпчилиги бунақа нарсаларга ўч бўлишади-да.
Қачонки бир инсон ёшларнинг ахлоқини бузиш, инсонлар хулқини фосид килиш, ҳаром-ҳариш эвазига ножоиз услуб билан бойлик тўплар экан, билиб олсинки, ушбу тўплаган бойлигидан, албатта, ажралади. У бойликнинг ўзигина кетмайди, балки, эгасини ҳам олиб кетади. Бундай ҳаром йўл билан топилган мол-дунë талофатга учраши аниқ ва буни жам қилган эгаси ҳам талофатга учрамай қолмайди. Бу собит ҳақиқатдир!

Шайх Нобулсий,
"Қиссалар ва ҳиссалар" китобидан. Ochish/sharhlash

2022-07-11 06:01:39 МУЗДАЛИФАДАН МУХЛИСЛАР УЧУН МАХСУС

ҚУРБОН ҲАЙИТИНГИЗ МУБОРАК БЎЛСИН!

ДЎСТЛАРИНГИЗГА ҲАМ УЛАШИНГ!!!

Каналга аъзо бўлинг!
https://t.me/joinchat/ACdZCTV_KS03ODli Ochish/sharhlash

2022-07-11 02:48:30 Ассалому алайкум!
          Хайрли тонг!

Соғ–саломат уйғотган Роббимизга ҳамдлар бўлсин!

Бугунги кунингиз кечаги кунингиздан хайрли,  файзли,  манфаатли ва баракалироқ бўлсин, азизлар!

Аллоҳ розилигига етишишликни барчамизга насиб айласин.

Каналга аъзо бўлинг!
https://t.me/joinchat/ACdZCTV_KS03ODli Ochish/sharhlash