Ажиб бир фараҳга лим-лим тўлса дил,
Яшнасам баҳорнинг гуллари каби.
Зулматрўй хаёллар чекиниб буткул,
Ишқнинг, бахтнинг, нурнинг бўлсак матлаби!
Бу қандай ҳаловат, бу қандай тортиқ?
Туш деб ўйлаганинг ҳаётга кўчса!
Кўнглинг ватан айлаб энг дилбар қўшиқ,
Шамоллар тилида куйланса...жўшсанг!
Томирларинг-дарё, қувончга тўлиб,
Қилар ирмоқларга шодликни тақсим...
Менга боқ, азизим, табассум бўлиб,
Энг порлоқ ҳисларни этаман тақдим!
Лайло СОБИР қизи
