2022-08-26 14:50:36
Uyqu
• Haqiqiy sog‘lom inson uyqusida orom ololadi. Uyg‘ongandan keyin tetik yuradi, biiznillah.
Uyqu uch turli bo‘ladi: haylula, qaylula, 'aylula. (Bular haqida pdf'da ham o‘qishingiz mumkin)
• Haylula – bomdoddan keyin, quyosh chiqishidan avval uxlashning zararlari:
Bomdoddan keyin inson organizmida kartizol garmoni judayam baland bo‘ladi. Bu garmonni foydali narsa bilan chiqarib yuborish kerak, masalan, ertalabki badantarbiya, toza havoda sayr qilish...
Olimlar aytishicha, ertalabki uyqudan foyda yo‘q. Bu uyqu charchoq, esnash, burunda tumov, tomog‘da balg‘am to‘planishi kabi zararlarni keltirib chiqaradi.
• Ertalab tana faoliyat yuritishga tayyor holatda uyg'onadi, endi tasavvur qiling, ishlayman, harakat qilaman deb turgan tanani ko'rpaga mixlab qo‘yish qanchalik to‘g‘ri?
Ertalab (bomdoddan keyin) uxlaydigan kishi hamisha shoshib yuradi, chunki barchamiz bilamizki ertalabki uyqu barakani kesadi. Natija: ertalab uxlagan odam hech narsaga ulgurmaydi va ishlarini bitirish uchun vaqti yetmaydi, shoshib yuradi.
Odam ertalab uxlasa, nega charchab uyg'onadi?
– Tana ishlash uchun tayyor edi, endi o‘sha ishlashga tayyorlangan kuch tanani zarariga ishlaydi, tashqariga chiqmagan kuch tananing o‘z-o‘ziga urib ketadi va tana charchaydi.
Kechqurun uxlaganda miya uxlamaydi. U kun bo'yi to‘plagan barcha ma‘lumotlani analiz qilib chiqadi; miya shu ma'lumotlar ichidan eng emotsional hodisalarni saqlab qoladi ya'ni DNK'ga joylaydi. Keraksiz ma‘lumotlani musurga otadi, lekin musurga otishdan oldin hammasidan kopiya olib qo‘yadi. Nega? Chunki qiyomat bor! Qiyomatda har bir harakat va sakanatimiz haqida so‘ralamiz.
(Dnk xotirasi: Bir inson chet elga borib dnk topshirgan, tekshiruvchilar u insondan emailinigina so‘rashgan xolos. U odam Dnk tahlili uchun tupuk topshiradi. Bir muncha vaqtdan keyin tekshiruvchilar odamning barcha u haqidagi ma'lumotlarini uning e-mailiga yuborishadi. Ya'ni hamma ma‘lumotlar uning dnkasida saqlanib qolgan edi.)
Uyqu miyani sintez qilishiga yordam beradi. Haylulada miya sintez qilolmaydi. Aksincha, oshib ketgan kartizol garmoni butun tanaga "urib" charchatib yuboradi. 1 soatlik Haylula uyqusida organizm 4 soatli energiya sarflaydi.
Qaylula – quyosh chiqqandan keyingi uyquda kishi 20 daqiqa uxlasa, 1 soatlik energiya beradi. 1 soatlik uyqu 2 soat uxlaganlik energiyasini beradi, biiznillah. Bu uyqu sunnat
Qaylulada Afzali peshingacha uxlab olish.
Bu uyqu – sunnat. Uyqu davomida somototropin garmoni (go‘zallashtiruvchi, yoshartiruvchi garmon) oshadi;
Bu uyqu kimga? Kechasi bilan uxlamasdan chiqadiganlarga asosan. Ramazonda kechasi bilan qiyomul-layl qilsangiz, kunduzi qaylula qilib oling.
Aylula uyqusi – asr paytidagi uyqu:
– Nafas yo‘li kasalliklariga moyil qilib qo'yadi;
– pigmentatsiyalar sodir bo‘ladi;
– Asr vaqtida organizm juda kuchli detokslanadi. Bu vaqtda uxlansa, organizmga yanada stress beradi.
Bu vaqtda eng afzal ish zikr qilib, organizmni tinchlantirish.
Asr vaqtida uxlaydigan, yoki uyqu vaqtiga e'tibor bermaydigan insonlarda rang uchishi, taloqdagi kasalliklar, lanjliklar, asabiyliklar, ishtaha buzilishlari kuzatiladi. Bittada ko‘p ovqat yeb qo‘yishadi va ovqatlanish vaqtida ko‘p suv ichaverishadi. Bitta suv, bitta ovqat deganlariday...
Asr vaqtida uxlaydigan odamlarda yalqov bo‘lishadi, tanalarida shishlar paydo bo‘ladi.
Ba'zi dietologlar shishlarga asosan ikki sababni ko‘rsatishadi:
1. Uglevod ko‘p yeyish;
2. Ovqatdan keyin suv ichish;
Aslida shishishga asosiy sabab bu uyquning buzilishi.
Bu insonlarda sovuq mizoj rivojlanadi, bu sovuq mizoj miyaga ko‘tarilib balg‘am hosil qiladi. Agarda mana shu balg‘am burunga tushsa, tumov qiladi, tomoqqa tushsa, angena qiladi, oshqozonga tushsa gastrit qiladi, o‘pkaga tushsa astma qiladi. Mana shu haylula va aylula uyqusining zararlaridan.
To‘q qoringa uxlamaslik kerak! Iftordan keyin, saharlikdan keyin tap etib uxlab olmaslik kerak. Agar iftordan keyin uxlasangiz, yengil iftorlik qiling.
Oshqozon hajmiga qarab, ikki mahalning birida kamroq ovqatlanish kerak. Iftorlikda ko'p ovqat yeyish kerak degan qonun yo‘q.
370 views11:50