2022-08-28 11:47:01
#nikoh
#ayollarga
Emotsional mavjudotlar deganda faqat ayollar nazarda tutiladi desangiz, adashasiz.
Odam bolasining hammasi his bilan yaratilgan. Agar inson anatomiyasida hislar muhim bo’lmaganida edi, faqat jismoniy amallarning o’zigina ibodat hisoblanaverardi.
Lekin bizning dinimizda asosiy ibodat- qalb bilan qilinadiganidir.
Ya’ni qalblar, hislar muhim.
Aslida mavzu ibodatlar haqida emas hozir.
Erkaklar haqida.
Murojaat ayollarga bo’ladi bu safar.
Bizning o’zbek mentaliletida o’g’il bolalar qiz bolalardan farqli yetishtiriladi.
“O’g’il bola degani yig’lamaydi!”
“O’g’il bola kaltak ko’rishi kerak.”
“O’g’il bolaga qattiq turish kerak.”
“O’g’il bolani erkalash shartmas”
Tanishmi ?
Erkaklar erkak bo’lishgani bilan, ular ham qachondir bola bo’lishgan.
Va istisnosiz(!), har bir bola mehr-shafqatga muhtoj.
Jamiyatimizda shu mehrni ko’rmay o’sganlar ko’p. O’shalardan biri sizning juftingiz bo’lishi ham mumkin.
Hayoti davomida yetarlicha mehr ko’rmagan, kimgadir erkalanishni sog’ingan, issiq bag’irga zor kichik bola yashayotgan bo’lishi mumkin eringizning ichida.
Ayollar mehrni faqatgina kutishlari emas, uni berishni ham bilishlari kerak.
Eringizning hayoti, bolaligi mehrga to’la o’tdi ham deylik, endi sizning mehr ortiqchalik qiladimi ?
Javobi zotan oshkor.
Yelkasida ro’zg’or yuki, oila mas’uliyati bo’lgan har qanday inson stressga ko’p uchraydi. Erkalanish ayol fitratiga yarashadigan narsa bo’lgani bilan, uning o’z o’rinlari bor.
Erkaklar ba’zan yaxshi do’st, sokin tinglovchi xohlaydilar. Oqila ayol qaysi vaziyatlarda yoshbolalik yoki mashuqalik pozitsiyadian chiqib, hojasiga do’st bo’lishi kerakligini, uni qo’llab quvvatlashni yaxshi farqlaydi.
Xuddi Xodiyja onamiz kabi..
Rodiyallohu anho.
Mehr-shafqat har qanday qalbning malhami. Eringizga doim ham sizni boqishni bo’yniga olgan homiy sifatida qaramang, uning ba’zan mehringizni qumsagan yor ekanini ham xotirlab turing.. ko’rsating mehringizni.
Qo’llaridan o’ping,
Sochlarini silang,
Oyoqlarini uqalab qo’ying,
Yaxshi ko’rishingizni SO’Zlang.
Mehr ko’rgan odam mehr beradi.
Nikoh hayotingizda talablarni ko’paytirib, muhabbatni xor qilmang…
Ba’zan kuch berish - aynan tushunish bilan sodir bo’ladi.)
Eng baxtli ayol- jufti haloli uchun sakiyna bo’lgan ayoldir. Undan ham baxtli ayol esa- ongli ravishda shunday bo’lishni tanlagan ayoldir.
Baxtli bo’lishingizni istab,
#Mutawakkilun
364 views08:47