Personal blog

2023-03-12 11:14:19 Savol

Hozirgi kunda ko'p beriladigan savollardan biri bu elektron raqamli imzo bilan bog'liq. Ya'ni ERI olishda qancha yig'im undiriladi, qanday imtiyozlar mavjud?

ERI olish tartibi O'zbekiston Respublikasi Vazirlar Mahkamasining 348-sonli qarori bilan tasdiqlangan ma'muriy reglament bilan tartibga solinadi.

Unga ko'ra:

Yuridik shaxslar va yuridik shaxs tashkil etmagan tadbirkorlik subyektlaridan BHMning 10% (hozirgi holat bo'yicha BHM miqdori 300000ni tashkil qilmoqda) miqdorida;

Jismoniy shaxslardan esa BHMning 7% miqdorida yig'im undiriladi.

Elektron raqamli imzoni Davlat xizmatlari markaziga murojaat qilish orqali yoki Yagona portal orqali olish mumkin.

#imtiyoz

Agar siz ERI olish uchun Yagona portal orqali murojaat qilsangiz yuqoridagi yig'imning 90% miqdorida yig'im to'laysiz.

Bundan tashqari, kasb-hunar kollejlari va akademik litseylarning o'quvchilariga, umumiy o‘rta ta’lim tashkilotlarining bitiruvchi sinf o‘quvchilariga, “Temir daftar”, “Ayollar daftari” va “Yoshlar daftari”da ro‘yxatda turgan fuqarolarga ERI kalitlari sertifikatlari bepul beriladi.

@law_partner Ochish/sharhlash

2023-03-11 10:38:06 #imtiyoz

Savol

Talabalarga uy-joyini ijaraga berganlik uchun soliq to'lanadimi?

Javob: yo'q.

Asos: "Soliq kodeksi"ning 378-moddasi 19/1-bandiga asosan, soliq to'lovchining uy-joylarni ijaraga berishdan olgan daromadlari soliq solish obyekti hisoblanmaydi va ularga soliq solinmaydi.

@law_partner Ochish/sharhlash

2023-03-08 12:05:28 O'zini o'zi band qilgan shaxslar shug'ullanishi mumkin bo'lgan faoliyat turlari 19 taga ko'paydi va ularning soni 100 tadan ortdi.

Prezidentning tegishli qarori bilan o'zini o'zi band qilgan shaxslar shug'ullanishi mumkin bo'lgan faoliyat turlari 19 taga ko'paydi.

1. Qayta ishlangan jundan kiyimlar va boshqa buyumlar toʻqish
2. Uy sharoitida loydan tandir tayyorlash
3. Atlas-adras toʻqish
4. Mayda munchoq (biser) tikish
5. Doʻppidoʻzlik mahsulotlarini uy sharoitida tayyorlash
6. Temirchilik mahsulotlari uy sharoitida tayyorlash
7. Asalarichilik, shuningdek asalari uyasi va ramkalarini yasash
8. Quroqchilik usulida koʻylak, koʻrpa va yopinchiqlar tikish
9. Qoʻziqorinlarni terish, uy sharoitlarida yetishtirish va sotish
10. Pichoq tayyorlash, charxlash va sotish
11. Qogʻozdan qutilar, banderollar tayyorlash
12. Uy sharoitida issiqxona mahsulotlarini yetishtirish
13. Tayyor mahsulotga etiketga biriktirish
14. Uy sharoitida bolalar oʻyinchogʻi ishlab chiqarish
15. Uy sharoitida supurgi yetishtirish va tayyorlash
16. Yassi oyoqli bolalar oyoq kiyimlarini tayyorlash
17. Milliy taqinchoqlar tayyorlash
18. Kandakorlik, misgarlik buyumlarini uy sharoitida tayyorlash
19. Dagʻal jundan gilam, koʻrpa va yostiq tayyorlash.

Ular shug'ullanishi mumkin bo'lgan faoliyat turlari ro'yxati


@law_partner Ochish/sharhlash

2023-03-06 10:11:52 #soliqhuquqi
#savol O'zini o'zi band qilgan shaxslardan qanday soliqlar undiriladi va ularga qo'shimcha qanday imtiyozlar mavjud?

O'zini o'zi band qilgan shaxslar(tegishli tartibda ro'yxatdan o'tgan) bazaviy hisoblash miqdorining 50% dan kam bo'lmagan miqdorda yagona ijtimoiy soliq to'laydi.
Asos: "Aholi bandligi to'g'risida"gi O'zbekiston Respublikasi qonunining 36-moddasi. Unga ko'ra, o'zini o'zi band qilgan shaxslarning mehnat faoliyati natijasida orttirgan daromadi ularning jami daromadlari tarkibiga kiritilmaydi. Shu sababli ham bunday daromadlardan daromad solig'i undirilmaydi.

O'zini o'zi band qilgan shaxslarning mehnat stajini hisoblash ularning mehnat faoliyatini amalga oshirish davri yoshga doir pensiyani hisoblash chiqarish uchun qabul qilinadigan mehnat stajiga qo'shib hisoblanadi. Ya'ni o'zini o'zi band qilgan davri ham stajga hisoblanadi(agar xohlasa).
Asos: "Aholi bandligi to'g'risida"gi qonunning 37-moddasi.

Shuningdek, o'zini o'zi band qilgan shaxslar mehnat faoliyatlari uchun mehnat staji hisoblanishi uchun yiliga bazaviy hisoblash miqdorining kamida bir baravari miqdorida ixtiyoriy ravishda soliq to'lashlari talab etiladi. Bu ularning ixtiyoridagi masala. Shundagina ularning mehnat faoliyatini amalga oshirgan davri uchun mehnat staji hisoblanadi.
Asos: "Soliq kodeksi" 408-moddasi.


@law_partner Ochish/sharhlash

2023-02-28 22:27:08 #ijtimoiytaminothuquqi
#savol

Dafn etish marosimi uchun ham nafaqa tayinlanadimi?

Javob:

Albatta, davlat ijtimoiy sug'urtasi bo'yicha homiladorlik va tug'ish ta'tili uchun yoki bola tug'ilganda to'lanadigan nafaqalar qatorida xodimlarni dafn etish marosimlari uchun ham nafaqa tayinlanadi.

Huquqiy asos:

"Davlat ijtimoiy sug‘urtasi bo‘yicha nafaqalar tayinlash va to‘lash tartibi to‘g‘risida"gi nizom.

Kimlar uchun to'lanadi?

Nafaqa xodimning :

a) turmush o‘rtog‘i;
b) 18 yoshga to‘lmagan yoki vaqtincha mehnatga qobiliyatsiz (yoshidan qat’i nazar) bolalari, aka-ukalari va opa-singillari;
v) ota-onasi;
g) bobosi yoki buvisi vafot etganda tayinlanadi.

Xodim vafot etganda esa, nafaqa uning oila a'zolariga yoki dafn o'tkazishni o'z zimmasiga olgan shaxsga to'lanadi.


Nafaqaning miqdori qancha?

Bazaviy hisoblash miqdorining 3 barobari.

Ishlamaydigan pensionerlarga ham nafaqa tayinlanadimi?

Ha, tayinlanadi. Ishlamaydigan pensioner vafot etgan taqdirda dafn etish marosimi uchun nafaqa uning oilasiga yoki pensionerning dafn marosimini o‘tkazgan shaxsga ikki oylik pensiya miqdorida, lekin bazaviy hisoblash miqdorining ikki hissasidan kam bo‘lmagan miqdorda, ijtimoiy ta’minot bo‘limi tomonidan to‘lanadi.

Shukurullo Xalilov tomonidan tayyorlandi.
manba

Bizni kuzatishda davom eting! https://t.me/yoshyuristlar

Murojaat uchun: @onlinemaslahatxonabot Ochish/sharhlash

2023-02-28 18:26:55 #mehnathuquqi
#savol
Ishdan bo'shatish nafaqasi qanday hollarda to'lanadi?

Javob: 1. Ish beruvchining tashabbusi bilan mehnat shartnomasi bekor qilingan quyidagi hollarda (Mehnat kodeksi 100-modda):
shtatlar qisqarganligi, korxona tugatilganligi sababli;
xodimning malakasi yetarli bo'lmaganligi yoki sog'lig'i holatiga ko'ra bajarayotgan ishiga noloyiq bo'lib qolishi tufayli;
o‘rindoshlik asosida ishlamaydigan boshqa xodimning ishga qabul qilinishi munosabati bilan;
korxona rahbari, uning o‘rinbosarlari, bosh buxgalter bilan, korxonada bosh buxgalter lavozimi bo‘lmagan taqdirda esa, bosh buxgalter vazifasini amalga oshiruvchi xodim bilan tuzilgan mehnat shartnomasi mulkdorning almashishi sababli bekor qilinganligi uchun;
xodimning pensiya yoshiga to‘lganligi, qonunchilikka muvofiq yoshga doir davlat pensiyasini olish huquqi mavjud bo‘lganda.

Lekin mehnat shartnomasi xodimning o'z vazifalarini muntazam ravishda yoki bir marta qo'pol buzganligi sababli (100-modda 2-qism 3- va 4-bandlari) bekor qilinganda ishdan bo'shatish nafaqasi to'lanmaydi!

2. Mehnat shartnomasi taraflar ixtiyoriga bog'liq bo'lmagan tarzda bekor qilingan quyidagi hollarda (MK 106-modda):
xodim harbiy yoki muqobil xizmatga chaqirilganda;
shu ishni ilgari bajarib kelgan xodim ishga tiklanganda, shuningdek O‘zbekiston Respublikasi Oliy Majlisining Qonunchilik palatasi deputati va Senatida doimiy asosda ishlagan Senat a’zosi vakolatlari muddati tugaganligi yoki Qonunchilik palatasi hamda Senat tarqatib yuborilganligi munosabati bilan avvalgi lavozimiga (ishiga) qaytgan taqdirda;
ishga qabul qilish yuzasidan belgilangan qoidalar buzilganligi munosabati bilan, agar yo‘l qo‘yilgan qoidabuzarlikni bartaraf etishning imkoni bo‘lmasa.

Lekin ishga qabul qilish yuzasidan tegishli qoidalar xodimning aybi bilan buzilgan bo'lsa, masalan, xodim soxta hujjatlar tayyorlagan yoki ma'lum bir faoliyat turi bilan shug'ullanishga to'sqinlik qiladigan hukmni yashirgan bo'lsa, ishdan bo'shatish nafaqasi to'lanmaydi!

3. Xodim yangi mehnat shartlari asosida ishlashni rad etgan taqdirda, mehnat shartnomasi bekor qilinsa (MK 89-modda).

Ishdan bo'shatish nafaqasining miqdori xodimning o'rtacha oylik ish haqidan kam bo'lmasligi shart.

Nargiza Sharipova tomonidan tayyorlandi.
Manba

Bizni kuzatishda davom eting! https://t.me/yoshyuristlar

Murojaat uchun: @onlinemaslahatxonabot Ochish/sharhlash

2023-02-28 09:42:16 #sug'urtatovoni
#savol Sug'urta hodisasi yuz berganda sug'urtalovchi organ qancha muddatda sug'urta tovonini to'lab beradi?
Javob:
Asos - "Sug'urta faoliyati to'g'risida"gi qonunning 29-moddasiga ko'ra, sug'urta hodisasi yuz bergan taqdirda sug'urtalovchi organ sug'urta tovonini to'lash majburiyatini o'z zimmasiga oladi. To'lash muddati esa, ikki tomon o'rtasida tuzilgan sug'urta shartnomasida belgilangan tartibda va muddatlarda sug'urtalovchi organ tomonidan amalga oshiriladi.
"Transport vositalari egalarining fuqarolik javobgarligini majburiy sug'urta qilish to'g'risida"gi qonunning 23-moddasiga asosan, Sug‘urta tovonini to‘lash sug‘urtalovchi sug‘urta tovonini to‘lash to‘g‘risida qaror qabul qilgan kundan e’tiboran besh ish kunidan kechiktirmay amalga oshiriladi. Agar sug'urtalovchi organ ushbu muddatga amal qilmasa sizga sug'urta tovoniga qo'shimcha ravishda penya to'laydi.

@law_partner Ochish/sharhlash

2023-02-26 20:13:40 #soliqhuquqi
To'langan kontrakt to'lovidan 12% daromad solig'ini qaytarib olsam bo'ladimi?

Javob:
Ha albatta qaytarib olsa bo'ladi.

Asos - Soliq kodeksi 378-moddasi 16-bandi ko'ra, soliq to'lovchining quyidagilarga yo'naltirilgan, soliq solinishi lozim bo'lgan ish haqqi va boshqa daromadlariga soliq solinmaydi:

A)O'zbekiston Respublikasining professional va oliy ta'lim tashkilotlarida ta'lim olishi (o'zining yoki 26 yoshga to'lmagan farzandlarining yoki erining(xotinining)ta'lim olishi) uchun to'lov. Mazkur imtiyoz ta'lim kreditlariga nisbatan ham qo'llanadi. Ya'ni ushbu daromadlar hech qanday soliqqa tortilmadi.

Demak quyidagi 3 toifaning to'lov kontrakti uchun to'lagan mablag'laridan daromad solig'i ulashlab qolinmaydi:
fuqaro o'zining kontraktika o'tkazsa;
ota-onalar 26 yoshdan oshmagan farzandining kontraktiga o'tkazsa;
er yoki xotin 26 yoshga to'lmagan turmush o'rtog'ining kontraktika o'tkazsa.

12% soliq chegirmasi to'lov quyidagilar hisobidan amalga oshirilsa qo'llanadi:
fuqarolarning o'z mablag'lari hisobidan;
ta'lim kreditlaridan;
yuridik shaxslar tomonidan jismoniy shaxslarga qaytarish sharti bilan berilgan mablag'lardan(ssuda).

Agar to'lov ish haqidan emas, balki mustaqil amalga oshirilganda yillik daromad to'g'risidagi deklaratsiya topshirilgan holda soliq chegirmasidan foydalanish mumkin.

Yuqoridagi 3 toifadan boshqalar masalan, aka-ukasi, opa-singlisi, kuyovi yoki kelini yohud boshqalarning kontraktiga to'lov qilinganda yuqoridagi imtiyozlar qo'llanmaydi.

@law_partner Ochish/sharhlash