Конспект

2022-08-29 04:12:03 — Ўзбекистоннинг коррупцияга оид халқаро рейтингидаги ўрни 7 поғонага яхшиланибди. Бу натижага қандай эришдингиз?
— Биласизми, биз охирги беш йилликда кўплаб жиноятларни қонунийлаштирдик.

@konspektor Ochish/sharhlash

2022-08-28 19:11:02 Собиқ совет даврида яҳудийлар Исроилга кўчишни бошлашди. Улардан бири лаш-лушларини олиб йўлга чиқди. Божхонада унинг юкларини текшираётган божхона ходими юклар орасидан Лениннинг ҳайкалини кўриб қолди. У яҳудийга:
– Бу нима? – деди.
Яҳудий:
– “Бу нима?” деманг, “Бу ким?” денг. Бу доҳийимиз Ленин. Коммунистик партиянинг асосчиси. У бизга кўп яхшиликлар қилган, коммунизмнинг йўлини кўрсатган. Унинг хотирасини абадийлаштириш учун Исроилга олиб кетаяпман, – деди.
Божхона ходими хурсанд бўлиб:
– Ўтаверинг, деди.

Исроилга киришда яна божхона ходими юклари орасидан ҳайкални кўриб қолиб:
– Бу нима? – деди.
Яҳудий:
- “Бу нима?” деманг, “Бу ким?”, денг. Бу ифлос Ленин. Ҳаммага зулм қилган, хусусий мулкни бекор қилган. Менинг ҳам СССРдан чиқиб кетишимга шу ҳароми сабабчи. Унинг ифлос башарасига ҳар куни тупуриб туришим учун Исроилга олиб келдим.
Божхона ходими хурсанд бўлиб:
– Олиб ўтинг! – деди.

Яҳудий Исроилдаги уйига келиб жойлашгач қариндошларини чақириб зиёфат қилди. Шунда бир жияни келиб бурчакда турган Ленин ҳайкалини кўрсатиб сўради:
– Амаки, бу ким?
Яҳудий деди:
- Эй ахмоқ! “Бу ким?” эмас, “Бу нима?” дейиш керак. Бу ўн килограмм тоза олтин. Уни божхонадан бож тўламай бу ерга олиб ўтдим.

@konspektor Ochish/sharhlash

2022-08-28 10:09:02 Шайхга савол беришибди:
— Қизлар билан юрардик, тавба қилдик. Энди уйланмоқчимиз, бизга қандай қизлар тўғри келади?!

Шайх жавоб қилибдилар:
— Тавба қилган қизлар!

@konspektor Ochish/sharhlash

2022-08-28 05:08:03 Бир араб ҳикоя қилади:
— Мен демократиядан 1988 йилдаёқ қўлимни ювиб, қўлтиғимга урганман. Ўшанда пайшанба куни бўлиб, барчамиз - ака-укаларим, дадам, ойим кечки овқат устида суҳбат қураётган эдик.
Дадам:
— Нима дейсизлар, эртага амакингларникига борсакми ё тоғангларникига? - деб қолди.
Болалар ҳаммамиз бир овоздан амакимникига боришни танладик. Ойимдан бошқа. Ойим тоғамларникига боришни танлади.
Кўпчилик овоз амакимникини танлагани учун иш битган, биз ғалаба қозонган эдик.

Жума куни эрталаб туриб ойимнинг хурсанд, кулиб юрганини кўрдик. Бизга: "Тезроқ ҳозирланинглар, болалар, тоғангларникига кетамиз" дер эди..

Дадам эса ерга қараб олган, қўлига газета олиб, гўё ўзини газета ўқиганга олар эди... Ўшанда билганман: "демократия", "шаффофлик", "халқ иродаси" деган нарсалар ухлаб ётган бечора "халқ" овозидан узоқда - қоронғи пана жойларда, куч орқали амалга оширилар экан.

Сайфуллоҳ Носир домла

@konspektor Ochish/sharhlash

2022-08-27 19:07:03 Соғлиқ ва бойлик тиламанг, омад тиланг, ахир, Титаникда деярли барча бой ва соғлом эди, аммо омад эса камчиликка кулиб боқди.

Уинстон Черчилл

@konspektor Ochish/sharhlash

2022-08-27 10:06:03 Тириклар тиллодан қош қўйсам дейди,
Бўйнига марварид тош қўйсам дейди.
Ўликлар орзуси - дунёга қайтиб,
Бир бора саждага бош қўйсам дейди!

Абдуллоҳ Юсуф

@konspektor Ochish/sharhlash

2022-08-27 05:05:06 Бир куни тошбақа йўлда кетаётса, тепада тескарисига учиб бораётган қарғага кўзи тушибди. Шунда тошбақа қарғага қараб: “Ҳой қарға, жинни бўлганмисан? Нега тескарисига учяпсан?” деб сўрабди. Қарға: “Сенинг мен билан нима ишинг бор? Бизда демократия! Хоҳлаганимдай учаман!” дея ўшқириб берибди. Тошбақа, демократия бўлса демократия-да, дебди-да, ўзиям шартта тескарисига юриб кетибди. Орқасида жар бор экан, тошбақа қурмағур кўрмай қолиб, пастга тушиб кетиб ўлибди. Шунда қарға унинг ёнига учиб келиб: “Эҳ аҳмоқ тошбақа, демократия фақат тепада бўлади, пастда эмас!” деган экан.

@konspektor Ochish/sharhlash

2022-08-26 19:04:02 Келин-куёв турмуш қурганларининг биринчи кунида эшикни ҳеч кимга очмасликка қарор қилишди.
Биринчи бўлиб куёвнинг ота-онаси ёш оилани кўришга келди. Келин-куёв бир-бирига қаради, куёв эшикни очишни истади, лекин қарорлари туфайли шаштидан қайтди. Шундай қилиб, ота-она кўп кутмай қайтиб кетишди.
Ўша куни бироз вақтдан кейин келиннинг оиласи келди. Келин-куёв бир-бирига термулди. Келин кўзида ёш билан “бундай қилолмайман“, деб эшикни очди. Куёв ҳеч нима демади...
Йиллар ўтиб эр-хотин бирин-кетин тўрт ўғил кўришди. Кейин тўрт ўғил ортидан қиз фарзанд дунёга келди. Ота янги туғилган чақалоқ учун катта тантана ўтказишни истади ва ҳамма танишларини таклиф қилди. Хотини эридан нима учун 4 ўғлига бундай тантана ўтказмай, бу сафар бундай қилганини сўради. Эр ўйчан нигоҳ билан шундай жавоб берди:
— Чунки қизим менга эшик очади!

Туркчадан Марям Осиё таржимаси.

@konspektor Ochish/sharhlash

2022-08-26 10:59:03 Эр уйига келмади. Хотин кечаси билан мижжа қоқмай чиқди. Тонг саҳар эрининг дўстига қўнғироқ қилди.
– Ваҳобжон акам келмадилар. Хабарингиз йўқми, қаёқда юрибдилар?
– Ташвиш қилманг, келин, – деди эрининг дўсти - Ваҳобжон бизникида ётиб қолди. Кечаси мажлис чўзилиб кетди...
Хотин эрининг иккинчи дўстига қўнғироқ қилди.
– Шунгаям бўғиласизми? – деди иккинчи дўст. – Кеча Чирчиққа борувдик. Хизматчилик-да! Ваҳобжон бизникида эди...
Хотин эрининг учинчи дўстига ҳам қўнғироқ қилди.
– Хавотир олманг, янгажон! – деди учинчи дўст. – Кеча десангиз, чет элдан меҳмонлар кеп қолса бўладими! Шуларни жойлаштиргунча тонготар бўлиб кетди. Ваҳобжон ака бизникида ётиб қолдилар...
Хотин фиғони фалакка чиқиб, дугонасига қўнғироқ илди:
– Эрим уйга уйга келмади. Учта ўртоғига қўнғироқ қилсам, уччаласиям эринг меникида ётиб қолди дейди!
Дугонанинг жаҳли чиқиб кетди:
– Э, Худо олсин, ёлғончиларни! Уччаласиям бекор айтибди! Эринг меникида эди!

Ўткир Ҳошимов

@konspektor Ochish/sharhlash

2022-08-26 04:58:03 Порахўр сиёсатчилар, қаллоблар, ўғрилар ва сотқинларга овоз берган халқ қурбонлар эмас, балки ёрдамчилардир.

Жорж Оруэлл

@konspektor Ochish/sharhlash