Кўприк савоб учун қурилган экан, тарқаламиз. Бугун ижтимоий | Konservativ Tribunal ✔️
Кўприк савоб учун қурилган экан, тарқаламиз.
Бугун ижтимоий тармоқларда Наманганда кўприк синиб кетди деб тарқаган хабарларга ойдинлик киритилди. Ушбу кўприк маҳаллий тадбиркор томонидан зиёратгоҳга келадиган одамларни оғирини енгил қилиш мақсадида қурилган бўлиб, тадбиркорнинг дадаси ўлимидан олдин кўприк қуриб беришга пул васият қилиб қолдирган экан.
Бу кўприкда давлат бюджетидан пул сарфланмаган. Ҳаво кескин совиб кетгани сабабли монтаж ишлари ўз вақтида якунланмай қолган, кўприкка тросс ва қўшимча темир тортилмаган бўлган. Тадбиркор икки ҳафтада кўприк қайта тикланишига ва энди икки томонига яна трос ва темир ўрнатилишини маълум қилди.
Албатта бундай кўнгилсизликлар давлат бюджетидан бўлган иншоотлар билан рўй беришига ўрганиб қолганмиз, аммо механика қонунларига қурилишга пул қаердан келганини қизиғи йўқ. Тадбиркорнинг бу иши тахсинга лойиқ аммо савоб қилсанг охиригача қил деган ҳикматли гаплар бор. Худога шукрки бу кўнгилсизлик оқибатидан жабрланган инсонлар йўқ.
